କନକ ବ୍ୟୁରୋ : ହାତୀକୁ ନେଇ ଓଡିଶା ଓ ଆନ୍ଧ୍ର ମଧ୍ୟରେ ଛକାପଞ୍ଝା । ଆନ୍ଧ୍ର ଜଙ୍ଗଲରୁ ଏକ ହାତୀ ପଲ ଓଡିଶା ଜଙ୍ଗଲ ଭିତରକୁ ପଶିଆସିଥିବା ରାୟଗଡ ବନ ବିଭାଗ କହୁଥିବା ବେଳେ ଆନ୍ଧ୍ରର କୁରୁପାମ ଜଙ୍ଗଲ ଅଧିକାରୀ ଏହାକୁ ମାନିବାକୁ ନାରାଜ । ଗତ ଶନିବାରଠୁ ୭ଟି ହାତୀ ପଲ ଆନ୍ଧ୍ରପ୍ରଦେଶର ଶ୍ରୀକାକୁଲମ ଜିଲ୍ଲାର ସିତମପେଟା ଜଙ୍ଗଲରୁ ଆସି ଅନିଜା ଗାଁର ଜଙ୍ଗଲରେ ପଶିଥିଲେ । ରାୟଗଡା ଜଙ୍ଗଲ ବିଭାଗର କର୍ମଚାରୀ ହାତୀକୁ ଘଉଡାଇ ଓଡିଶା ସୀମା ପାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ରପ୍ରଦେଶର କୁରୁପାମ ରେଂଜ ପଡଗୁୱାଲାସା ନିକଟରେ ହାତୀ ପଲ ଥିବା ବେଳେ ଆନ୍ଧ୍ରର ଜଙ୍ଗଲ ବିଭାଗ ବାଣ ଫୁଟାଇ ହାତୀ ଉପରୁ ହାବେଳି ବାଣ ଛାଡୀ ଓଡିଶା ସୀମାକୁ ଘଉଡାଇଥିଲେ । ଫଳରେ ସୀମାନ୍ତରେ ଥିବା ଗାଁ ଗୁଡିକର ଲୋକ ଏବେ ଆତଙ୍କିତ ଅବସ୍ଥାରେ ଅଛନ୍ତି । ସଂନ୍ଧ୍ୟା ହେଲେ ଘରୁ ବାହାରିବାକୁ ଡରୁଛନ୍ତି ।ହାତୀ ଚଳାଚଳ କରୁଥିବା ଅଂଳଚରେ ଗତ ୭ ଦିନ ଦରି ବିଦ୍ୟୁତ କାଟ କରାଯାଇଛି । ଫଳରେ ଲୋକମାନେ ମୋବାଇଲ ସେବାଠୁ ଆରମ୍ଭ କରି ପିଇବା ପାଣି ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି । ସେପଟେ ହାତୀ ଆନ୍ଧ୍ରର ନା ଓଡିଶାର ବିବାଦ ମଧ୍ୟରେ ଉଭୟ ପ୍ରଶାସନିକ ଅଧିକାରୀ ଛନ୍ଦି ହୋଇପଡିଛନ୍ତି ।