କଟକ ମହାନଦୀ ବସ୍ ଦୁର୍ଘଟଣା । ଆଇସିୟୁରେ ୭ ଗୁରୁତର, ସେପଟେ ଚାଲିଛି ଶବ ବ୍ୟବଚ୍ଛେଦ, ଘଟଣାର ତଦନ୍ତ କରିବ ୩ଜଣିଆ ଟିମ୍
ବତର୍ମାନ କଟକ ଡାକ୍ତରଖାନାରେ ୩୫ଜଣ ଚିକିତ୍ସିତ ହେଉଛନ୍ତି
କନକ ବ୍ୟୁରୋ: କଟକ ମହାନଦୀ ବସ୍ ଦୁର୍ଘଟଣାରେ ଆହତ ହୋଇଥିବା ଲୋକଙ୍କ ଭିତରୁ ୭ଜଣଙ୍କ ଅବସ୍ଥା ସଂକଟାପର୍ଣ୍ଣ ରହିଛି । ସେମାନଙ୍କ ମଧ୍ୟରୁ ୩ଜଣଙ୍କୁ ଟ୍ରୋମା ଆଇସିୟୁ ଓ ୪ ସେଂଟ୍ରାଲ ଆଇସିୟୁରେ ୪ଜଣଙ୍କୁ ଚିକିତ୍ସା ପାଇଁ ଭର୍ତି କରାଯାଇଛି । ବତର୍ମାନ କଟକ ଡାକ୍ତରଖାନାରେ ୩୫ଜଣ ଚିକିତ୍ସିତ ହେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବଂ ଅନ୍ୟ ୮ଜଣ ଆହତଙ୍କୁ ସେମାନଙ୍କ ପରିବାରବର୍ଗ ଘରୋଇ ନର୍ସିଂହୋମକୁ ଚିକିତ୍ସା ପାଇଁ ନେଇଯାଇଥିବା ସୂଚନା ଦେଇଛନ୍ତି ମେଡିକାଲ କର୍ତୁପକ୍ଷ । ଦୁର୍ଘଟଣା ପରେ ଆହତମାନଙ୍କୁ ଉଦ୍ଧାର କରାଯାଇ ଏସସିବିରେ ଭର୍ତି କରାଯାଇଥିଲା । ସ୍ୱତନ୍ତ୍ର ଟିମ୍ କରି ରୋଗୀଙ୍କ ଚିକିତ୍ସା କରାଯାଉଛି । ସେପଟେ ମୃତ ୧୦ଜଣଙ୍କ ଶବ ବ୍ୟବଛେଦ ଚାଲିଛି । ଶବ ବ୍ୟବଛେଦ ପରେ ପରିବାର ଲୋକଙ୍କୁ ମୃତଦେହକୁ ପଠାଇବାର ବ୍ୟବସ୍ଥା କରାଯାଇଛି । ମୃତକଙ୍କ ମଧ୍ୟରେ ୭ପୁରୁଷ ଓ ୩ଜଣ ମହିଳା ରହିଛନ୍ତି ।
ତାଳଚେର ବଲଣ୍ଡାରୁ ଭୁବନେଶ୍ୱର ଆସୁଥିବା ଜଗନ୍ନାଥ ନାମକ ଏକ ଯାତ୍ରୀବାହୀ ବସ୍ ମହାନଦୀ ପୋଲ ତଳକୁ ଖସିପଡିଥିଲା । ପୋଲ ଉପରେ ଏକ ମଇଁଷିକୁ ଧକ୍କା ଦେଇ ବସଟି ପୋଲର ବାଡା ଭାଙ୍ଗି ପ୍ରାୟ ୩୦ଫୁଟ ତଳକୁ ଖସି ପଡିଥିଲା । ଏହି ଦୁର୍ଘଟଣାରେ ୧୦ଜଣଙ୍କର ମୃତ୍ୟୁ ହୋଇଛି । ମହାନଦୀ ମଝିରେ ବସ୍ ପଡିଥିବାବେଳେ ଅନ୍ଧାର ଯୋଗୁଁ ଉଦ୍ଧାରକାର୍ଯ୍ୟ ବାଧାପ୍ରାପ୍ତ ହୋଇଥିଲା । ତେବେ ଶିଖରପୁର ପଟୁ ୪ଟି ବୋଟରେ ଉଦ୍ଧାରକାରୀ ଦଳ ମହାନଦୀ ଭିତରକୁ ଯିବା ସହ କିଛି ବାଟ ବାଲିରେ ଚାଲି ଚାଲି ଆହତମାନଙ୍କୁ ଉଦ୍ଧାର କରିଥିଲେ ।
ଓଡ୍ରାଫ୍ ଟିମ୍, ଅଗ୍ନିଶମ ବିଭାଗ,ସ୍ଥାନୀୟ ପୋଲିସ୍ ଉଦ୍ଧାର କାର୍ଯ୍ୟରେ ସାମିଲ ହୋଇଥିଲେ । ୧୯୯୮ ନଭେମ୍ବର ୫ରେ କେନ୍ଦ୍ରାପଡା ଜିଲ୍ଲା କୋର୍ରୁଅରୁ କଟକ ଆସୁଥିବା କନକ ଦୁର୍ଗା ବସ୍ ମହାନଦୀ ପୋଲରୁ ତଳକୁ ଖସି ପଡିବାରୁ ୪୭ଜଣଙ୍କର ମୃତ୍ୟୁ ହୋଇଥିଲା ।