ଓଡିଶାର ଗୌରବ ବଢାଇଲେ ଜୟନ୍ତି ! ଏସିଆନ୍ ୟୁଥ୍ ପାରା ଗେମସରେ ୧୦୦ମିଟର ଦୌଡରେ ଜିତିଲେ ରୌପ୍ୟ ପଦକ
କୁହାଯାଏ ଦୃଢ ଇଚ୍ଛା ଶକ୍ତିଥିଲେ ସବୁ ସମ୍ଭବ । ଏହାକୁ ସତ ପ୍ରମାଣିତ କରିଛନ୍ତି ଓଡିଶାର ଏହି ଯୁବତୀ । ପାରା ଆଥଲେଟ୍ ଜୟନ୍ତି ବେହେରା ଦୁବାଇରେ ହୋଇଥିବା ଏସିଆନ ୟୁଥ ପାରା ଗେମସରେ ୧୦୦ମିଟର ଦୌଡରେ ରୌପ୍ୟ ପଦକ ଜିତି ରାଜ୍ୟ ପାଇଁ ଗୌରବ ଆଣିଛନ୍ତି । ଜୟନ୍ତି ୧୩.୪୮ ସେକେଣ୍ଡ ସହ ଦ୍ୱିତୀୟ ସ୍ଥାନ ଅଧିକାର କରିଥିବା ବେଳେ ୧୩.୪୫ ସେକେଣ୍ଡ ସହ ଜାପାନର ମିସୁ ହୋନୋକା ପ୍ରଥମ ସ୍ଥାନ ଅଧିକାର କରିଛନ୍ତି ଓ ୧୪.୨୪ ସେକେଣ୍ଡ ସହ ଜାପାନର ନାକାଗାବା ତୃତୀୟ ସ୍ଥାନ ଅଧିକାର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ଜୟନ୍ତି ଚଳିତ ବର୍ଷ ଅଗଷ୍ଟରେ ସ୍ୱଜରଲ୍ୟାଣ୍ଡର ନୋଟୱିଲରେ ହୋଇଥିବା ବିଶ୍ୱ ଜୁନିଅର ପାରା ଆଥଲେଟିକ ଚମ୍ପିୟନସିପରେ ୪୦୦ ମିଟର ଦୌଡରେ ଭାରତ ପାଇଁ ସ୍ୱର୍ଣ ପଦକ ଜିତିଥିଲେ । ସେହିପରି ସେ ମେ ମାସରେ ହୋଇଥିବା ଚୀନ ଓପନ ପାରା ଆଥଲେଟିକ ଗ୍ରାଁ ପ୍ରି ଚାମ୍ପିୟନସିପରେ ମଧ୍ୟ ସ୍ୱର୍ଣ ପଦକ ଜିତିଥିଲେ ।
ଉଲ୍ଲେଖନୀୟ କଥା ଏହା ଯେ ,ଜୟନ୍ତି ଯେତେବେଳେ ମାତ୍ର ଗୋଟେ ବର୍ଷର ହୋଇଥିଲେ ସେତେବେଳେ ତାଙ୍କର ବାମ ହାତ ଏବଂ ଅଂଟା ନିଆଁରେ ଜଳିଯାଇଥିଲା । ଏକ ଗରିବ ପରିବାରରୁ ଆସିଥିଲେ ମଧ୍ୟ ସେ ସମସ୍ତ ବାଧା ବନ୍ଧନକୁ ବୀରତ୍ୱର ସହ ପାର କରି ଆଜି ସଫଳତାର ଶୀର୍ଷରେ ପହଂଚିପାରିଛନ୍ତି ।
( ସୌଜନ୍ୟ- ଓଡିଶା ସନ୍ ଟାଇମ୍ସ)