ହୁସିଆର! ଆପଣଙ୍କ “ବସ’ ମାନସିକ ବିକାରଗ୍ରସ୍ତ ହୋଇଥାଇ ପାରନ୍ତି!
ପ୍ରତି ପାଂଚ ଜଣରେ ଜଣେ କର୍ପୋରେଟ୍ ମୁଖିଆ ମାନସିକ ବିକାରଗ୍ରସ୍ତ, ଏମିତି ଏକ ଚାଚଂଲ୍ୟକର ତଥ୍ୟ ଜଣାପଡିଛି ବଣ୍ଡ୍ ୟୁନିଭର୍ସିଟି ଦ୍ୱାରା କରାଯାଇଥିବା ଏକ ଗବେଷଣାରୁ । ମନସ୍ତତ୍ୱବିତ୍ ନାଥାନ୍ ବ୍ରୁକ୍ କରିଥିବା ବିଶ୍ଲେଷଣ ଅନୁସାରେ କର୍ପୋରେଟ୍ ଗୁଡିକ କେବଳ ଦକ୍ଷତା ଭିତ୍ତି ରେ ବଡବଡ ପଦବୀ ଲାଗି ନିଯୁକ୍ତି ଦେଉଛନ୍ତି, କିନ୍ତୁ ସେମାନଂକ ଭିତରୁ ପ୍ରାୟ ୨୧% ମାନସିକ ଭାବରେ ବିକାରଗ୍ରସ୍ତ । ସେମାନଂକ ଭିତରେ ସମ୍ବେଦନା,ଶୃଙ୍ଖଳା, ଓ ମନୋଯୋଗ ସହ କାମ କରିବାର ପ୍ରବଣତା ନଥାଏ ।
Kanak News is now on WhatsApp
Join and get latest news updates delivered to you via WhatsApp
ହୁଏତ ମାନସିକ ଭାବରେ ଏକବାଗିଆ ହୋଇଥିବାରୁ, ଯେ କୌଣସି ଉପାୟରେ କାମ କରିନେବାର କୌଶଳ ସେମାନେ ଜାଣି ଥାଆନ୍ତି ଓ ଖାସ୍ ସେଥିଲାଗି କମ୍ପାନୀ ସେମାନଂକୁ ବଡ ପଦବୀରେ ଚାକିରୀ ଦେଇଥାଏ । ଏହା ଆଦୌ ଭଲ ଲକ୍ଷଣ ନୁହଁ ବୋଲି ବ୍ରୁକ୍ କହିଛନ୍ତି । ହଜାରେ ଜଣ କର୍ପୋରେଟ୍ ମୁଖିଆଂକ ମାନସିକ ବିଶ୍ଲେଷଣ ରୁ ୨୬୧ ଜଣ, ଅର୍ଥାତ୍ ୨୧ % ମୁଖିଆ ଏ ପ୍ରକାର ବିକାରଗ୍ରସ୍ତ ବୋଲି ଜଣା ପଡିଛି ।