ଆସିଲା ଓଜେଇଇ ରେଜଲ୍ଟ: ଏମବିଏରେ ପ୍ରଦୀପ କୁମାର କମ୍ପ ଓ ଏମସିଏରେ ସ୍ମିତାରାଣୀ ଚୌଧୁରୀ ଟପ୍ପର
ବି ଫାର୍ମରେ ସମୀର କୁମାର ପାଢୀ ଓ ଏମ ଫାର୍ମରେ ଅତୁରମାଲ୍ୟା ଚକ୍ରବର୍ତୀ ରଖିଛନ୍ତି ସର୍ବାଧିକ ନମ୍ବର
କନକ ବ୍ୟୁରୋ: ପ୍ରକାଶ ପାଇଲା ଓଡିଶା ଯୁଗ୍ମ ପ୍ରବେଶିକା ପରୀକ୍ଷା ଫଳ । ଆଇଟି ମନ୍ତ୍ରୀ ପ୍ରେମାନନ୍ଦ ନାୟକ ପୁସ୍ତିକା ଉନ୍ମୋଚନ କରିଛନ୍ତି । ଏମବିଏରେ ପ୍ରଦୀପ କୁମାର କମ୍ପ ଟପ୍ପର ହୋଇଥିବା ବେଳେ ଏମସିଏରେ ସ୍ମିତାରାଣୀ ଚୌଧୁରୀ ଟପ୍ପର ହୋଇଛନ୍ତି । ସେହିପରି ବି ଫାର୍ମରେ ସମୀର କୁମାର ପାଢୀ, ଏମ ଫାର୍ମରେ ଅତୁରମାଲ୍ୟା ଚକ୍ରବର୍ତୀ ସର୍ବାଧିକ ନମ୍ବର ରଖି ଉତୀର୍ଣ୍ଣ ହୋଇଛି । ଏମ ଟେକରେ ପ୍ରଦୀପ କୁମାର ବାରିକ ଟପ୍ପର ହୋଇଛନ୍ତି । ଉଭୟ ଅନଲାଇନ ଏବଂ ଅଫଲାଇନ ପରୀକ୍ଷା ଫଳ ଏକାସଙ୍ଗେ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ଅଫଲାଇନରେ ୨୫ ହଜାର ୭୩୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ଅନଲାଇନରେ ୧୩ ହଜାର ୯୧୮ ଜଣ ପିଲା ପରୀକ୍ଷା ଦେଇଛନ୍ତି । ତେବେ ଛାତ୍ରଛାତ୍ରୀମାନେ www.ojee.nic.in ଓ odishajee.comରେ ସେମାନଙ୍କର ରେଜଲ୍ଟ ଜାଣିପାରିବେ ।
ଏମବିଏ, ଏମସିଏ, ଏମ.ଟେକ, ଏମ.ଆର୍କ, ଏମ.ପ୍ଲାନ, ଏମ.ଫାର୍ମା ଏବଂ ଲାଟେରାଲ ଏଣ୍ଟ୍ରି ଏମସିଏ ପାଠ୍ୟକ୍ରମରେ ନାମଲେଖା ଲାଗି ଗତ ୮ ଓ ୯ ତାରିଖରେ ପ୍ରଥମ ଥର ଲାଗି ଅନଲାଇନରେ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଥିଲା । ସେହିପରି ଲାଟେରାଲ ଏଣ୍ଟ୍ରି ବି.ଟେକ୍ ସମେତ ଲାଟେରାଲ ଏଣ୍ଟ୍ରି ବି.ଫାର୍ମା,ବି.ଫାର୍ମା, ଇଣ୍ଟିଗ୍ରେଟେଡ୍ ଏମବିଏ ପରି ପାଠ୍ୟକ୍ରମରେ ନାମଲେଖା ପାଇଁ ଗତ ମାସ ୧୮ ତାରିଖରେ ପେନ ଆଣ୍ଡ ପେପର ବେସଡ ବା ଅଫଲାଇନରେ ପରୀକ୍ଷା କରାଯାଇଥିଲା ।