ଦାଗୀ ନେତାଙ୍କ ପାଇଁ ସତର୍କ ଘଂଟି । ଅପରାଧିକ ମାମଲା ଥିବା ନେତାଙ୍କ ନିର୍ବାଚନ ଲଢିବା ଉପରେ ରୋକ୍ ଲଗାଇ ପାରନ୍ତି ସୁପ୍ରିମକୋର୍ଟ
କନକ ବ୍ୟୁରୋ: ଦାଗୀ ନେତା ସାବଧାନ । ଦାଗୀ ନେତାଙ୍କ ପାଇଁ ସୁପ୍ରିମକୋର୍ଟରୁ ଆସିପାରେ ଦୁଃଖଦ ଖବର । ସୁପ୍ରିମକୋର୍ଟ ଶୁକ୍ରବାର ସହମତ ପ୍ରକାଶ କରିଛନ୍ତି , ରାଜନୈତିକ ଦଳର ଯେଉଁ ନେତାଙ୍କ ନାଁରେ ଅପରାଧିକ ମାମଲା ଥିବ, ସେମାନେ ନିର୍ବାଚନ ଲଢିପାରିବେ କି ନାହିଁ । ଏନେଇ ଦାଏର ହୋଇଥିବା ଏକ ଜନସ୍ୱାର୍ଥ ମାମଲାର ଶୁଣାଣି କରିବାକୁ ଯାଇ ଜଷ୍ଟିସ ଆର ଏଫ ନରିମନ୍ ଏବଂ ଜଷ୍ଟିସ ଏସ ରବିନ୍ଦ୍ର ଭଟ୍ଟ ଏନେଇ ଅଧିକ ବିଚାର କରିବାକୁ ମତ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ରାଜନୀତିରେ ଧୀରେ ଧୀରେ ଅପରାଧ ପୃଷ୍ଠଭୂମି ଥିବା ନେତାଙ୍କ ପ୍ରବେଶ କାରଣରୁ ଏହାଦେଶର ସାମାଜିକ ଚିତ୍ର ତଥା ରାଜନୈତିକ ଛବିକୁ ବି ଖରାପ କରୁଛି । ତେଣୁ ଦେଶ ହିତରେ ଏକ ବଡ ନିଷ୍ପତି ନେଇପାରନ୍ତି ସୁପ୍ରିମକୋର୍ଟ ବୋଲି କୁହାଯାଉଛି । ୨୦୧୯ରେ ଲୋକସଭାର ୫୩୯ ସାଂସଦଙ୍କ ତାଲିକାରୁ ୨୩୩ ସାଂସଦଙ୍କ ବିରୋଧରେ ଅପରାଧିକ ମାମଲା ଥିବା ଏକ ସର୍ଭେରୁ ଜଣାପଡିଥିଲା । ନିର୍ବାଚନ ଆୟୋଗ ମଧ୍ୟ ଅପରାଧିକ ପୃଷ୍ଠଭୂମି ଥିବା ନେତାଙ୍କୁ ନିର୍ବାଚନରେ ଅଂଶଗ୍ରହଣ ଉପରେ କଟକଣା ଲଗାଇବା ନେଇ ଏକ ପ୍ରସ୍ତାବ ଦେଇଥିଲେ । ଏହା ଉପରେ ବିଚାର କରିବାର ସମୟ ଆସିଛି ବୋଲି ଇସାରା କରିଛନ୍ତି ସର୍ବୋଚ୍ଚ ଅଦାଲତ ।