ଆପଣ ବି ଓଏଲଏକ୍ସରୁ ଏଭଳି କିଛି ସାମଗ୍ରୀ କିଣିବା ପାଇଁ ଅର୍ଡର ଦେଉଛନ୍ତି କି ? ସାବଧାନ ଠକାମୀର ଶିକାର ହୋଇପାରନ୍ତି ।
ସ୍ମାର୍ଟଫୋନର ବ୍ୟବହାର ଦୈନନ୍ଦିନ ଜୀବନକୁ ଯେତେ ସରଳ କରିଛି ସେତେ ପଙ୍କିଳ ମଧ୍ୟ କରୁଛି । ଅର୍ଥାତ୍ ଲାଭ ଯେତିକି କ୍ଷତି ମଧ୍ୟ ସେତିକି ହେଉଛି । ତେବେ ସ୍ମାର୍ଟଫୋନରେ ଆସୁଥିବା ବିଭିନ୍ନ ଆପ୍ ଏହାର ସୁତ୍ରଧର କହିଲେ ଅତ୍ୟୁକ୍ତି ହେବନାହିଁ । ବର୍ତ୍ତମାନ କିଛି ଜରୁରୀ ସାମଗ୍ରୀ କିଣିବାକୁ ଏବଂ ପୁରୁଣା ସାମଗ୍ରୀ ବିକ୍ରି କରିବାକୁ ଆମେ “ଓଏଲଏକ୍ସ” ନାମକ ଆପର ବ୍ୟବହାର କରୁ । ତେବେ ଏହି ଆପ୍ ଖୁବ୍ ଦରକାରୀ ହେଉଥିବାବେଳେ ବର୍ତ୍ତମାନ କିଛି ଲୁଟେରା ଏହି ଆପକୁ କବଳିତ କରି ଲୋକଙ୍କୁ ଲୁଟିବାରେ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଆପରେ କିଛି ଲୋକ ଭାରତୀୟ ସେନା ଏବଂ ସିଆଇଏସଏଫ୍ ଭଳି ସଂସ୍ଥାର ନାମକୁ ଖରାପ କରିବାରେ ଲାଗିଛନ୍ତି । ଠକାମୀକୁ ସତର ରୂପ ଦେବାକୁ ଯାଇ ମୁମ୍ବାଇ ଏୟାରପୋର୍ଟରେ କାର୍ଯ୍ୟରତ ଥିବା ଜଣେ ସିଆଇଏସଏଫ୍ ଯବାନଙ୍କ ଆଧାରକାର୍ଡକୁ ବ୍ୟବହାର କରାଯାଉଛି । ଓଏଲଏକ୍ସର ଏହି ଆଡରେ ଲୋକଙ୍କୁ ଶସ୍ତା ସ୍ମାର୍ଟଫୋନ୍ ଏବଂ ଆଇଫୋନ୍ ଦେବାକୁ ଅଫର ଦିଆଯାଉଛି । ଏଥିପାଇଁ ସିଆଇଏସଏଫ୍ ଏବଂ ଭାରତୀୟ ସ୍ଥଳସେନାର କିଛି ଯବାନଙ୍କ ନାଁ ମଧ୍ୟ ନିଆଯାଉଛି । ଏଥିରେ ଯବାନଭ୍କ ଆଇଡି କାର୍ଡ,ଆଧାର କାର୍ଡ ଏବଂ ୟୁନିଫର୍ମରେ ତାଙ୍କ ଫଟୋକୁ ମଧ୍ୟ ବ୍ୟବହାର କରାଯାଉଛି ।
ଶସ୍ତା ଫୋନ୍ କିଣିବା ଚକ୍କରରେ ଗ୍ରାହକ ଉକ୍ତ ନମ୍ବରକୁ କଲ୍ କରନ୍ତି । ଯେଉଁଥିରେ ତାଙ୍କୁ କୁହାଯାଉଛି ଯେ ସେ ହେଉଛନ୍ତି ସେନାର ଜଣେ ଯବାନ ଯେ ଡ୍ୟୁଟିରେ ସୀମରେ ଅଛନ୍ତି । ପଇସା ଅଭାବରୁ ସେ ନିଜ ଫୋନକୁ ଖୁବ୍ କମ୍ ଦାମରେ ବିକ୍ରି କରୁଛନ୍ତି । ଲୋକମାନେ ତାଙ୍କର ଏଭଳି କଥା ଶୁଣି ତାଙ୍କୁ ପେଟିଏମ୍ କରୁଛନ୍ତି ଏବଂ ପରେ ତାଙ୍କ ହାତକୁ କୌଣସି ଫୋନ୍ ଆସୁନାହିଁ । ଲୋକଙ୍କୁ ଅସଲି ଆଇଡି,ଫଟୋ, ଫୋନର ପ୍ରଡକ୍ଟ ଦେଖାଇ ଏହି ଲୁଟେରାମାନେ ଖୁବ୍ ଚାଲାକରେ ଲୋକଙ୍କୁ ଲୁଟୁଛନ୍ତି ।