ଆମାଜନରୁ ମଗାଇ ଥିଲେ ମୋବାଇଲ୍ ଫୋନ ! ଘରକୁ ଆସିଲା ସ୍ମାର୍ଟଫୋନ୍ ସହ ୧ଲକ୍ଷ ଟଙ୍କାର ଉପହାର ।
ଓ୍ଵାନ୍ ପ୍ଲସ୍ ମୋବାଇଲ୍ ଓ ଆମାଜୋନ୍ ସାଥି ହୋଇ ଏକ ପ୍ରମୋସନାଲ୍ ଅଫର୍ ‘ଓ୍ଵାନ୍ ପ୍ଲସ୍ ଲକି ଷ୍ଟାର୍’ ଗ୍ରାହକଙ୍କ ସକାଶେ ଜାରି କରିଥିଲେ।
କଥାରେ ଅଛି ଉପରବାଲା ଦେଲେ, ଛପର ଫାଡ଼ି ଦିଏ। ସେପରି ଏକ ଜ୍ୱଳନ୍ତ ଉଦାହରଣ ହେଉଛନ୍ତି ଦିଲ୍ଲୀର ୨୪ ବର୍ଷିଅ ଯୁବକ ଶେଖର। ଶେଖର ଏକଥା କେବେ ବି ଭାବିନଥିବେ ଯେ ଏକ ସ୍ମାର୍ଟଫୋନ୍ ବରାଦ କଲେ ତାଙ୍କୁ ପ୍ରତିବଦଳରେ ୬୦୦ ଉପହାର ମିଳିବ ବୋଲି। ତାହା ପୁଣି ଏପରି ଉପହାର, ଯାହାର ଦାମ ପାଖାପାଖି ୧ ଲକ୍ଷ ଟଙ୍କା।
Kanak News is now on WhatsApp
Join and get latest news updates delivered to you via WhatsApp
କଥାଟି ହେଉଛି ଓ୍ଵାନ୍ ପ୍ଲସ୍ ମୋବାଇଲ୍ ଓ ଆମାଜୋନ୍ ସାଥି ହୋଇ ଏକ ପ୍ରମୋସନାଲ୍ ଅଫର୍ ‘ଓ୍ଵାନ୍ ପ୍ଲସ୍ ଲକି ଷ୍ଟାର୍’ ଗ୍ରାହକଙ୍କ ସକାଶେ ଜାରି କରିଥିଲେ। ଦୁଇ କମ୍ପାନି ନିଜର ସହବନ୍ଧିତା ଦିବସ ପାଳନ କରିବା ଉଦ୍ଦେଶ୍ୟରେ ଏହି ଅଫର୍ ପ୍ରଦାନ କରିଥିଲେ। ଅଫର୍ ମୁତାବକ ଓ୍ଵାନ୍ ପ୍ଲସ୍ ୬ଟି ଫୋନ୍ କିଣିଲେ କୌଣସି ଜଣେ ଭାଗ୍ୟବାନ ଗ୍ରାହକଙ୍କୁ ଫୋନ୍ ବ୍ୟତୀତ ଆହୁରି ୬୦୦ ଉପହାର ମିଳିବ ବୋଲି କୁହାଯାଇଥିଲା।
ତେବେ, ଏହି ନ୍ୟାୟରେ ସେହି ଭାଗ୍ୟବାନ ଗ୍ରାହକ ହେଲେ ଦିଲ୍ଲୀର ଶେଖର। ଶେଖରଙ୍କୁ ଯେଉଁ ଉପହାର ସବୁ ମିଳିଛି ସେଥିରେ ଆସବାପତ୍ର, ଫେସନ୍, ଗ୍ୟାଜେଟସ, ରୋଷେଇ ଘର ସାମଗ୍ରୀ ଆଦି ବିଭିନ୍ନ ପ୍ରକାରର ଜିନିଷ ରହିଛି। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ, ଏହି ଉପହାର ପହଞ୍ଚାଇବା ପାଇଁ ଓ୍ଵାନ୍ ପ୍ଲସ୍ ମୋବାଇଲ୍ ଓ ଆମାଜୋନ ପକ୍ଷରୁ ସେଖରଙ୍କ ଘର ପର୍ୟ୍ୟନ୍ତ ଏକ ଟ୍ରକ୍ ବୁକ୍ କରାଯାଇଥିଲା। ଏହି ଉପହାରର ମୂଲ୍ୟ ୧୦୦ରୁ ନେଇ ୮୦ ହଜାର ଟଙ୍କା ପର୍ୟ୍ୟନ୍ତ । ସମୁଦାୟ ଉପହାର ମୂଲ୍ୟ ପ୍ରାୟ ୧ ଲକ୍ଷ ବୋଲି ଜଣା ପଡିଛି ।