ଗଡିବ ନାହିଁ ଗାଡି : ମାର୍ଚ୍ଚ ୧୯ ରୁ ଆଉ ଗଡିବ ନାହିଁ ଗାଡି । ଜାଣନ୍ତୁ କାହିଁକି
ଓଲା ଏବଂ ଉବର ଡ୍ରାଇଭରଙ୍କ ମଧ୍ୟରେ ପୁଣି ଗଣବିରୋଧ ଦେଖାଦେଇଛି । ମହାରାଷ୍ଟ୍ର ନବନିର୍ମାଣବାହାତୁକ ସେନା ଅଧ୍ୟକ୍ଷ ସଂଜୟ ନାଇକଙ୍କ ତତ୍ୱାବଧାନରେ ଏହି ପ୍ରଦର୍ଶନ ଆୟୋଜିତ ହେବାକୁ ଯାଉଛି । ସଂଜୟଙ୍କ କହିବାନୁସାରେ, ମାର୍ଚ୍ଚ ୧୯ ସକାଳ ୮ ଟାରୁ ଡ୍ରାଇଭରମାନେ ନିଜ ନିଜର ଡିଭାଇଜ ବନ୍ଦ କରିଦେବେ । ଯଦି ଏହିଭଳି ପରିସ୍ଥିତି ଉପୁଜେ ତେବେ ଦିଲ୍ଲୀ, ମୁମ୍ବାଇ, ଗୁରୁଗ୍ରାମ ସମେତ ଅନ୍ୟ କେତେକ ସହରରେ ଏହାର ପ୍ରଭାବ ଦେଖାଯିବ । ଲୋକ ନାହିଁ ନଥିବା ଅସୁବିଧାର ସମ୍ମୁଖୀନ ହେବେ ।
Kanak News is now on WhatsApp
Join and get latest news updates delivered to you via WhatsApp
ଡ୍ରାଇଭରମାନଙ୍କ ବିରୋଧର କାରଣ ହେଉଛି ପୂର୍ବରୁ କମ୍ପାନୀ ୧.୨୫ ଲକ୍ଷ ଟଙ୍କାର କାରବାର କରିବାକୁ କଥା ଦେଇଥିଲା କିନ୍ତୁ ପରମୁହୂର୍ତ୍ତରେ ନିଜ ନିଷ୍ପତ୍ତିରୁ ଓହରି ଯାଇଥିଲେ । ପୁନର୍ବାର ଏହି ନିଷ୍ପତ୍ତି ପାଳନ କରିବା, ପ୍ରାଇଭେଟ୍ ଚଳପ୍ରଚଳ ହେଉଥିବା ଗାଡିରେ ରୋକ ଲଗାଇବା, କମ ରେଟିଙ୍ଗ ଡ୍ରାଇଭରଙ୍କୁ ପୁନର୍ବାର ନିଯୁକ୍ତି ଓ ବାହନ ମୁତାବକ ସଠିକ ଦାମ ନିର୍ଣ୍ଣୟ ଏବଂ କମ ଦାମକୁ ବନ୍ଦ କରିବା ଭଳି ସର୍ତ୍ତ କ୍ୟାବ ଡ୍ରାଇଭର୍ମାନେ ରଖିଛନ୍ତି ।
ଏହି ବିରୋଧ ଯୋଗୁଁ ମୁମ୍ବାଇରେ ଚାଲୁଥିବା ୪୫,୦୦୦ କ୍ୟାବରୁ ୨୦ ପ୍ରତିଶତ କ୍ୟାବ ବନ୍ଦ ହୋଇଯାଇଛି । ଯେଉଁ ବ୍ୟାଙ୍କଗୁଡିକ ଏହି କ୍ୟାବ ବଦଳରେ ଋଣ ଯୋଗାନ୍ତି, ସେମାନେ କ୍ୟାବକୁ ବାଜ୍ୟାପ୍ତ କରି ନେଇଛନ୍ତି । ପ୍ରତି ଦିନ ୧୨ ଘଣ୍ଟା ପରିଶ୍ରମ କରିବା ସତ୍ତେ୍ୱ ଡ୍ରାଇଭରମାନେ ଋଣ ପରିଶୋଧ କରିବାକୁ ଅସମର୍ଥ । ଯଦି ଆଗକୁ ଏହିଭଳି ବିକ୍ଷୋଭ ଚାଲୁରହିଲା ତେବେ କ୍ୟାବ ସେବା ପାଇଁ ଲୋକ ହନ୍ତସନ୍ତ ହେବେ ଏବଂ କ୍ୟାବର ଦାମ ଆକାଶଛୁଆଁ ହେବ ।