ଓଡ଼ିଶା ଜଙ୍ଗଲକୁ ଆସିବ ମଧ୍ୟପ୍ରଦେଶ ବାଘ ! ସାତକୋଶିଆରେ ରକ୍ଷା କରିବ ଜୈବିକ ସନ୍ତୁଳନ
କନକ ବ୍ୟୁରୋ : ମଧ୍ୟପ୍ରଦେଶରୁ ଓଡ଼ିଶା ଆସିବ ମହାବଳ ବାଘ । ରାଜ୍ୟରେ ବାଘ ସଂଖ୍ୟା କମ୍ ଥିବାରୁ ଜୈବ ସନ୍ତୁଳନ ବିଗିଡି ଯାଉଛି । ସାତକୋଶିଆ ଅଭୟାରଣ୍ୟ ପାଇଁ ଓଡିଶା ସରକାରଙ୍କ ପ୍ରୋଜେକ୍ଟ ଟାଇଗର୍ । ଗୋଟିଏ ତୀରରେ ଦୁଇଟି ଶିକାର କରିବାକୁ ଜଙ୍ଗଲ ଓ ପରିବେଶ ବିଭାଗର ପ୍ରୟାସ । ସାତକୋଶିଆ ଅଭୟାରଣ୍ୟରେ ଜୈବିକ ସନ୍ତୁଳନ ରକ୍ଷା କରିବା ଓ ବାଘ ସଂଖ୍ୟା ବଢାଇବାକୁ ଯେଉଁ ପରିକଳ୍ପନା କରାଯାଇଥିଲା, ତାକୁ ସବୁଜ ସଂକେତ ଦେଇଛନ୍ତି ମଧ୍ୟପ୍ରଦେଶ ସରକାର । ଜାତୀୟ ବ୍ୟାଘ୍ର ସଂରକ୍ଷଣ କର୍ତୃପକ୍ଷ ମଧ୍ୟ ଅନୁମତି ଦେଇସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ୱାଇଲ୍ଡ ଲାଇଫ ଇନଷ୍ଟିଚ୍ୟୁଟ୍ ଅଫ ଇଣ୍ଡିଅ କରିଥିବା ସର୍ଭେ ଅନୁସାରେ ସାତକୋଶିଆ ଅଭୟାରଣ୍ୟରେ ୧୫ଟି ମହାବଳ ରହିବା ପାଇଁ ଉପଯୁକ୍ତ ଆବାସସ୍ଥଳୀ ରହିଛି । କିନ୍ତୁ ଜଙ୍ଗଲ ବିଭାଗର ତଥ୍ୟ ଅନୁସାରେ ଏଠାରେ ମାତ୍ର ଦୁଇଟି ମହାବଳ ବାଘ ଅଛନ୍ତି । ତେଣୁ ମଧ୍ୟପ୍ରଦେଶ ବାଘ ଆସିଲେ, ରାଜ୍ୟ ଫାଇଦାରେ ରହିବ । ଆସନ୍ତା ମାସରୁ ପର୍ଯ୍ୟାୟକ୍ରମେ ସାତକୋଶିଆରେ ୬ଟି ବାଘ ଛଡାଯିବ ।
୨୦୧୫ରେ ଏନଟିସିଏ କରିଥିବା ବାଘ ଗଣନା ଅନୁଯାୟୀ ରାଜ୍ୟରେ ୨୮ଟି ମହାବଳ ବାଘ ଥିଲା । ଯାହାକୁ ଚ୍ୟାଲେଂଜ କରିଥିଲେ ରାଜ୍ୟ ସରକାର । ୨୦୧୬ରେ ପୁନଃଗଣନା କରି ୪୦ଟି ବାଘ ଥିବା କହିଥିଲେ ରାଜ୍ୟ ସରକାର । ତେବେ ମହାବଳ ବାଘ ବଂଶ ବୃଦ୍ଧି ସହ ରାଜ୍ୟ ସରକାରଙ୍କ ପ୍ରୋଜେକ୍ଟଟାଇଗରକୁ କେତେ ସଫଳତା ମିଳୁଛି, ତା ଉପରେ ନଜର ।