ବର୍ଷ ବର୍ଷ ୫୦ ଗାଁର ଭାର ବୋହୁଛି ଦେଶୀ ଡଙ୍ଗା : କୋଲାବ ଜଳଭଣ୍ଡାରରେ ବିପଦ ସଂକୁଳ ଅବସ୍ଥାରେ ଦଦରା ଡଙ୍ଗାରେ ସାହାଯ୍ୟରେ ଲମତାପୁଟ ଆସୁଛନ୍ତି ୪ଟି ପଚାଂୟତର ଲୋକ
କନକ ବ୍ୟୁରୋ : ୫୦ଟି ଗାଁ ର ଭାର ବୋହୁଛି ଗୋଟିଏ ଦଦରା ଡ଼ଙ୍ଗା । ସିନ୍ଧିପୁଟ ଘାଟ ପାଲଟିଛି ବାଣିଜ୍ୟ କେନ୍ଦ୍ର । ଏଭଳି ଘଟଣା ଘଟିଛି କୋରାପୁଟ ଜିଲ୍ଳା ଲମତାପୁଟ ବ୍ଳକ ସିନ୍ଧିପୁଟ ଘାଟରେ । ପ୍ରତିଦିନ ଶହଶହ ଲୋକଙ୍କ ଯାତାୟାତ ପାଇଁ ଏକ ମାତ୍ର ବିକଳ୍ପ ଦଦରା ନାଆ । ଦିନ ହେଉ କି ରାତି, ୪ ଟି ପଚାଂୟତର ଜୀବନ ସାଥି ପାଲଟିଛନ୍ତି ନାଉରିଆ ଗୋପି ।
Kanak News is now on WhatsApp
Join and get latest news updates delivered to you via WhatsApp
କୋଲାବ ଜଳ ଭଣ୍ଡାର ପାଇଁ ବିଚ୍ଛିନ୍ନାଚଂଳ ହୋଇ ରହିଛନ୍ତି ଲମତା ପୁଟ ବ୍ଳକର ୪ଟି ପଚାଂୟତ ଟିକରପଡ଼ା, ବନମାଳିପୁଟ, ଉମ୍ବେଲ, ଓ କୁମାର ଗନ୍ଧଣା । ୩୦ ବର୍ଷ ହେଲା ୫୦ରୁ ଅଧିକ ଲୋକ ଅନ୍ୟକୁ ଜଳ ଦେଇ ଜଳ ବନ୍ଦୀ ଜୀବନ ବିତାଉଛନ୍ତି । ଆଉ ଏମାନଙ୍କ ଜୀବନ ଜୀବିକାର ପଥ ପାଲଟିଛି ଦଦରା ଡ଼ଙ୍ଗା । ଜୀବିକା ପାଇଁ ଲମତାପୁଟ ଭରସା କରୁଥିବା ବେଳେ ପୋଲଟିଏ ପାଇଁ ଅନେକ ଥର ଆନ୍ଦୋଳନ ହୋଇଛି । ହେଲେ ପ୍ରଶାସନକୁ କୌଣସି ଫରକ ପଡୁନଥିବା କହିଛନ୍ତି ବିଚ୍ଛିନ୍ନାଂଚଳବାସୀ ।
କୁଲି ଠାରୁ ଆରମ୍ବ କରି ମେଡ଼ିକାଲ, ବ୍ଳକ, ବଜାର, କଲେଜ ପାଠପଢା ସବୁ କିଛି ପାଇଁ ଲମତାପୁଟ ଉପରେ ଭରସା କରିବାକୁ ପଡ଼େ । ଆଉ ଲମତାପୁଟକୁ ସଡକ ପଥ ଦେଇ ଯିବାକୁ ହେଲେ ୭୦ କିଲୋମିଟର ରାସ୍ତା ବୁଲିବାକୁ ପଡୁଥିବା ବେଳେ ଜଳପଥରେ ମାତ୍ର ୪ କିଲୋମିଟର ଯିବାକୁ ପଡେ । ତେଣୁ ଲୋକ ଜଳପଥକୁ ଆଦରି ନେଇଛନ୍ତି ।