ଏସସିବିରେ ତିନି ଦିନ ହେବ ତଳେ ପଡିରହିଛନ୍ତି ଅସହାୟ ବୃଦ୍ଧା : ନା ଅଛନ୍ତି ନର୍ସ ନା ଅଛନ୍ତି ଆଟେଣ୍ଡାଂଟ୍
କଟକ ବ୍ୟୁରୋ, କନକ ନ୍ୟୁଜ୍ : କଟକ ଏସସିବି ମେଡିକାଲର କାଜୁଆଲିଟିରେ ତିନି ଦିନ ହେବ ତଳେ ପଡିରହିଛନ୍ତି ଜଣେ ଅସହାୟ ବୃଦ୍ଧା । ତାଙ୍କ ପାଖରେ କେହି ଆଟେଣ୍ଡାଂଟ୍ ନଥିବା ବେଳେ ଏକୁଟିଆ ପଡି ରହିଥିଲେ । ତେବେ ଏହି ଘଟଣା ଜନୈକ ସମାଜସବୀ ବିଭୁତିଙ୍କ ଆଖିରେ ପଡିବା ପରେ ସେ ଏହି ଅସହାୟ ବୃଦ୍ଧାଙ୍କ ସହ କଥା ହୋଇଥିଲେ । ବୃଦ୍ଧା ଜଣଙ୍କ ଘର କଟକ ଛତ୍ରବଜାର ଅଂଚଳରେ ଏବଂ ତାଙ୍କ ଦୁଇ ଝିଅ ମଧ୍ୟ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ବୃଦ୍ଧାଙ୍କୁ କିଏ କେବେ ଆଣି ମେଡିକାଲରେ ଛାଡି ଦେଇ ଯାଇଛି ତାହା ସେ ନିଜେ ମଧ୍ୟ ଠିକ୍ ଭାବେ କହି ପାରୁନାହାଁନ୍ତି । ତେବେ ଏହି ଘଟଣାରେ ଜିଲ୍ଲା ପ୍ରଶାସନ ତୁରନ୍ତ ହସ୍ତକ୍ଷେପ ଦାବି କରିଛନ୍ତି ସମାଜସେବୀ । ବୃଦ୍ଧା ଜଣକ କିପରି ନିଜ ଘରଜୁ ଫେରିବେ କିମ୍ବା ତାଙ୍କୁ ଥଇଥାନ ବ୍ୟବସ୍ଥା କରାଯିବ ସେଥିପାଇଁ ତୁରନ୍ତ ପ୍ରକ୍ରିୟା ଆରମ୍ଭ ହେଉ ବୋଲି ସେ କହିଛନ୍ତି ।