ରାଜ୍ୟରେ ରୋଗୀ ସେବାକୁ ତ୍ୱରାନ୍ୱିତ କରିବା ପାଇଁ ୧୦୮ ଆମ୍ବୁଲାନ୍ସ ସେବାରେ ଯୋଡି ହେଲା ଆଉ ୨୬ଟି ନୂତନ ଆମ୍ବୁଲାନ୍ସ । ଏନେଇ ସ୍ୱାସ୍ଥ୍ୟ ଓ ପରିବାର କଲ୍ୟାାଣ ମନ୍ତ୍ରୀ ପ୍ରତାପ ଜେନା ୨୬ଟି ଆମ୍ବୁଲାନ୍ସର ଶୁଭାରମ୍ଭ କରିଛନ୍ତି । ୨୦୧୩ ମସିହାରୁ ୧୦୮ ଜରୁରୀକାଳୀନ ଆମ୍ବୁଲାନ୍ସ ସେବା ଆରମ୍ଭ ହୋଇଛି । ବର୍ତ୍ତମାନ ସୁଦ୍ଧା ୪୪୪ ଟି ୧୦୮ ଆମ୍ବୁଲାନ୍ସ ରାଜ୍ୟର ୩୦ଟି ଜିଲ୍ଲାରେ ମାଗଣା ସେବା ଯୋଗାଇ ଦେଇଆସୁଛି ।
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟମନ୍ତ୍ରୀଙ୍କ ସୁଚନା ମୁତାବକ ରାଜ୍ୟର ଅଧ୍ୟୁଷିତ ଜିଲ୍ଲାମାନଙ୍କରେ ଜରୁରୀକାଳୀନ ସେବାକୁ ପ୍ରସାରିତ କରିବା ପାଇଁ ରାଜ୍ୟ ସରକାର ନିଜସ୍ୱ ପାଣ୍ଠିରୁ ଅତିରିକ୍ତ ୯୨ଟି ଆମ୍ବୁଲାନ୍ସର ବ୍ୟବସ୍ଥା କରିଛନ୍ତି । ଗତ ବର୍ଷ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ୯୨ଟି ଆମ୍ବୁଲାନ୍ସ ମଧ୍ୟରୁ ୨୪ଟିର ଶୁଭାରମ୍ଭ କରିଥିଲେ । ଆଜି ୨୬ଟି ଆମ୍ବୁଲାନ୍ସକୁ ଶୁଭାରମ୍ଭ କରାଯାଇଛି । ବାକି ୪୨ଟି ଆମ୍ବୁଲାନ୍ସ ଖୁବଶୀଘ୍ର ରାଜ୍ୟର ସେବା କ୍ଷେତ୍ରରେ ସାମିଲ କରାଯିବବୋଲି ସ୍ୱାସ୍ଥ୍ୟ ମନ୍ତ୍ରୀ କହିଛନ୍ତି।
ତେବେ ୧୦୮ ଆମ୍ବୁଲାନ୍ସ ବ୍ୟତୀତ ଗର୍ଭବତୀ ମା’ ଏବଂ ଏବଂ ଅସୁସ୍ଥ ଶିଶୁଙ୍କ ସେବା ପାଇଁ ୫୦୦ଟି ୧୦୨ ଆମ୍ବୁଲାନ୍ସର ବ୍ୟବସ୍ଥା ରହିଛି । ବର୍ତ୍ତମାନ ପର୍ଯ୍ୟନ୍ତ ରାଜ୍ୟର ୩୫ ଲକ୍ଷରୁ ଅଧିକ ଲୋକ ଏହି ସେବାଦ୍ୱାରା ଉପକୃତ ହୋଇଛନ୍ତି । ତେବେ ୨୮ଟି ବି.ଏଲ.ଏସ ଆମ୍ବୁଲାନ୍ସକୁ ଆଡଭାନ୍ସ ଲାଇଫ ସପୋର୍ଟକୁ ରୂପାନ୍ତର କରିବା ପାଇଁ ରାଜ୍ୟ ସରକାର ନିଜସ୍ୱ ପାଣ୍ଠିରୁ ଅର୍ଥ ଯୋଗାଇ ଦେଇଛନ୍ତି । ୯୦ କୋଟି ଟଙ୍କାର ବ୍ୟୟ ଅଟକଳରେ ଆଗାମୀ ୫ ବର୍ଷ ପାଇଁ ଏହି ଅତିରିକ୍ତ ଆମ୍ବୁଲାନ୍ସ କାର୍ଯ୍ୟ କରିବ ।