କନକ ବ୍ୟୁରୋ: ପରଲୋକରେ ବର୍ଷୀୟାନ କଳା ନିର୍ଦ୍ଦେଶକ ବୁଢା ମହାରଣା । ଗତ କିଛି ଦିନ ହେବ ମୃତ୍ୟୁ ସହ ସଂଗ୍ରାମ ପରେ ଗତକାଲି ସନ୍ଧ୍ୟାରେ ପୁରୀ ମେଡିକାଲରେ ସେ ଆଖି ବୁଜିଛନ୍ତି । ଦୀର୍ଘ ୮ ମାସ ଧରି ବ୍ରେନ୍ ଷ୍ଟ୍ରୋକରେ ପୀଡିତ ଥିଲେ ବୁଢା ମହାରଣା । ଅନେକ ମେଡିକାଲରେ ଚିକିତ୍ସା କରାଇବା ପରେ ତାଙ୍କୁ ପୁରୀ ମେଡିକାଲରେ ଭର୍ତ୍ତି କରାଯାଇଥିଲା । ଅର୍ଥାଭାବରୁ ତାଙ୍କର ଉପଯୁକ୍ତ ଚିକିତ୍ସା ହୋଇ ପାରିନଥିବା କହିଛନ୍ତି ପରିବାର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିରର ଚିତ୍ରକର ତଥା ସିନେ ଜଗତରେ କଳା ନିର୍ଦ୍ଦେଶକ ଭାବେ ଖ୍ୟାତି ଅର୍ଜନ କରିଥିବା ବୁଢା ମହାରଣାଙ୍କୁ ଶ୍ରଦ୍ଧାଂଜଳି ଦେବାକୁ କୌଣସି ସରକାରୀ ଅଧିକାରୀ କିମ୍ବା ଶ୍ରୀମନ୍ଦିର ପ୍ରଶାସନ ପକ୍ଷରୁ କାହାର ଦେଖା ମିଳି ନଥିଲା । ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି ସଂସ୍କୃତିପ୍ରେମୀ । ପ୍ରଶାସନର ସହଯୋଗ ମିଳିଥିଲେ ହୁଏତ ସେ ଆରୋଗ୍ୟ ଲାଭ କରିଥାନ୍ତେ ବୋଲି କହିଛନ୍ତି ସମାଜସେବୀ ।