ମଧ୍ୟପ୍ରଦେଶ ପରେ ଗୁଜରାଟରେ ପରଦାକୁ ଆସିବ ନାହିଁ ପଦ୍ମାବତୀ : କଟକଣା ଜାରିକଲେ ଗୁଜୁରାଟ ସରକାର
ଗୁଜରାଟରେ ରିଲିଜ ହେବନି ବଲିଉଡ ଚଳଚ୍ଚିତ୍ର ପଦ୍ମାବତୀ । ସଂଜୟ ଲୀଳା ଭଂସାଲିଙ୍କ ଏହି ବହୁଚର୍ଚ୍ଚିତ ସିନେମାକୁ ବ୍ୟାନ କରିଛି ଗୁଜରାଟର ବିଜେପି ସରକାର । ଇତିହାସକୁ ବିକୃତ କରାଯାଇଥିବା ଅଭିଯୋଗରେ ପ୍ରଥମେ ମଧ୍ୟପ୍ରଦେଶ ଏହା ଉପରେ ନିଷେଧାଦେଶ ଜାରି କରିବା ପରେ ଏବେ ଗୁଜରାଟ ସେହି ରାସ୍ତା ଆପଣେଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ଆସୁଥିବା ବେଳେ ଆଇନ ଶୃଙ୍ଖଳା ପରିସ୍ଥିତିକୁ ଆଖି ଆଗରେ ରଖି ଗୁଜରାଟ ସରକାର ଏମି ନିଷ୍ପତ୍ତି ନେଇଥିବା ମୁଖ୍ୟମନ୍ତ୍ରୀ ବିଜୟ ରୁପାନୀ କହିଛନ୍ତି । ଗୋଟିଏ ପଟେ ବିରୋଧ ଜୋର ଧରୁଥିବା ବେଳେ ଫିଲ୍ମର ରିଲିଜ ତାରିଖକୁ ଘୁଂଚାଇ ଦେଇଛନ୍ତି ନିର୍ମାତା ।
ଇତିହାସ କହୁଛି ରାଜା ରତନ ସିଂହଙ୍କ ମୃତ୍ୟୁ ପରେ ନିଆଁରେ ଝାସ ଦେଇ ମୃତ୍ୟୁବରଣ କରିଥିଲେ ରାଣୀ ପଦ୍ମାବତୀ । କିନ୍ତୁ ଫିଲ୍ମର ଟ୍ରେଲରରେ ଆଲ୍ଲାଉଦିନ ଖିଲିଜଙ୍କ ସହ ପଦ୍ମାବତୀଙ୍କ ରୋମାନ୍ସ ଦେଖିବାକୁ ମିଳିଛି । ଯାହାକୁ ନେଇ ତାତି ଉଠିଛନ୍ତି ରାଜପୁତ ସଂଗଠନ ଗୁଡିକ ।