ବେକାରୀ ସମସ୍ୟାକୁ ନେଇ ବିଜେଡ଼ିର ଆନ୍ଦୋଳନ : ବିଭିନ୍ନ ପିଏସୟୁ ଏବଂ ପ୍ଲାଂଟ ସମ୍ମୁଖରେ ବିଜେଡି କର୍ମୀଙ୍କ ବିକ୍ଷୋଭ ପ୍ରଦର୍ଶନ ଓ ପ୍ରତିବାଦ ସଭା
କନକ ବ୍ୟୁରୋ : ବେକାରୀ ସମସ୍ୟାକୁ ନେଇ ବିଜେଡ଼଼ିର ଆନ୍ଦୋଳନ । ବିଭିନ୍ନ ପିଏସୟୁ ଏବଂ ପ୍ଲାଂଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ଓ ପ୍ରତିବାଦ ସଭା କରିଛନ୍ତି ବିଜେଡି କର୍ମୀ । ଭୁବନେଶ୍ୱର ଏବଂ ପାରାଦୀପରେ ଏପରି ଦୃଶ୍ୟମାନ ଦେଖିବାକୁ ମିଳିଛି । ୨୦୧୪ ମସିହାରେ ନରେନ୍ଦ୍ର ମୋଦିଙ୍କ ସରକାର କ୍ଷମତାକୁ ଆସିଥିଲା । କ୍ଷମତାକୁ ଆସିବାପରେ ବର୍ଷକୁ ୨କୋଟି ହିସାବରେ ୫ବର୍ଷରେ ୧୦ କୋଟି ନିଯୁକ୍ତିର ପ୍ରତିଶ୍ରୁତି ଦେଇଥିଲେ କେନ୍ଦ୍ର ସରକାର । କିନ୍ତୁ ଏହି ପ୍ରତିଶ୍ରୁତି ପାଳନ କରିବାରେ କେନ୍ଦ୍ର ସରକାର ବିଫଳ ହୋଇଛନ୍ତି । କେନ୍ଦ୍ର ସରକାରଙ୍କ ପ୍ରତିଶ୍ରୁତି କେବଳ ପ୍ରହସନ ପାଳଟିଛି । ପ୍ରତିଶ୍ରୁତିରୁ ଗୋଟିଏ ବି ପାଳନ କରିନାହାନ୍ତି ସରକାର ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ଖଣିଜ ସମ୍ପଦର ବହୁଳ ବ୍ୟବହାର କରାଯାଉଥିଲେ ମଧ୍ୟ ସ୍ଥାନୀୟ ଯୁବକ ଯୁବତୀମାନଙ୍କୁ ନିଯୁକ୍ତି ଦେଇପାରିନାହାନ୍ତି ବୋଲି କହିଛି ବିଜେଡି । ତାହାର ପ୍ରତିବାଦ ସ୍ୱରୁପ ଦଳ ଆନ୍ଦୋଳନକୁ ଓହ୍ଲାଇଥିବା ବିଜେଡି ପକ୍ଷରୁ କୁହାଯାଇଛି । ଅନ୍ୟପଟେ ଦଳ କହିଛି ମେକ୍ ଇନ୍ ଓଡ଼ିଶା ଓ ବିଭିନ୍ନ ସେଳ୍ଫ ଏମ୍ପଲୟମେଂଟ ଯୋଜନା ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାର ଯୁବକଯୁବତୀମାନଙ୍କୁ କର୍ମସଂସ୍ଥାନ ଯୋଗାଇବା ପାଇଁ ପ୍ରୟାସ ଚଳାଇଛନ୍ତି ।
ତେବେ ଏପ୍ରସଙ୍ଗରେ ବିଜେପି ରାଜ୍ୟ ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଏନେଇ ପ୍ରତିକ୍ରିୟା ପ୍ରକାଶ କରିଛନ୍ତି । ସେ କହିଛନ୍ତି ବିଜେଡ଼ି ସରକାର ଶିଳ୍ପ ଓ ଉନ୍ନତି ବିରୋଧୀ । ଯେଉଁ ପିଏସୟୁ ରାଜ୍ୟର ବିକାଶରେ ସହଯୋଗ କରୁଛି, ସେଗୁୁଡ଼ିକ ବିରୋଧରେ ବିରୋଧ ପ୍ରଦର୍ଶନ ଏକ ବିଚିତ୍ର ସ୍ଥିତି ସୃଷ୍ଟି କରୁଛି । ଏହାସ ରାଷ୍ଟ୍ରାୟନ କମ୍ପାନୀ ଗୁଡ଼ିକୁ ବିରୋଧ କରିବା ବନ୍ଦ କରିବା ପାଇଁ କହିଛନ୍ତି । ଆଇଓସିଏଲ,ଏନଟପିସି, ପରି ଉଦ୍ୟୋଗ ରାଜ୍ୟର ବିକାଶରେ ସହଯୋଗ କରୁଛନ୍ତିି । ତେବେ ବିଜେଡ଼ିକୁ କାଉଂଟର କରି ସେ କହିଛନ୍ତି ମେକ୍ ଇନ୍ ଓଡ଼ିଶା ନାଁରେ ଶିଳ୍ପ ପ୍ରତିଷ୍ଠା ନେଇ ଡିଣ୍ଡିମ ପିଟୁଥିବା ରାଜ୍ୟ ସରକାରଙ୍କ ଶିଳ୍ପବିରୋଧୀ ନୀତି ଏଘଟଣାକୁ ସ୍ପଷ୍ଟ ବାରି ହୋଇପଡ଼ିଛି ।