ପିଆଜ ପାଇଁ ଲମ୍ବା ଲାଇନ୍ ! ୩୫ ଟଙ୍କାରେ କଣ୍ଟ୍ରୋଲ ପିଆଜ କିଣିବା ପାଇଁ ଘଣ୍ଟା ଘଣ୍ଟା ଅପେକ୍ଷା କଲେ, ଧାଡିରେ ଛିଡା ହୋଇ ପିଆଜ ନେଲେ ଗ୍ରାହକ ।
କନକ ବ୍ୟୁରୋ : ପିଆଜ କିଣିବାକୁ ଲାଗିଲା ଲୋକଙ୍କ ଲମ୍ବା ଲାଇନ । କଂଟ୍ରୋଲ ଜରିଆରେ ସରକାର ଯୋଗାଉଥିବା ଦୋକାନରେ ପିଆଜ କିଣିବାକୁ ଲୋକେ ଭିଡ ଜମାଇଥିବା ଦେଖିବାକୁ ମିଳିଛି । ପାଟଣାରେ ଏହି ଦୃଶ୍ୟ ଦେଖିବାକୁ ମିଳିଛି । ପିଆଜ ୩୫ ଟଙ୍କାରେ ମିଳୁଥିବାବେଳେ ଡିଲରମାନେ ମୁଣ୍ଡରେ ହେଲମେଟ ପିନ୍ଧିଥିବା ଦେଖିବାକୁ ମିଳିଥିଲା । କାରଣ ୩୫ ଟଙ୍କାରେ ପିଆଜ କିଣିବାକୁ ଲୋକଙ୍କର ନାହିଁ ନଥିବା ଭିଡ ଜମୁଛି । ଏପରିକି ଗଣ୍ଡଗୋଳର ଚିତ୍ରର ବି ସାମ୍ନାକୁ ଆସୁଛି ।
Kanak News is now on WhatsApp
Join and get latest news updates delivered to you via WhatsApp
ଏହାରିଭିତରେ ଡିଲରମାନେ ଯେମିତି ଲୋକଙ୍କ ଆକ୍ରୋଶର ଶୀକାର ନହୁଅନ୍ତି ସେଥିପାଇଁ ଆଗୁଆ ସଜାଗ ହୋଇ ମୁଣ୍ଡରେ ହେଲମେଟ ପିନ୍ଧିଥିବା କହିଛନ୍ତି । ଏଠାରେ କିଲୋ ପିଛା ପିଆଜ ୩୫ଟଙ୍କାରେ ମିଳୁଛି । ଦେଶରେ ପିଆଜ ଦର ପାଟଣା ନଗର ନିଗମର ୮ଟି ୱାର୍ଡରେ ସରକାରଙ୍କ ପକ୍ଷରୁ କାଉଁଟର ଖୋଲାଯାଇ ଲୋକଙ୍କୁ ଶସ୍ତାରେ ପିଆଜ ଯୋଗାଇ ଦିଆଯାଉଛି । ଏହାସହ ସଚ୍ଚିବାଳୟ ସାମ୍ନାରେ ୫ଟି ମୋବାଇଲ ଭ୍ୟାନରେ ଶସ୍ତା ପିଆଜ ବିକ୍ରି କରାଯାଇଛି ।
ରସିଦ ଓ ଡେଲିଭରି କାଉଣ୍ଟର ସାମ୍ନାରେ ଲୋକେ ଲମ୍ବା ଲାଇନରେ ଛିଡା ହୋଇ ରହିଥିବା ଦେଖିବାକୁ ମିଳିଛି । ପିଆଜ କିଣିବାକୁ ଭିଡ଼ ଏତେ ଥିଲା ଯେ ଅଧଘଂଟା ଭିତରେ ଗାଡିରୁ ପିଆଜ ଶେଷ ହୋଇଯାଇଥଲା । ଏହି ଦୃଶ୍ୟ ରହିଥିଲା ଗତକାଲିର । ପ୍ରଥମ ଦିନରେ ୫୨ ହଜାର ଲୋକଙ୍କୁ ଶସ୍ତାରେ ପିଆଜ ମିଳିଥିବା ଜଣାପଡିଛି । ପିଆଜ ପାଇଁ ପ୍ରଥମେ ଲୋକମାନେ ରସିଦ କାଉଣ୍ଟରରେ ଧାଡିରେ ଛିଡା ହୋଇ ମୋବାଇଲ ନମ୍ବର ଦେଇଥିଲେ । ଏହାପରେ ସେମାନଙ୍କୁ ଟୋକନ ମିଳିବା ପରେ ଡେଲିଭରି କାଉଣ୍ଟରରୁ ପ୍ରତ୍ୟେକ ବ୍ୟକ୍ତି ୨ କିଲୋ ପିଆଜ ନେଇଛନ୍ତି । ରସିଦ କାଟିବା ପାଇଁ ୧୦ଟି ଓ ଡେଲିଭରି ପାଇଁ ୧୫ଟି କାଉଣ୍ଟର ଖୋଲାଯାଇଛି ।