ଗତକାଲି ଆନ୍ଧ୍ରପ୍ରଦେଶରେ ଆକାଶରୁ ମାଛ ବର୍ଷାର ଖବର ସାମ୍ନାକୁ ଆସିଥିଲା । କିନ୍ତୁ ଆଜି ଏଭଳି ଏକ ଖବର ସାମ୍ନାକୁ ଆସିଛି ଯାହା ଜାଣିଲେ ଆପଣ ମଧ୍ୟ ଭାବିବେ କି ମୁଁ ସେହି ସ୍ଥାନରେ ଉପସ୍ଥିତ ଥାନ୍ତି କି? କିନ୍ତୁ ସେଠାକୁ ଯିବା ପାଇଁ ଆପଣଙ୍କୁୂ ପାସପୋର୍ଟ ଓ ଭିସାର ଆବଶ୍ୟକତା ପଡିଥାନ୍ତା । ଏଭଳି କଥା ଆମେ ଏଥିପାଇଁ କହୁଛୁ କାରଣ ଆକାଶରୁ ମାଛ ବର୍ଷା ପରି ହଂକଂ ସହରରେ ଆକାଶରୁ ଟଙ୍କାର ବର୍ଷା ହୋଇଛି । ଜଣେ କୋଟିପତି ଯୁବକ ଜନଗହଳିପୂର୍ଣ୍ଣ ସ୍ଥ୍ାନରେ ଏଭଳି ଟଙ୍କାର ବର୍ଷା କରିଛନ୍ତି । ଯାହା କିଛି ସମୟ ପାଇଁ ସେଠାରେ ଲୋକଙ୍କୁ ତାଜୁବ କରି ଦେଇଛି । ଆଉ ଆକାଶରୁ ଏହି ଟଙ୍କା ଉଡିବାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି । କାରଣ ଟଙ୍କା ଉଡାଇଥିବା ଯୁବକ ନିଜେ ଏହାର ଫେସବୁକ ଲାଇଭ କରିବା ପରେ ଏହା ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଭିଡିଓ ଅନୁଯାୟୀ, ହଂକଂ ସହରର ୨୪ ବର୍ଷିୟ କୋଟିପତି ଯୁବକ ୱଙ୍ଗ ଚିଙ୍ଗ କିଟ୍ ଏକ ଜନଗହଳିପୂର୍ଣ୍ଣ ସ୍ଥାନରେ ନିଜର ମହଙ୍ଗା କାରରୁ ଓହ୍ଲାଇବା ପରେ ଫେସବୁକ ଲାଇଭ ଆରମ୍ଭ କରିଥିଲେ । ଏହାପରେ ଲୋକଙ୍କୁ କିଛି ସୂଚନା ଦେବା ପରେ ଆକାଶରୁ ଉଡିଥିଲା ଲକ୍ଷ ଲକ୍ଷ ଟଙ୍କା । ଯାହାକୁ ନେବା ପାଇଁ ଲୋକ ମାନଙ୍କ ମଧ୍ୟରେ ଚାଲିଥିଲା ପ୍ରତିଯୋଗିତା । ଏକ ରିପୋର୍ଟ ଅନୁଯାୟୀ, ଯୁବକ ଜଣକ ଭାରତୀୟ ମୁଦ୍ରାରେ ପାଖାପାଖି ୧୮ ଲକ୍ଷ ଟଙ୍କା ଏକ ଉଚ୍ଚ ମହଲାରୁ ଉଡାଇ ଦେଇଥିଲେ ।
ତେବେ ଏହି ଘଟଣା ପରେ ସଙ୍ଗେ ସଙ୍ଗେ ଉକ୍ତ ଯୁବକଙ୍କୁ ଗିରଫ କରିଥିଲା ପୋଲିସ । ତେବେ ୱଙ୍ଗଙ୍କୁ ଏତେ ଟଙ୍କା ଉଡାଇବାର କାରଣ ପଚାରିବାରୁ ସେ କହିଛନ୍ତି, ଏତେ ଟଙ୍କା ସେ କ୍ରିପ୍ଟୋ କରେନ୍ସି ବିଟକଏନ ମାଧ୍ୟମରେ ଜିତିଥିଲେ । ଖାସକରି ଧନୀଙ୍କୁ ଲୁଟ୍ କରି ଗରିବଙ୍କୁ ସେ ଏହି ଟଙ୍କା ସାହାଯ୍ୟ କରିବାକୁ ଚାହୁଁଛନ୍ତି ବୋଲି କହିଛନ୍ତି ୱଙ୍ଗ ।