ଗାଁରୁ ଆସୁଛି ପ୍ରଥମ ପର୍ଯ୍ୟାୟ ରାୟ ! ପୂର୍ବଭଳି ଡ୍ରାଇଭର ସିଟରେ ବସିପାରେ ବିଜେଡି
କନକ ବ୍ୟୁରୋ : ପଂଚାୟତ ନିର୍ବାଚନର ପ୍ରଥମ ପର୍ଯ୍ୟାୟ ଭୋଟ୍ ପରେ ଫଳାଫଳ ଆସିବାରେ ଲାଗିଛି । ଏବେ ବି ଚାଲିଛି ଆଗୁଆ ପଛୁଆର ହିସାବ ନିକାଶ । ତେବେ ଚକମା ଦେଇଛି ବିଜେପି । ପୂର୍ବ ନିର୍ବାଚନ ଅପେକ୍ଷା ବେଶ୍ ଅଧିକ ଜିଲ୍ଲା ପରିଷଦ ଆସନରେ ଆଗୁଆ ରହିଛି ବିଜେପି । କିନ୍ତୁ ଏବେ ବି ଡ୍ରାଇଭର ସିଟରେ ବିଜେଡି ।
Kanak News is now on WhatsApp
Join and get latest news updates delivered to you via WhatsApp
ଶେଷ ସୂଚନା ଅନୁସାରେ ବିଜେଡି ୩୪ଟି ଜିଲ୍ଲା ପରିଷଦ ଆସନରେ ବିଜୟୀ ହୋଇଥିବା ବେଳେ ୨୨ଟି ଆସନ ହାତେଇଛି ବିଜେପି । ଅନ୍ୟପଟେ କଂଗ୍ରେସ ୫ଟି ଆସନରେ ବିଜୟୀ ହୋଇଥିବା ବେଳେ ଗୋଟିଏ ଆସନରେ ଜିତିଛି ଅନ୍ୟ ପ୍ରାର୍ଥୀ । ସେପଟେ ଅନ୍ୟ ଜିଲ୍ଲାପରିଷଦ ଆସନ ପାଇଁ ଭୋଟ ଗଣତି ଜାରି ରହିଛି । ଜଗତସିଂହପୁର ଜିଲ୍ଲା ଏରସମା ବ୍ଲକର ୪ ଟି ଜୋନରେ ବିଜେଡି ଜିତିଛି ।
ସୁବର୍ଣ୍ଣପୁର ଜିଲ୍ଲା ତରଭାର ଦୁଇଟି ଜୋନରେ ବିଜେଡି ପ୍ରାର୍ଥୀ ବିଜୟୀ ହୋଇଛନ୍ତି । ନୟାଗଡ ଜିଲ୍ଲା ଓଡଗାଁର ୨ ଟି ଜୋନରେ ବିଜେଡି ଜିତିଛି । ମାଲକାନଗିରିର ଦୁଇଟି ଜୋନରେ ବି ବିଜେଡି ବାଜି ମାରିଛି । ଗଜପତିର ଦୁଇଟି ଜୋନକୁ ବି ଅକ୍ତିଆର କରିଛି ବିଜେଡି । ସୁନ୍ଦରଗଡର ଗୋଟିଏ ଜୋନରେ କଂଗ୍ରେସ ବିଜୟୀ । ଗୋଟିଏରେ ବିଜେଡି ବିଜୟୀ । କେନ୍ଦୁଝରର ୩ ଟି ଜୋନରେ ବିଜେଡି ବିଜୟୀ । କଳାହାଣ୍ଡି ଜୟପାଟଣାର ୩ଟି ଜୋନରେ ବିଜେପି ପ୍ରାର୍ଥୀ ବିଜୟୀ ହୋଇଛନ୍ତି ।