ମାଓ ମୁକାବିଲା ପାଇଁ କେନ୍ଦ୍ର ଠାରୁ ହେଲିକପ୍ଟର ମାଗିଲେ ରାଜ୍ୟ ସରକାର !
କନକ ବ୍ୟୁରୋ : ପାହାଡ ପର୍ବତ ଓ ଘଞ୍ଚ ଜଙ୍ଗଲରେ ମାଓ ମୁକାବିଲା ପାଇଁ ହେଲିକପ୍ଟର ଅତ୍ୟନ୍ତ ଜରୁରୀ । ତେଣୁ କେନ୍ଦ୍ର ସରକାର ଗୋଟିଏ ହେଲିକପ୍ଟର ଯୋଗାଇ ଦେବାକୁ ରାଜ୍ୟ ସରକାରଙ୍କ ପକ୍ଷରୁ ଅନୁରୋଧ କରାଯାଇଛି । ଓଡିଶା ସୀମାନ୍ତବର୍ତୀ ଆନ୍ଧ୍ରପ୍ରଦେଶ, ଛତିଶଗଡ ଓ ଝାଡଖଣ୍ତର ପାହାଡ ପର୍ବତରେ ଏହି ମାଓବାଦୀମାନେ ଲୁଚି ସେମାନଙ୍କ କାର୍ଯ୍ୟକଳାପ ଚଳାଇଛନ୍ତି । ଏହିସବୁ ଇଲାକା ବ୍ୟତୀତ ମାଲକାନଗିରିର ବିଚ୍ଛିନ୍ନାଞ୍ଚଳ, ଓଡିଶା-ଛତିଶଗଡ ସୀମାରେ ଥିବା ତୁଳସୀ ପାହାଡ ଏବ˚ ଅନ୍ୟ ଇଲାକାରେ ମାଓବାଦୀ ସକ୍ରିୟ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଅଞ୍ଚଳରେ ମାଓ ମୁକାବିଲା ଲାଗି କେନ୍ଦ୍ରୀୟ ବଳଙ୍କୁ ପଠାଯାଉ ଥିବାବେଳେ ହେଲିକପ୍ଟର ନଥିବାରୁ ରାଜ୍ୟ ସରକାର ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ବର୍ତମାନ ରାଜ୍ୟରେ ୧୬ ବାଟାଲିୟନ ସୁରକ୍ଷାବଳ ମୁତୟନ ଅଛନ୍ତି । ଏଥିପାଇଁ ହେଲିକପ୍ଟର ନିହାତି ଆବଶ୍ୟକ ବୋଲି ରାଜ୍ୟ ସରକାର କେନ୍ଦ୍ରକୁ ଅନୁରୋଧ କରିଛନ୍ତି । ସେହିଭଳି ଓଡିଶାରୁ କୋବ୍ରା ବାଟାଲିୟନକୁ କେନ୍ଦ୍ର ହଟାଇ ନେଇଥିବାରୁ ବର୍ତମାନ ମାଓ ମୁକାବିଲା ପାଇଁ ଓଡିଶାରେ କୋବ୍ରା ଯବାନ ନାହାନ୍ତି । ତେଣୁ ରାଜ୍ୟକୁ ପୂର୍ବଭଳି କୋବ୍ରା ବାଟାଲିୟନ ଯୋଗାଇ ଦେବାପାଇଁ ଓଡିଶା ପକ୍ଷରୁ ପୁଣିଥରେ କେନ୍ଦ୍ରକୁ ଅନୁରୋଧ କରିଛି ।