ଓଡ଼ିଶା ପାଇଁ ଗୌରବ ଆଣିଲେ ମହିଳା କ୍ରିକେଟର୍ ସୁଶ୍ରୀ ଦିବ୍ୟଦର୍ଶିନୀ : ଏକମାତ୍ର ଓଡ଼ିଆ ଭାବେ ମହିଳା ଆଇପିଏଲରେ ପାଇଲେ ସ୍ଥାନ
କନକ ବ୍ୟୁରୋ : ଦେଶରେ ଆଇପିଏଲ୍ ଫିଭର ଜାରି ରହିଥିବା ବେଳେ ମହିଳା କ୍ରିକେଟରେ ବି ଖେଳିବେ ଆଇପିଏଲ୍ । ମହିଳା ଆଇପିଏଲକୁ ବିସିସିଆଇ ଅନୁମତି ଦେଇଛି । ତେବେ ଏହି ମହିଳା ଆଇପିଏଲରେ ରହିଛି ଓଡିଶା ପାଇଁ ଖୁସି ଖବର । ଏଥର ମହିଳା ଆଇପିଏଲ ଖେଳିବେ ଓଡିଆ ଝିଅ ସୁଶ୍ରୀ ଦିବ୍ୟଦର୍ଶନୀ । ସେ ମିଥାଲି ରାଜଙ୍କ ନେତୃତ୍ୱରେ ଭେଲୋସିଟି ଟିମରେ ଖେଳିବେ । ଆସନ୍ତା ମେ ୬ରୁ ୧୧ ତାରିଖ ଯାଏ ଜୟପୁରର ସବାଇ ମାନସିଂହ ଷ୍ଟାଡିୟମରେ ଖେଳାଯିବ ମହିଳା ଆଇପିଏଲ୍ ମ୍ୟାଚ୍ । ତିନୋଟି ଦଳ ସୁପର ନୋଭାସ , ଟେଲବ୍ଲେକର୍ସ ଓ ଭେଲୋସିଟି ଟିମ୍ ଏଥିରେ ସାମିଲ ହେବେ ।
Kanak News is now on WhatsApp
Join and get latest news updates delivered to you via WhatsApp
ଓଡିଆ ଝିଅ ସୁଶ୍ରୀ ଦିବ୍ୟଦର୍ଶନୀ ମହିଳା ଆଇପିଏଲ୍ ରେ ଭେଲୋସିଟି ଟିମରେ ସ୍ଥାନ ପାଇବା ନେଇ ରାଜ୍ୟର କ୍ରିକେଟରଙ୍କ ମଧ୍ୟରେ ଖୁସି ଦେଖିବାକୁ ମିଳିଛି । ଏପରି ସୁଯୋଗ ପାଇବାରେ ସେ ହେଉଛନ୍ତି ପ୍ରଥମ ଓଡିଆ ମହିଳା କ୍ରିକେଟର । ଗତବର୍ଷ ମହିଳା ଆଇପିଏଲ୍ ମୁମ୍ୱାଇ ଠାରେ ପ୍ରଥମ ଥର କରି ଖେଳାଯାଇଥିଲା । ସେତେବେଳେ ମାତ୍ର ଗୋଟିଏ ମ୍ୟାଚ୍ ଖେଳାଯାଇଥିଲା । ସ୍ରୁଶ୍ରୀ ପୂର୍ବରୁ ୧୯ ବର୍ଷରୁ କମ୍ ଭାରତୀୟ ଟିମ୍ ଓ ଇଷ୍ଟଜୋନ୍ ଟିମରୁ ଖେଳି ସାରିଛନ୍ତି । ଏବେ ଆଇପିଏଲରେ ନିଜର ଖେଳ ଦେଖାଇବେ ସୁଶ୍ରୀ ।