ନିଶା ବଢାଉଛି ରାଜକୋଷ ! ମଦବିକ୍ରିରେ ରାଜ୍ୟ ସରକାର କରିଛନ୍ତି ପ୍ରଚୁର ଆୟ
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ନବୀନ ପଟ୍ଟନାୟକଙ୍କ ୧୬ ବର୍ଷର ଶାସନରେ ରାଜ୍ୟରେ ମଦ ଦୋକାନ ସଂଖ୍ୟା ଦୁଇ ଗୁଣ ହୋଇଛି । ରାଜସ୍ୱ ଆଦାୟ ବି ଢ଼େର ବଢ଼ିଛି । ଏକଥା ଆଜି ବିଧାନସଭାରେ ସ୍ୱୀକାର କରିଛନ୍ତି ଅବକାରୀ ମନ୍ତ୍ରୀ ଡାକ୍ତର ଦାମୋଦର ରାଉତ ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସ ସଭ୍ୟ ପ୍ରଫୁଲ୍ଲ ମାଝୀଙ୍କ ଲିଖିତ ପ୍ରଶ୍ନର ଉତର ଦେଇ ବିଧାନସଭାରେ ଏହି ତଥ୍ୟ ରଖିଛନ୍ତି ଅବକାରୀ ମନ୍ତ୍ରୀ ଦାମ ରାଉତ । ୨୦୦୧-୨୦୦୨ରେ ରାଜ୍ୟରେ ହଜାରେ ୭୯୮ଟି ମଦ ଦୋକାନ ଥିବା ବେଳେ ୨୦୧୬-୧୭ରେ ଏହା ୩,୯୨୨ରେ ପହଞ୍ଚିଛି । ସେହିଭଳି ୧୬ ବର୍ଷ ତଳେ ମଦରୁ ୧୯୬.୧୭ କୋଟି ଟଙ୍କା ରାଜସ୍ୱ ଆଦାୟ ହୋଇଥିବା ବେଳେ, ଚଳିତ ବର୍ଷ କେବଳ ଅକ୍ଟୋବର ମାସ ସୁଦ୍ଧା ୧୫୦୩.୩୩ କୋଟି ଟଙ୍କା ଆଦାୟ ହୋଇଛି ।
ଅପପୁଷ୍ଟିର ଶିକାର ହେଉଥିବା ଆଦିବାସୀ ଅଧ୍ୟୁଷିତ ଅଂଚଳରେ ମଦ ବନ୍ଦ କରିବା ଯୁକ୍ତଯୁକ୍ତ ହେବ ନାହିଁ ବୋଲି ମନ୍ତ୍ରୀ କହିଛନ୍ତି । ସଂପୂର୍ଣ୍ଣ ନିଶା ନିବାରଣ ହେଲେ ଚୋରା ମଦ ପିଇ ଲୋକେ ବିଷାକ୍ତ ମଦମୃତ୍ୟୁର ଶିକାର ହେବେ ବୋଲି ମନ୍ତ୍ରୀ କହିଛନ୍ତି । ତେବେ ଏହାକୁ ନେଇ ବିଭିନ୍ନ ଦଳର ବିଧାୟକ ପ୍ରତିକ୍ରିୟା ଦେଇଛନ୍ତି ।