କେନ୍ଦ୍ରାପଡ଼ାରେ ଷ୍ଟାର ପ୍ରଚାର ! ଅଭିନେତା ପତି ଅନୁଭବଙ୍କ ପାଇଁ ଭୋଟ୍ ମାଗିଲେ ଅଭିନେତ୍ରୀ ପତ୍ନୀ ବର୍ଷା ପ୍ରିୟଦର୍ଶିନୀ ।
କନକ ବ୍ୟୁରୋ : କେନ୍ଦ୍ରାପଡା ସାଂସଦ ପ୍ରାର୍ଥୀ ଅନୁଭବଙ୍କ ପାଇଁ ଭୋଟ୍ ମାଗିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ । ନିଜ ସ୍ୱାମୀଙ୍କ ପାଇଁ ମହାକାଳପଡା ନିର୍ବାଚନ ମଣ୍ଡଳୀର ମାର୍ଶାଘାଇରେ ରୋଡ ସୋ କରିଛନ୍ତି ବର୍ଷା । ବିଜେଡି ବିଧାୟକ ପ୍ରାର୍ଥୀ ଅତନୁ ସବ୍ୟସାଚ୍ଚୀ ନାୟକଙ୍କ ସହ ବର୍ଷା ମାର୍ଶାଘାଇର କୁଶୁନପୁର ମଣିମନ୍ଦିର ନିକଟରୁ ରୋଡ ସୋ ବାହାରିଥିଲେ । ବିଜେଡିର ଏହି ରୋଡ ସୋ ମାର୍ଶାଘାଇର କେନାଲ ବ୍ରିଜ, ଲକ ଛକ ଦେଇ ଜୁଣ ଛକ ପର୍ଯ୍ୟନ୍ତ ଯାଇଥିଲା । ଏହି ରୋଡରେ ବିଜେଡିର ବହୁ କର୍ମୀ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ତିନୋଟି ପର୍ଯ୍ୟାୟ ନିର୍ବାଚନ ଶେଷ ହୋଇଥିବା ବେଳେ ଆସନ୍ତା ୨୯ ତାରିଖରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ପାଇଁ ମତଦାନ ହେବ । କେନ୍ଦ୍ରାପଡାରେ ଚତୁର୍ଥ ପର୍ଯ୍ୟାୟରେ ନିର୍ବାଚନ ହେବାକୁ ଯାଉଥିବା ବେଳେ ସରଗରମ ହୋଇଛି ରାଜନୀତି । ନିର୍ବାଚନକୁ ଆଉ ମାତ୍ର ୫ ଦିନ ବାକି ରହିଥିବା ବେଳେ ଜୋର ଧରିଛି ପ୍ରଚାର । ବିଶେଷ କରି କେନ୍ଦ୍ରାପଡା ଲୋକସଭା ପାଇଁ ବିଜେଡି ପ୍ରାର୍ଥୀ ହୋଇଥିବା ଅନୁଭବ ମହାନ୍ତି ଜନମତ ହାସଲ ପାଇଁ ବଡ କସରତ କରୁଥିବା ଦେଖିବାକୁ ମିଳୁଛି ।