କଟକରେ ଆଜିଠାରୁ ହେବ ମଦର ହୋମ୍ ଡେଲିଭରି: ଅନଲାଇନରେ ମଦ ବିକ୍ରି ପାଇଁ ରାଜି ହେଲା କଟକ ମଦ ବ୍ୟବସାୟୀ ସଂଘ; ଜିଲ୍ଲାପାଳଙ୍କ ସହ ଆଲୋଚନା ପରେ ମାନିଲା ସଂଘ
ସେପଟେ ଅନଲାଇନ ସହ କାଂଉଟରରେ ମଦ ବିକ୍ରି ପାଇଁ ଦାବି କଲେ ମଦ ଦୋକାନ ମାଲିକ ସଂଘ
କନକ ବ୍ୟୁରୋ: ଆଜିଠାରୁ କଟକରେ ଆରମ୍ଭ ହେବ ଅନଲାଇନ୍ ମଦ ବିକ୍ରି । ହୋମ ଡେଲିଭରୀ ପାଇଁ ମନା କରୁଥିବା କଟକ ମଦ ବ୍ୟବସାୟୀ ସଂଘ ଜିଲ୍ଲାପାଳଙ୍କ ସହ ଆଲୋଚନା କରିବା ପରେ ଶେଷରେ ଅନ୍ ଲାଇନ୍ ମଦ ବିକ୍ରି ପାଇଁ ରାଜି ହୋଇଛି । ସକାଳ ୭ଟାରୁ ଗୋଟାଏ ଯାଏ ଅନଲାଇନରେ ବୁକିଂ ହେବ ଏବଂ ପରେ ସନ୍ଧ୍ୟା ୬ଟା ଯାଏ ଡେଲିଭରି ଦିଆଯିବ । ନିଜ ଡେଲିଭରି ବୟ ମାଧ୍ୟମରେ ମଦ ବିକ୍ରି କରିବେ ବ୍ୟବସାୟୀ ।
Kanak News is now on WhatsApp
Join and get latest news updates delivered to you via WhatsApp
ଅନଲାଇନରେ ମଦ ଦେବା କଷ୍ଟକର ବୋଲି ପୂର୍ବରୁ ମଦ ଦୋକାନୀ ମାଲିକ ସଂଘ ମତ ରଖିଥିଲା ଏବଂ ଅବକାରୀ ବିଭାଗକୁ ଜଣାଇଥିଲା ଯେ ସେମାନେ ଅନଲାଇନରେ ବ୍ୟବସ୍ଥାରେ ସାମିଲ ହେବେ ନାହିଁ । ଦୋକାନ ଯେମିତି ବନ୍ଦ ଥିଲା ଆଗକୁ ସେମିତି ବନ୍ଦ ରହିବ ବୋଲି ସଂଘ ପକ୍ଷରୁ କୁହାଯାଇଥିଲା । କିନ୍ତୁ କଟକ ଜିଲ୍ଲାପାଳ, ଅବକାରୀ ଅଧିକ୍ଷକ ଓ ମଦ ଦୋକାନ ମାଲିକ ସଂଘ ମଧ୍ୟରେ ବୈଠକ ପରେ ଅନ୍ଲାଇନ୍ ବିକ୍ରି ପାଇଁ ରାଜି ହୋଇଛନ୍ତି ବ୍ୟବସାୟୀ । ମିଳିଥିବା ସୂଚନା ଅନୁସାରେ ମଦ ଦୋକାନ ଆଗରେ ପୋଲିସ ସୁରକ୍ଷା ଦେବାକୁ ରାଜି ହେବା ପରେ ମଦ ବଦଳାଇଛନ୍ତି କଟକର ମଦ ବ୍ୟବସାୟୀ ।