ଅନଲାଇନରେ ମଦ ବିକ୍ରି ପାଇଁ ଅରାଜି ମଦ ବ୍ୟବସାୟୀ ସଂଘ । ଭୁବନେଶ୍ୱର ସଂଘ କହିଲା, ଦୋକାନ ଖୋଲିଲେ ହଙ୍ଗାମା କରୁଛନ୍ତି ଲୋକେ । ସମାନ ମତ ରଖିଲା କଟକ ବ୍ୟବସାୟୀ ସଂଘ । ଅଫଲାଇନ ବିକ୍ରି ପାଇଁ ଅନୁମତି ଦେବାକୁ ସଙ୍ଘର ଯୁକ୍ତି ।
କନକ ବ୍ୟୁରୋ: ଅନଲାଇନରେ ମଦ ବିକ୍ରି ପାଇଁ ଅରାଜି ମଦ ବ୍ୟବସାୟୀ ସଂଘ । ମିଦ ବିକ୍ରି ପ୍ରସଙ୍ଗରେ ଭୁବନେଶ୍ୱର ସଂଘ କହିଛି ଦୋକାନ ଖୋଲିଲେ ହଙ୍ଗାମା କରୁଛନ୍ତି ଲୋକେ । ଏପରିକି ଅନଲାଇନ ବିକ୍ରୀରେ ସମସ୍ୟା ରହିଛି । ତେଣୁ ସଙ୍ଘ ଅନଲାଇନ ମଦବିକ୍ରୀ ପାଇଁ ଅରାଜି । ଆଜିଠାରୁ ଅନଲାଇନରେ ମଦ ବିକ୍ରି ଆରମ୍ଭ ପାଇଁ ସରକାର ଘୋଷଣା କରିଥିଲେ । ସକାଳ ୭ରୁ ସଂଧ୍ୟା ୬ଟା ଯାଏଁ ଅନଲାଇନରେ ମଦ ବୁକିଂ ଓ ଡେଲିଭରୀ ହୋଇପାରିବ । ଓଡିଶା ଷ୍ଟେଟ୍ ବେଭେରେଜ୍ କର୍ପୋପେସନ ୱେବସାଇଟ ଓଏସବିସି ଡଟ୍ କୋ ଡଟ୍ ଇନ୍ ରେ ଘରେ ବସି ବୁକିଂ କରି ହେବ ମଦ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ମଦ ଦୋକାନ ଗୁଡିକ ଏହାର ହ୍ୱାଟସ ଆପ୍ ନଂବର ବି ଜାରି କରିବେ ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଥିଲା । ଅନ୍ୟପଟେ ଅନ ଲାଇନ ମଦ ବିକ୍ରି କରିବାକୁ ମନା କରି ଦେଇଛି କଟକ ମଦ ଦୋକାନ ମାଲିକ ସଂଘ । ଅନଲାଇନରେ ମଦ ଦେବା କଷ୍ଟକର । ଅନଲାଇନରେ ବ୍ୟବସ୍ଥାରେ ସାମିଲ ହେବେ ନାହିଁ ବୋଲି ସଂଘ କହିଛି । ଏହାସହ ଅନଲାଇନ୍ ସହ ଅଫଲାଇନରେ ମଦ ଦୋକାନ ଖୋଲାଯିବା ସହ ସୁରକ୍ଷା ଦାବି କରିଛନ୍ତି ଖୋର୍ଦ୍ଧା ମଦ ବ୍ୟବସାୟୀ ସଂଘ ସଭାପତି ପ୍ରଭାତ ଦାସ । ଏହି ବ୍ୟବସ୍ଥାରେ ଜୀବନ ପ୍ରତି ବିପଦ ରହିଥିବାରୁ ପୋଲିସ ସୁରକ୍ଷା ଦାବି କରିଛନ୍ତି ପ୍ରଭାତ । ତେବେ ଏବେ ପ୍ରଶ୍ନ ଉଠୁଛି କେଉଁ କାରଣ ଯୋଗୁଁ ଅନଲାଇନ୍ ବିକ୍ରି ପାଇଁ ଅମଙ୍ଗ ହେଉଛି ମଦ ବ୍ୟବସାୟୀ ସଂଘ ।