କନକ ବ୍ୟୁରୋ : କ୍ରିକେଟ ଖେଳର ଗୋଟିଏ ଫଟୋ ଓ ସେଥିରେ ଥିବା ରୋଚକ ତଥ୍ୟ ନେଇ ସବୁଆଡେ ଚର୍ଚ୍ଚା ହେଉଛି । ଏଥିରେ କୁହାଯାଇଛି ଯେ ଗୋଟିଏ ମ୍ୟାଚରେ ୧ ବଲରେ୨୮୬ ରନ୍ ହୋଇଥିଲା , କିନ୍ତୁ ଏହା କିପରି ସମ୍ଭବ? କ୍ରିକେଟ ଦୁନିଆରେ ଏପରି କିଛି ନିୟମ ନାହିଁ ଯେ ୧ ବଲରେ ୨୮୬ ରନ୍ ହୋଇପାରିବ । କିନ୍ତୁ ଏପରି ନିୟମ ଅଛି ଯେଉଁଥିରେ ବ୍ୟାଟ୍ସମ୍ୟାନ ଦୌଡି ୨୮୬ ରନ୍ କରିପାରିବେ, ଯାହା ଏହି ଫଟୋରେ ଲେଖା ହୋଇଛି । ଆସନ୍ତୁ ଜାଣିବା ଏହା ପଛର କାହାଣୀ ଏହି ଘଟଣା ପଶ୍ଚିମ ଅଷ୍ଟ୍ରେଲିଆରେ ଘଟିଥିଲା। ୧୫ ଜାନୁଆରି ୧୮୯୪ ସମୟର କଥାା ଏହି ମ୍ୟାଚରେ ଭିକ୍ଟୋରିଆ ଓ ସ୍କ୍ରାଚି ଏକାଦଶ ମଧ୍ୟରେ ଖେଳା ଯାଉଥିଲା ମ୍ୟାଚର ପ୍ରଥମ ବଲରେ ବ୍ୟାଟ୍ସମ୍ୟାନ ଏକ ଲମ୍ବା ସଟ୍ ମାରିଦେଇଥିଲେ ଯାହା ଫଳରେ ବଲ୍ଟି ପଡିଆ ମଝିରେ ଥିବା ଏକ ଗଛରେ ଲାଗି ଯାଇଥିଲା । ଏହା ପରେ ପଡିଆରେ ଦୁଇ ବ୍ୟାଟ୍ସମ୍ୟାନ ଲଗାତାର ଦୌଡିବାରେ ଲାଗିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବଲ୍ ଗଛରୁ ତଳକୁ ଆଣିବା ଭିତରେ ଦୁଇ ବ୍ୟାଟ୍ସମ୍ୟାନ ୨୮୬ ରନ୍ ନେଇ ଯାଇଥିଲେ, ଏଥି ମଧ୍ୟରେ ପାଖାପାଖି ଉଭୟ ୬ କିଲୋମିଟର ଦୌଡି ସାରିଥିଲେ । ଫିଲ୍ଡିଂ ଟିମର ଖେଲାଳି ଅମ୍ପାୟାରଙ୍କୁ ବଲ୍ ହଜି ଯାଇଛି ବୋଲି ଘୋଷଣା କରିବାକୁ କହିଥିଲେ କାରଣ ବ୍ୟାଟ୍ସମ୍ୟାନ ରନ୍ ନେବାରୁ ବଞ୍ଚିତ ହେବେ । କିନ୍ତୁ ବଲ୍ଟି ଗଛରେ ଥିବା ଦେଖା ଯାଉଥିବାରୁ ଅମ୍ପାୟାର ବଲ୍ ହଜିଯାଇଥିବା ଘୋଷଣା କରିନଥିଲେ । ଏହା ପରେ ଗଛକୁ କାଟିବା ପାଇଁ କଟୁରି ଖୋଜା ଯାଇଥିଲା କିନ୍ତୁ କଟୁରି ମିଳି ନ ଥିଲା । ତା’ପରେ ଜଣେ ଖେଳାଳି ନିଜ ବନ୍ଧୁକ ଆଣି ବଲକୁ ଗୁଳି କରି ତଳକୁ ଖସାଇଥିଲେ, ଏହା ଭିତରେ ଖେଳାଳି ନିଜର ଧେର୍ଯ୍ୟ ହରାଇସାରିଥିଲେ ସେଥିପାଇଁ କେହି ବି ବଲକୁ କ୍ୟାଚ୍ କରିପାରିନ ଥିଲେ।