ଭୁବନେଶ୍ୱର ଏମ୍ସର ହିନ୍ଦୀ ପ୍ରୀତି ବିରୋଧରେ ବିଜେଡିର ପ୍ରତିବାଦ : କର୍ତ୍ତୃପକ୍ଷଙ୍କ ସହ ଆଲୋଚନା କରି ସ୍ମାରକ ପତ୍ର ଦେଲେ ପ୍ରତିନିଧି ଦଳ
କନକ ବ୍ୟୁରୋ : ଏମ୍ସକୁ ଓଡ଼ିଆ ଅଡ଼ୁଆ ? ଓଡ଼ିଶାରେ ଓଡ଼ିଆ ଭାଷାଙ୍କୁ ଅଣଦେଖା । ଓଡ଼ିଶାରେ ଏମ୍ସ ଓଡ଼ିଆ ଲୋକଙ୍କ ସୁବିଧା ପାଇଁ ପ୍ରତିଷ୍ଠା ହୋଇଛି । ହେଲେ ଏମ୍ସରେ ଓଡ଼ିଆ ବଦଳରେ ସମସ୍ତ କାର୍ଯ୍ୟ ହିନ୍ଦୀରେ କରିବାକୁ ନିର୍ଦ୍ଦେଶ ଦେବା କେତେଦୂର ଯୁକ୍ତିଯୁକ୍ତ । ଏମ୍ସରେ ହିନ୍ଦୀ ବାଧ୍ୟତାମୂଳକ ନେଇ କେନ୍ଦ୍ର ସରକାରଙ୍କ ନିର୍ଦ୍ଦେଶ ଆସିବା ପରେ ପରେ ଘଟଣାକୁ ନେଇ ଏମ୍ସ୍ କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି ବିଜେଡି ପ୍ରତିନିଧି ଦଳ । ସଂସଦୀୟ ଦଳ ନେତା ପିନାକୀ ମିଶ୍ରଙ୍କ ନେତୃତ୍ୱରେ ୯ ଜଣିଆ ସଦସ୍ୟ ବିଶିଷ୍ଟ ଦଳ ଏମ୍ସ ନିର୍ଦ୍ଦେଶକଙ୍କୁ ଏକ ସ୍ମାରକପତ୍ର ପ୍ରଦାନ କରିଛନ୍ତି । ଲୋକସଭା ସାଂସଦ ଅନୁଭବ ମହାନ୍ତି, ଶର୍ମିଷ୍ଠା ସେଠୀ, ରାଜ୍ୟସଭା ସାଂସଦ ଅମର ପଟ୍ଟନାୟକ, ସସ୍ମିତ୍ ପାତ୍ର, ପ୍ରସନ୍ନ ଆଚାର୍ଯ୍ୟ , ସରୋଜିନୀ ହେମରମ୍ ପ୍ରମୁଖ ଏମ୍ସ ଗସ୍ତ କରିଥିଲେ । ଏହାସହିତ ଭୁବନେଶ୍ୱରର ଦୁଇ ବିଧାୟକ ଉପସ୍ଥିତ ରହି ଓଡିଶାର ଏମ୍ସରେ ହିନ୍ଦୀ ଭାଷାକୁ ବାଧ୍ୟତାମୂଳକ ନିଷ୍ପତିକୁ ବିରୋଧ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଏପ୍ରସଙ୍ଗରେ ବିଜେପି ମହିଳା ମୋର୍ଚ୍ଚା ନେତ୍ରୀ ପ୍ରଭାତି ପରିଡା ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଏହି ପ୍ରଶ୍ନ ବିଜେଡିକୁ ପଚରାଯିବା ଆବଶ୍ୟକ । । ମୁଖ୍ୟମନ୍ତ୍ରୀ କାହିଁକି ଓଡିଆ କହି ପାରୁନାହାନ୍ତି । ଓଡିଆଙ୍କ ମୁଖ୍ୟମନ୍ତ୍ରୀ ଓଡିଆ କହିପାରୁନାହାନ୍ତି । ରାଜ୍ୟରେ ଯଦି ଶାସନ ଇଂରାଜୀରେ ଚାଲୁଛି ଅଖିଳ ଭାରତୀୟ ସଂସ୍ଥା ଏମ୍ସରେ ହିନ୍ଦୀ କହିଲେ ଅସୁବିଧା ନାହିଁ । ଏମ୍ସରେ ହିନ୍ଦୀ ଭାଷାକୁ ନେଇ ଯଦି ବିତର୍କ ହେବା କଥା ତେବେ ନବୀନଙ୍କ ଓଡିଆ ନକହି ପାରିବାକୁ ନେଇ ବି ବିତର୍କ ହେବା କଥା ବୋଲି ସେ ପ୍ରତିକ୍ରିୟା ରଖିଛନ୍ତି ।
ସୂଚନା ଅନୁସାରେ ଭୁବନେଶ୍ୱର ଏମ୍ସର ଏକ ବିଜ୍ଞପ୍ତିକୁ ନେଇ ଏହି ବିବାଦ ସୃଷ୍ଟି ହୋଇଛି । ଏମ୍ସ ପକ୍ଷରୁ ସମସ୍ତ କର୍ମଚାରୀଙ୍କ ଉଦ୍ଦେଶ୍ୟରେ ଏକ ନିର୍ଦ୍ଦେଶନାମା ଜାରି କରାଯାଇଛି । ଯେଉଁଥିରେ ସମସ୍ତେ ହିନ୍ଦୀରେ ଦସ୍ତଖତ କରିବାକୁ କୁହାଯାଇଛି । ସମସ୍ତ ଫାଇଲ୍ର ନାଁ ଓ ବିଷୟ ହିନ୍ଦୀରେ ଲେଖାଯିବାକୁ ନିର୍ଦ୍ଦେଶ ରହିଛି । ରେଜିଷ୍ଟରର ନାଁ, ହେଡିଂ, ସବହେଡିଂ ହିନ୍ଦୀରେ ଲେଖାଯିବା ସହ ହିନ୍ଦୀରେ ଏଂଟ୍ରି କରିବାକୁ କୁହାଯାଇଛି । ଏହା ସହ ଅତିକମରେ ୩୦ ପ୍ରତିଶତ ନୋଟିଂ ଓ ୫୫ ପ୍ରତିଶତ ଚିଠିପତ୍ର ହିନ୍ଦୀରେ ଲେଖିବା ପାଇଁ ବାଧ୍ୟତାମୂଳକ କରାଯାଇଛି । ସେହିପରି ପ୍ରଶାସନିକ ବୈଠକରେ ହିନ୍ଦୀ ଭାଷା ବ୍ୟବହାର କରିବାକୁ କୁହାଯାଇଛି ।
We are the first state to be formed on linguistic basis and we would not like to allow any body sidelining our mother tongue, particularly by any institution that is working for the people of our state. pic.twitter.com/tyc0EUbEEj
— Pinaki Misra, Puri MP (@OfPinaki) February 21, 2020
ତେବେ ଭୁବନେଶ୍ୱର ଏମ୍ସର ଏପରି ନିର୍ଦ୍ଦେଶନାମାକୁ ବିରୋଧ କରିଛି ବିଜେଡ଼ି ପୁରୀ ସାଂସଦ ପିନାକୀ ମିଶ୍ର । ସେ କହିଛନ୍ତି, ଓଡ଼ିଶା ହେଉଛି ଦେଶର ପ୍ରଥମ ରାଜ୍ୟ, ଯାହା ଭାଷା ଭିତିରେ ଗଠନ ହୋଇଛି । ତେଣୁ ଓଡ଼ିଶାରେ କାର୍ଯ୍ୟ କରୁଥିବା କୌଣସି ସଂସ୍ଥା ଆମ ମାତୃଭାଷାକୁ ଗୌଣ କରିବାକୁ ଉଦ୍ୟମ କଲେ ଏହାକୁ ପ୍ରଶୟ ଦିଆଯିବନାହିଁ । ତେଣୁ ଏହି ପରିପେକ୍ଷୀରେ ଆଜି ଏମ୍ସ୍ କର୍ତ୍ତୃପକ୍ଷଙ୍କ ସହ ଆଲୋଚନା କରିଛି ବିଜେଡ଼ି ପ୍ରତିନିଧି ଦଳ ।