କନକ ବ୍ୟୁରୋ : ଓୟୁଏଟିର ଛାତ୍ରୀ ସୁଚିସ୍ମିତା ବିଶ୍ୱାଳ ଦୁର୍ଘଟଣା ମାମଲାରେ ଗିରଫ ହୋଇଥିବା ଅଭିଯୁକ୍ତକୁ ନେଇ ସନ୍ଦେହ ପ୍ରକାଶ ପାଇଛି । ମୃତ ସୁଚିସ୍ମିତାଙ୍କ ସହପାଠୀ ମାନେ ଅଭିଯୁକ୍ତ ଡ୍ରାଇଭରକୁ ଭେଟିବା ପରେ ଏହି ବ୍ୟକ୍ତି ପ୍ରକୃତ ଡ୍ରାଇଭର କି ନୁହେଁ ସେନେଇ ପ୍ରଶ୍ନ ଉଠାଇଛନ୍ତି । ଗିରଫ ହୋଇଥିବା ବ୍ୟକ୍ତି ଜଣକ ମଧ୍ୟ ଆଶ୍ଚର୍ଯ୍ୟଜନକ ଭାବେ ସବୁ କିଛି ତାଙ୍କର ଦୋଷ ବୋଲି ଗଣମାଧ୍ୟମ ଆଗରେ ବୟାନ ରଖିଛନ୍ତି ।ଏଥିପାଇଁ ଆଉ କେହି ଦାୟୀ ନୁହଁନ୍ତି ବୋଲି ବାରମ୍ବାର କହୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦୁର୍ଘଟଣା କରି ଫେରାର ହୋଇଯାଇଥିବା ଡ୍ରାଇଭର ହଠାତ୍ ଗିରଫ ହେବା ଏବଂ ସବୁକିଛି ତାଙ୍କ ଦୋଷ ବୋଲି କହିବା ମଧ୍ୟ ସନ୍ଦେହ ସୃଷ୍ଟି କରିଛି । କାରଣ କମିଶନରେଟ୍ ପୁଲିସ୍ ଅଭିଯୁକ୍ତକୁ ଗଣମାଧ୍ୟମ ଆଗକୁ ଆଣିବା କେବେ ଦେଖାଯାଏ ନାହିଁ । କିନ୍ତୁ ଏ ଘଟଣାରେ ଅଭିଯୁକ୍ତକୁ ଛଡାଯାଇଥିଲା ବାଇଟ୍ ଦେବା ପାଇଁ । ଆଉ ବ୍ୟକ୍ତି ଜଣକ କହୁଥିଲେ, ଏଥିରେ ଆଉ କାହାର ଦୋଷ ନାହିଁ କେବଳ ସେ ହିଁ ଦାୟୀ ।
ଗୋଟିଏ ପଟେ ଧକ୍କା ଦେଇଥିବା ଗାଡିର ଖୁବ୍ ପ୍ରଭାବଶାଳୀ ମାଲିକ ଓ ଅନ୍ୟପଟେ ମୃତ ସୁଚିସ୍ମିତାଙ୍କ ଅସହାୟ ସାଧାରଣ ପରିବାର । ୟା ଭିତରେ ପୁରା ଘଟଣାର ପ୍ରକୃତ ଖଳନାୟକ କିଏ ଓ ସେମାନଙ୍କୁ କେବେ ପୁଲିସ୍ ଧରିବ ତାହା ସବୁଠାରୁ ବଡ ପ୍ରଶ୍ନ ।
ସେପଟେ ଧକ୍କା କରିଥିବା ଗାଡିକୁ ବିଧାୟକ ଦେବାଶିଷ ସାମନ୍ତରାୟ ବିଜେଡିର ଆଉ ଜଣେ ପ୍ରଭାବଶାଳୀ ବ୍ୟକ୍ତି କିଶୋର ମହାନ୍ତିଙ୍କୁ ବିକ୍ରି କରିଦେଇଥିବା କଥା ସାମ୍ନାକୁ ଆସିଛି ।