ଏକ କିଲୋ ବିରିୟାନିରେ ୫୦ ପ୍ରତିଶତ ଅଧିକ ଦେଉଛି ରେସ୍ତୋରାଁ ! ଗରିବ ଓ ନିରାଶ୍ରୟ ଲୋକଙ୍କୁ ଖାଦ୍ୟ ଯୋଗାଇବା ପାଇଁ ରେସ୍ତୋରାଁର ଅଭିନବ ଯୋଜନା
ନୂଆବର୍ଷକୁ ଲୋକମାନେ ଅତି ଆଡମ୍ବରରେ ପାଳନ କରିଛନ୍ତି । କିଛି ଦିନ ବିତି ଯାଇଥିଲେ ହେଁ ଶେଷ ହୋଇନି ନୂଆବର୍ଷର ଉତ୍ସାହ ଓ ଉଦ୍ଦୀପନା । ସବୁଆଡ଼େ ବଣଭୋଜି ଆସର ଜମିଛି । କିଏ ପାର୍ଟି କରୁଛି କିଏ ସପିଂ ଆଉ କିଏ ଭ୍ରମଣ । ତେବେ ଆଉ କିଛି ବ୍ୟକ୍ତି ଅଛନ୍ତି ଯେଉଁମାନେ ସମାଜର ଉନ୍ନତି ପାଇଁ ନୂଆ ଯୋଜନା ପ୍ରସ୍ତୁତ କରୁଛନ୍ତି । ଦୁନିଆର ପ୍ରାୟ ତିନି ଭାଗରୁ ୨ ଭାଗ ଗରିବ ଲୋକ କେବଳ ୫ଟି ଦେଶରେ ବାସ କରନ୍ତି । ଉକ୍ତ ଦେଶ ତାଲିକାରେ ଅଛି ଆମ ଦେଶ ଭାରତ । ଆମ ଦେଶର ଗଳିକନ୍ଦିରେ ଏଭଳି ଅନେକ ଲୋକ ଅଛନ୍ତି ଯିଏ ରାସ୍ତାରେ, ଗଳିକନ୍ଦିରେ ଭିକ୍ଷା ବୃତ୍ତି କରୁଛନ୍ତି ଓ ପରିବାର ଭରଣ ପୋଷଣ କରୁଛନ୍ତି । ଅନେକ ଲୋକ ଏପରି ଅଛନ୍ତି ଯେଉଁମାନେ ଦିନକୁ ଦି ମୁଠା ଖାଇବାକୁ ନପାଇ ଖାଲି ପେଟରେ ଶୋଉଛନ୍ତି । ଆପଣ ଏଇ ନୂଆ ବର୍ଷରେ କିଛି ନୂଆ ସଂକଳ୍ପ ନେଇ ଅନ୍ୟ କାହାକୁ ଫାଇଦା ଦେବା ଲାଗି ଚେଷ୍ଟା କରିଛନ୍ତି କି?
Kanak News is now on WhatsApp
Join and get latest news updates delivered to you via WhatsApp
ତେବେ ଲୋକଙ୍କୁ ସାହାଯ୍ୟ କରିବା ପାଇଁ ଗୁଡଗାଓଁ ସ୍ଥିତ ଏକ ରେସ୍ତୋରାଁ ଏକ ନିଆରା ଯୋଜନା ଆରମ୍ଭ କରିଛନ୍ତି । ଗରିବ ଏବଂ ନିରାଶ୍ରୟଙ୍କୁ ସାହାଯ୍ୟ କରିବା ପାଇଁ ଏହା ଏକ ନିଆରା ପଦକ୍ଷେପ । ଏହି ଯୋଜନାକୁ ସଫଳ କରିବା ଦିଗରେ ଆପଣ ମଧ୍ୟ ସାହାଯ୍ୟ କରିପାରିବେ । ଏହି ରୋସ୍ତାରାଁ ଏକ ଉନ୍ନତ ମାନର ରେସ୍ତୋରାଁ ରୂପେ ଅନେକ ୱେବସାଇଟରେ ପରିଚିତ ଲାଭ କରିଛି । ଏହି ରେସ୍ତୋରାଁ ଗରିବ ଶ୍ରେଣୀୟ ବ୍ୟକ୍ତିଙ୍କୁ ସାହାଯ୍ୟ କରିବା ଲାଗି ୧କିଲୋରୁ ଅଧିକ ବିରିୟାନି ଅର୍ଡରରେ ଅଧା କିଲୋ ଅଧିକ ବିରିୟାନି ଦେଉଛନ୍ତି । ଏହିଭଳି ୨କିଲୋ ବିରିୟାନି ଅର୍ଡରରେ ୧କିଲୋ ଅଧିକ ବିରିୟାନୀ ଦେଉଛନ୍ତି ।
ଅର୍ଡରରୁ ଅଧିକ ଯୋଗାଉଥିବା ବିରିୟାନି ଏକ ଷ୍ଟିକର ସହ ଆସୁଅଛି, ଯାହାକୁ ଆପଣ ଅତି ସହଜରେ ଜାଣି ପାରିବେ । ଯଦି ଆପଣ ସୋସିଆଲ ମିଡିଆ ଜରିଆରେ ନିଜ ବନ୍ଧୁଙ୍କ ସହ ଏହି ଯୋଜନା ସମ୍ବନ୍ଧିତ ଚର୍ଚ୍ଚା କରୁଛନ୍ତି ଏବଂ ଏହି ଅଭିଯାନରେ ଭାଗ ନେଇ ଯୋଜନାକୁ ପ୍ରୋତ୍ସାହନ ଦେଉଛନ୍ତି ତେବେ ଏଥିପାଇଁ ଆପଣଙ୍କୁ ରିହାତି ମଧ୍ୟ ମିଳିବ । ଏହି ଯୋଜନାକୁ “କିଲୋ ମେଁ ଖୁସିୟା” ବୋଲି ନାମିତ କରାଯାଇଛି । ଏହି ଯୋଜନା ୨୪ଡିସେମ୍ବରରୁ ୨ଜାନୁୟାରୀ ପର୍ଯ୍ୟନ୍ତ ଚାଲିଥିଲା । ମାତ୍ର ଲୋକଙ୍କର ଉତ୍ସାହକୁ ଦେଖି ୧୦ଜାନୁଆରୀ ପର୍ଯ୍ୟନ୍ତ ଏହି ସୁବିଧା ଉପଲବ୍ଧ କରାଯାଇଛି । ଏହି ଯୋଜନାରେ ପ୍ରତିଦିନ ୩୦ଜଣ ଗରିବଙ୍କୁ ଏଭଳି ସାହାଯ୍ୟ କରାଯାଉଛି ।