ଏକ ଦେଶ, ଏକ ନିର୍ବାଚନ ପାଇଁ ସର୍ବଦଳୀୟ ବୈଠକ ଆରମ୍ଭ । ସାମିଲ ହେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
ସାରା ଦେଶରେ ବିଧାନସଭା ଓ ଲୋକସଭା ନିର୍ବାଚନକୁ ଏକାସାଙ୍ଗରେ କରିବାକୁ ମୋଦିଙ୍କ ମନ୍ଥନ
କନକ ବ୍ୟୁରୋ: ମୋଦିଙ୍କ ବହୁ ପ୍ରତିକ୍ଷୀତ ବୈଠକ ଆରମ୍ଭ ହୋଇଛି । ଗୋଟିଏ ଦେଶ, ଗୋଟିଏ ନିର୍ବାଚନ ପ୍ରସଙ୍ଗରେ ଆଲୋଚନା ପାଇଁ ଆରମ୍ଭ ହୋଇଛି ସର୍ବଦଳୀୟ ବୈଠକ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡାକରାରେ ବୈଠକରେ ସାମିଲ ହୋଇଛନ୍ତି ଅନେକ ଦଳ । ସାରା ଦେଶରେ ବିଧାନସଭା ଓ ଲୋକସଭା ନିର୍ବାଚନକୁ ଏକାସାଙ୍ଗରେ କରିବାକୁ ମୋଦିଙ୍କ ଏହି ମନ୍ଥନ ।
Kanak News is now on WhatsApp
Join and get latest news updates delivered to you via WhatsApp
ତେବେ ମୋଦି ଡାକିଥିବା ବୈଠକରେ ଅମିତ ଶାହା, ରାଜନାଥ ସିଂହ, ନୀତିନ ଗଡକରୀ, ଥାୱରଚନ୍ଦ ଗେହଲଟ, ନରେନ୍ଦ୍ର ସିଂହ ତୋମାର, ସୀତାରାମ ୟେଚୁରୀ, ମେହେବୁବା ମୁଫତି ଆଦି ସାମିଲ ହୋଇଛନ୍ତି । ନମୋଙ୍କ ଏହି ପ୍ରସ୍ତାବକୁ ସମର୍ଥନ କରି ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ମଧ୍ୟ ଉପସ୍ଥିତ ରହିଛନ୍ତି ।
ସେପଟେ ଏହି ବୈଠକରେ ଯୋଗଦେବେ ନାହିଁ ଅନେକ ଦଳ । କଂଗ୍ରେସ ବୈଠକକୁ ଆସିବାକୁ ମନା କରିଥିବା ବେଳେ ମମତା-ମାୟାବତୀ ମଧ୍ୟ ବୈଠକକୁ ମନା କରିଛନ୍ତି । ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ତେଲୁଗୁ ଦେଶମ ପାର୍ଟି ମୁଖ୍ୟ ଚନ୍ଦ୍ରବାବୁ ନାଇଡୁ, ମିଟିଂକୁ ଆସିବାକୁ ମନା କରିଛନ୍ତି ।
ମୋଦି ଅତ୍ୟନ୍ତ ତରବରିଆ ଭାବେ ଏହି ବୈଠକ ଡକାଇଥିବାରୁ ଅନେକ ବିରୋଧୀ ଦଳ ଏଥିରେ ସାମଲ ହୋଇନଥିବା ସ୍ପଷ୍ଟ କରିଛନ୍ତି । ତେବେ ଏହି କାରଣରୁ ମମତା ବାର୍ନାଜୀ ଯୋଗ ଦେବେ ନାହିଁ ବୋଲି କହିଛନ୍ତି । ବୈଠକ ପୂର୍ବରୁ ସମ୍ବିଧାନ ବିଶେଷଜ୍ଞଙ୍କ ମତ ନିଅନ୍ତୁ କେନ୍ଦ୍ର ସରକାର ବୋଲି ବିରୋଧୀ କହିଛନ୍ତି ।