କନକ ବ୍ୟୁରୋ : ମୁକ୍ତି ପାଇଁ ଅଜଣା ସ୍ଥାନରୁ ବନ୍ଦି ଝିଅର ଗୁହାରୀ । ଭୁବନେଶ୍ୱରର ଜଣେ ଯୁବତୀ ୫ ଦିନଧରି ଏକ ଅଜଣା ସ୍ଥାନରେ ବନ୍ଦୀ ହୋଇ ରହିଛନ୍ତି । ଆଉ କୈାଶଳ କ୍ରମେ ସୁଯୋଗ ପାଇ ଘର ଲୋକଙ୍କୁ ଅପହରଣ ଘଟଣା ବିଷୟରେ କହିବା ପରେ ସାମ୍ନାକୁ ଆସିଛି ପୁରା ଘଟଣା । ଅଭିଯୋଗ ହୋଇଛି ଏକ ତରଫା ପ୍ରେମ କରି ଜଣେ ଯୁବକ ଏଭଳି କାରନାମ କରିଛି ।
Kanak News is now on WhatsApp
Join and get latest news updates delivered to you via WhatsApp
କୌଣସି ଏକ ମୂହୂର୍ତ୍ତରେ ସୁଯୋଗ ପାଇ ଯୁବତୀ ଜଣକ ନିଜ ସମ୍ପର୍କୀୟ ଭାଇଙ୍କୁ କଲ୍ କରିବାରେ ସକ୍ଷମ ହୋଇଛନ୍ତି । ଆଉ ଘର ବାଡି ପଟୁ ଫୋନ୍ ଯୋଗେ କହିଛନ୍ତି ଅପହରଣର କାହାଣୀ । ସବୁଠାରୁ ବଡ କଥା ହେଉଛି ଯେଉଁ ପୁଅ ଅପହରଣ କରିଥିବା ସେ ଅଭିଯୋଗ କରୁଛନ୍ତି ତାଙ୍କ ପରିବାର ଳୋକଙ୍କୁ ବି ଜାଣିଛନ୍ତି ଯୁବତୀଙ୍କ ପରିବାର । ଏମିତିକି ପୁଅର ମାଆଙ୍କୁ କିଛି ବି ନ କହିବା ପାଇଁ ଅନୁରୋଧ କରିଛନ୍ତି ଅପହୃତ ଯୁବତୀ ।
ଅପହରଣର ଏ ଘଟଣା ଏତିକିରେ ଶେଷ ହେଉ ନାହିଁ । ତାଙ୍କ ଇଜ୍ଜତ ନେବା ପାଇଁ ଉଦ୍ୟମ ହେଉଥିବା ଯୁବତୀ ଜଣକ ଫୋନ ଯୋଗେ କହିଛନ୍ତି ।
ଗତ ୨୮ ତାରଖ ଦିନ ରାଜଧାନୀର ରାଜମହଲ ଅଂଚଳରରୁ ଯୁବତୀଙ୍କୁ ଅପହରଣ କରାଯାଇଥିଲା ।ତାଙ୍କ ମୋବାଇଲ ଫୋନ ଭାଙ୍ଗି ଦେବା ସହ ମାଡପିଟ ମଧ୍ୟ କରାଯାଉଥିବା ଅଭିଯୋଗ ହୋଇଛି । ଏବେ ନିଜ ପାଖରେ ଲୁଚେଇ ରଖିଥିବା ଏକ ଫୋନ ଯୋଗେ ଘର ଲୋକଙ୍କ ସହ ଯୋଗଯୋଗ କରିଛନ୍ତି ଯୁବତୀ ଜଣକ । ଆଉ ଏହାପରେ ଯୁବତୀଙ୍କ ବାପା ଥାନାରେ ମାମଲା ଦାୟର କରିଛନ୍ତି ।
ଏକ ତରଫା ପ୍ରେମରୁ ଅପହରଣ । ଏବେ ଯୁବତୀଙ୍କୁ ଠାବ କରିବା ସହ ସୁରକ୍ଷିତ ଭାବେ ତାଙ୍କୁ ଉଦ୍ଧାର କରିବା କମିସନରେଟ ପୋଲିସ ପାଇଁ ସବୁଠୁ ବଡ ଚ୍ୟାଲେଂଜ ।