ସୁପ୍ରିମକୋର୍ଟ ମୁଖ୍ୟ ବିଚାରପତିଙ୍କ ବିରୋଧରେ ମହାଅଭିଯୋଗ ନେଇ ସହମତି ! ୭୧ ସାଂସଦଙ୍କ ଦସ୍ତଖତ ସହ ଉପରାଷ୍ଟ୍ରପତିଙ୍କୁ ଦିଆଗଲା ପ୍ରସ୍ତାବ, କଂଗ୍ରେସକୁ ସମର୍ଥନ ଜଣାଇଲେ ୭ଟି ଦଳ
କନକ ବ୍ୟୁରୋ : ସୁପ୍ରିମକୋର୍ଟର ପ୍ରଧାନବିଚାରପତି ଜଷ୍ଟିସ ଦୀପକ ମିଶ୍ରଙ୍କ ବିରୋଧରେ ମହାଅଭିଯୋଗ ନେଇ ସହମତି ହୋଇଛି । ୭୧ ସାଂସଦଙ୍କ ଦସ୍ତଖତ ସହ ଉପରାଷ୍ଟ୍ରପତିଙ୍କୁ ବିରୋଧୀଙ୍କ ପକ୍ଷରୁ ପ୍ରସ୍ତାବ ଦିଆଯାଇଛି । କଂଗ୍ରେସକୁ ୭ଟି ଦଳ ଏନସିପି, ବିଏସପି, ସିପିଆଇ, ସିପିଏମ, ସମାଜବାଦୀ ପାର୍ଟି, ମୁସଲିମ ଲିଗ ସମର୍ଥନ ଜଣାଇଛନ୍ତି । ମହାଅଭିଯୋଗ ପ୍ରସ୍ତାବ ନେଇ ସହମତି ପରେ ଏହି ୭ଟି ଦଳର ସଦସ୍ୟଙ୍କୁ ନେଇ ବୈଠକ ହୋଇଥିଲା । କାହିଁକି ଓ କେଉଁ ପରିସ୍ଥିତିରେ ମୁଖ୍ୟ ବିଚାରପତିଙ୍କ ବିରୋଧରେ ମହାଭିଯୋଗ ଅଭିଯୋଗ ଅଣାଗଲା ସେ ନେଇ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାମ୍ବାଦିକ ସମ୍ମିଳନୀରେ ଗୁଲାମ ନବୀ ଆଜାଦ କହିଛନ୍ତି ମହାଅଭିଯୋଗରେ ପାଇଁ ୭୧ ଜଣ ସାଂସଦଙ୍କ ଦସ୍ତଖତ ସମ୍ମଳିତ ପ୍ରସ୍ତାବ ରାଜ୍ୟ ସଭା ଅଧ୍ୟକ୍ଷ ତଥା ଉପରାଷ୍ଟ୍ରପତିଙ୍କୁ ଦିଆଯାଇଛି । ମହାଅଭିଯୋଗ ପ୍ରସ୍ତାବ ପାଇଁ ଅତି କମରେ ୫୦ଜଣ ସାଂସଦଙ୍କ ହସ୍ତାକ୍ଷରର ଅବଶ୍ୟକତା ରହିଥିବା ବେଳେ କଂଗ୍ରେସ ଦଳ ସାଂସଦଙ୍କୁ ଏକାଠି କରିବାରେ ସଫଳ ହୋଇଛି । ଗତ ଜାନୁୟାରୀ ମାସରେ ସୁପ୍ରିମକୋର୍ଟର ୪ ଜଣ ବରିଷ୍ଠ ବିଚାରପତି ସାମ୍ବାଦିକ ସମ୍ମିଳନୀ କରିବା ପରେ ଦେଶର ସର୍ବୋଚ୍ଚ ନ୍ୟାୟଳରେ କାର୍ଯ୍ୟଶୈଳୀ ଓ ପ୍ରଶାସନିକ ଅନିୟମିତତା ନେଇ ଆଭିଯୋଗ ଆଣିଥିଲେ । ଏହି ଘଟଣା ପରେ ସୁପ୍ରିମକୋର୍ଟର ପ୍ରଧାନ ବିଚାରପତିଙ୍କ ଭୂମିକା ନେଇ ଏକ ବଡ ଧରଣର ପ୍ରଶ୍ନବାଚୀ ସୃଷ୍ଟି ହୋଇଥିଲା ।