କର୍ମଚାରୀଙ୍କୁ ଅଧିକ ସମୟ ଧରି ଖଟାଇପାରିବେନି କୌଣସି ବି ମାଲିକ: ଓଭର ଟାଇମ୍ କରାଇଲେ ଦେବାକୁ ପଡିବ ଧାର୍ଯ୍ୟ ଟଙ୍କାଠାରୁ ଦୁଇଗୁଣା ଦରମା
କର୍ମଚାରୀଙ୍କ ପାଇଁ ଖୁସି ଖବର । ଏଣିକି ଆପଣଙ୍କର ବିନା ସହମତି ତଥା ଲିଖିତ ଅନୁମତି ବିନା ଆପଣଙ୍କୁ କଂପାନୀରେ ଅଧିକ ସମୟ ଧରି ଖଟାଇପାରିବେ ନାହିଁ କୌଣସି ବି ମାଲିକ । ଯଦି କୌଣସି କର୍ମଚାରୀ ଓଭର ଟାଇମ୍ କରନ୍ତି ତେବେ ତାଙ୍କୁ ତାଙ୍କ ଦରମାର ଦୁଇଗୁଣା କଂପାନୀକୁ ଦେବାକୁ ପଡିବ । ତେବେ ଖୁବ୍ ଶୀଘ୍ର ଏହି ନିୟମ ସାରା ଦେଶରେ ଲାଗୁ କରିବାକୁ ଯାଉଛନ୍ତି ମୋଦି ସରକାର ।
Kanak News is now on WhatsApp
Join and get latest news updates delivered to you via WhatsApp
ଯଦି ମୋଦି ସରକାରଙ୍କ ଏହି ପ୍ରସ୍ତାବ ଦେଶରେ ଲାଗୁ ହୋଇଯାଏ ତେବେ କଂପାନୀ ତଥା ବିଭିନ୍ନ ସଂସ୍ଥାମାନଙ୍କରେ କାମ କରୁଥିବା କର୍ମଚାରୀଙ୍କର ଲିଖିତ ମଂଜୁରୀ ବିନା ସେମାନଙ୍କୁ କଂପାନୀରେ ଓଭରଟାଇମ ଖଟାଇପାରିବେ ନାହିଁ । ଖାଲି ଏତିକି ନୁହେଁ ଯଦି କୌଣସି କର୍ମଚାରୀ ଓଭରଟାଇମ କରନ୍ତି ତେବେ ତାଙ୍କୁ ଉକ୍ତ ଅବଧି ପାଇଁ ଦୁଇଗୁଣା ପାରିଶ୍ରମିକ କଂପାନୀକୁ ଦେବାକୁ ପଡିବ ।
ପେସାଗତ ସୁରକ୍ଷା, ସ୍ୱାସ୍ଥ୍ୟ ଏବଂ କାର୍ଯ୍ୟଦଶା ଉପରେ ସଂହିତା ୨୦୧୯ରେ ଏହି ପ୍ରସ୍ତାବ କରାଯାଇଛି କି ଯଦି କୌଣସି କର୍ମଚାରୀଙ୍କ ସହ ଓଭର ଟାଇମ କରାଯାଉଛି ତେବେ ତାଙ୍କୁ ଏହି ଅବଧି ପାଇଁ ଦୁଇଗୁଣା ମଜୁରୀ ତଥା ଦରମା ଦିଆଯିବା ଉଚିତ । ଏଥିରେ ବେସିକ୍ ପେ, ମହଙ୍ଗା ଭତ୍ତା ଏବଂ ରିଟେନ୍ସନ ପେ ମଧ୍ୟ ସାମିଲ ରହିବ । ଏସଂପର୍କରେ ଏକ ବିଲ୍ କେନ୍ଦ୍ରୀୟ ଶ୍ରମ ତଥା ରୋଜଗାର ମନ୍ତ୍ରୀ ସନ୍ତୋଷ କୁମାର ଗଙ୍ଗୱାର ଗତ ସପ୍ତାହରେ ଉପସ୍ଥାପିତ କରିଛନ୍ତି । ଯେଉଁଥିରେ ପ୍ରସ୍ତାବ ରହିଛି କି, ନିଯୁକ୍ତିକର୍ତ୍ତା କୌଣସି ବି କର୍ମଚାରୀଙ୍କ ବିନା ତାଙ୍କର ଲିଖିତ ଅନୁମତିରେ ତାଙ୍କୁ ଓଭର ଟାଇମ କରାଇପାରିବେ ନାହିଁ ।
ନ୍ୟାସନାଲ ଷ୍ଟାଟେଷ୍ଟିକାଲ ଅଫିସ ତଥା ଏନଏସଓର ପିରିୟଡିକ୍ ଲେବର ଫୋର୍ସ ସର୍ଭେ ୨୦୧୭-୧୮ ମୁତାବକ, ଦେଶରେ ଅଧିକାଂଶ କର୍ମଚାରୀ ସପ୍ତାହରେ ୪୮ ଘଂଟାରୁ ଅଧିକ କାମ କରିଥାନ୍ତି , ଯାହା କି ଅନ୍ତରାଷ୍ଟ୍ରୀୟ ଶ୍ରମ ସଂଗଠନ ଦ୍ୱାରା ନିର୍ଧାରିତ ସମୟ ସୀମାରୁ ଅଧିକ ଅଟେ । ସର୍ଭେ ମୁତାବକ, ବେତନଭୋଗୀ ତଥା ନିୟମିତ କର୍ମଚାରୀ ସପ୍ତାହରେ ୫୩ରୁ ୫୬ ଘଂଟା ପର୍ଯ୍ୟନ୍ତ କାମ କରିଥାନ୍ତି । ଏପ୍ରକାରର ସ୍ୱରୋଜଗାରରେ ଲାଗିଥିବା ଲୋକ ସପ୍ତାହରେ ୪୬ରୁ ୫୪ ଘଂଟା ଏବଂ କାଜୁଆଲ ୱାର୍କର ୪୩ରୁ ୪୮ ଘଂଟା ପର୍ଯ୍ୟନ୍ତ କାମ କରିଥାନ୍ତି ।
ତେବେ ଏହି ବିଲର ଫର୍ମାଟକୁ ଗତ ବର୍ଷ ଜନତାଙ୍କ ମତାମତ ପାଇଁ ସାର୍ବଜନୀକ କରାଯାଇଥିଲା । ଯେଉଁଁଥିରେ କୁହାଯାଇଥିଲା କି, ଗୋଟିଏ ଦିନରେ କର୍ମଚାରୀଙ୍କୁ ୧୦ ଘଂଟାରୁ ଅଧିକ କାମ କରାଇପାରିବେ କୌଣସି ବି ମାଲିକ ବା କଂପାନୀ ହେଲେ ବର୍ତ୍ତମାନର ଏହି ବିଲରେ ଏଭଳି କୌଣସି ନିୟମକୁ ସାମିଲ କରାଯାଇନାହିଁ ।