ଖୁବ୍ ଶୀଘ୍ର ୟୁଟ୍ୟୁବରେ ଦେଖିବେ ବ୍ରେକିଂ ନ୍ୟୁଜ୍ !
ଏବେ ଦ୍ରୁତ ଖବର ଦେବା ପାଇଁ ଟେଲିଭିଜନରେ ବ୍ରେକିଂ ନ୍ୟୁଜ୍ ପାଲଟିଛି ଏକ ମାଧ୍ୟମ । ଆଉ ଏହାର ବହୁଳ ପ୍ରସାର ମଧ୍ୟ ଘଟିଛି । ଆଉ ଏହି ଧାରାରେ ଏବେ ସାମିଲ ହେବାକୁ ଯାଉଛିି ପ୍ରସିଦ୍ଧ ଭିଡିଓ ସାଇଟ୍ ୟୁଟ୍ୟୁବ୍ । ୟୁଟ୍ୟୁବର ହୋମପେଜ ଓ ମୋବାଇଲ୍ ଆପ୍ ରେ ଏକ ଅଲଗା ବିଭାଗ ରହିବ । ଯେଉଁଥିରେ ସାରା ଦୁନିଆର ବ୍ରେକିଂ ଖବରର ଭିଡିଓ ପ୍ରସାରିତ ହେବ । ଏହି ଖବର ଦ ନିୟୁ ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ହେବା ପରେ ୟୁଟ୍ୟୁବ୍ ପ୍ରେମୀଙ୍କ ମଧ୍ୟରେ ଉତ୍ସୁକତା ଭରିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଏହା କହିବା ମୁସ୍କିଲ ହେବ ଯେ, ଏହି ନୂଆ ଟ୍ୟାବ୍ ସବୁବେଳେ ୟୁଟ୍ୟୁବର ଅଂଶୀଦାର ରହିବା ନା ନାହିଁ ଓ ଏହା ଗୁଗୁଲର ଏଲଗୋରିଦିମ୍ ଠାରୁ କଂଟେଣ୍ଟବାଛିବ ନା ମାନୁଆଲି ପ୍ରସ୍ତୁତ ହେବ, ଏହା ସ୍ଥିର ହୋଇନାହିଁ । ୟୁଟ୍ୟୁବରେ ଯୁବକଙ୍କ ମଧ୍ୟରେ ବଢିଥିବା ଲୋକପ୍ରିୟତାକୁ ଦେଖି ଏହି ଫିଚର ନୂଆ ପିଢ଼ି ପାଇଁ ଖୁବ୍ ଦରକାରୀ ସାବ୍ୟସ୍ତ ହେବ ବୋଲି ଆଶା କରାଯାଉଛି ।
ଏଣ୍ଡ୍ରଏଡ୍ ପୁଲିସ୍ ତରଫରୁ ଦ ଭର୍ସ ଲେଖିଛି ଯେ, ଏହି ନୂଆ ଟ୍ୟାବ୍ ୱେବ୍ ହୋମପେଜ୍ ରେ ରେକମେଣ୍ଡେଡ୍ ଚ୍ୟାନେଲ୍ ର ଅନ୍ତର୍ଗତ ହେବ ଏବଂ ମୋବାଇଲ୍ ଆପ୍ ରେ ବଛା ବଛା ଭିଡିଓ ଗୁଡିକ ମଧ୍ୟରେ କ୍ଲାସ୍ କରି ଦେଖା ଯିବ । କେବଳ ମନୋରଂଜନ ପାଇଁ ନୁହେଁ ୟୁଟ୍ୟୁବ୍ ଆପ୍ କୁ ବଡ ବଡ କଂପାନୀ ବିଜ୍ଞାପନର ମହତ୍ୱପୂର୍ଣ୍ଣ ପ୍ଲାଟଫର୍ମ ଭାବେ ମଧ୍ୟ ଦେଖୁଛନ୍ତି । ଆଉ ଏହି ନୂଆ ଫିଚର ବହୁତ ଉପଯୋଗୀ ସାବ୍ୟସ୍ତ ହେବ ।