‘ପଦ୍ମାବତୀ’ ସିନେମା ରିଲିଜ୍ ଉପରେ ଲାଗିବନି ରୋକ୍ ! ଚଳିତ ମାସରେ ତୃତୀୟ ଥର ପାଇଁ କଟକଣା ଆବେଦନକୁ ଖାରଜ କଲେ ସୁପ୍ରିମକୋର୍ଟ
ବହୁଚର୍ଚ୍ଚିତ ବଲିଉଡ୍ ସିନେମା ‘ପଦ୍ମାବତୀ’ ରିଲିଜ୍ ଉପରେ ଲାଗିବନି ରୋକ୍ । ଏ ନେଇ ହୋଇଥିବା ଆବେଦନକୁ ଖାରଜ କରିଛନ୍ତି ସୁପ୍ରିମକୋର୍ଟ । ଚଳିତ ମାସରେ ତୃତୀୟ ଥର ପାଇଁ ‘ପଦ୍ମାବତୀ’ ସିନେମା ଉପରେ କଟକଣା ଆବେଦନକୁ ଖାରଜ କରିଛନ୍ତି ସର୍ବୋଚ୍ଚ ଅଦାଲତ । ଏହାସହ କେନ୍ଦ୍ର ସରକାର ଓ ରାଜ୍ୟର ମୁଖ୍ୟମନ୍ତ୍ରୀମାନଙ୍କୁ ମଧ୍ୟ ସୁପ୍ରିମକୋର୍ଟ ତାଗିଦ କରିଛନ୍ତି । ପଦ୍ମାବତୀ ସିନେମାକୁ ନେଇ ହେଉଥିବା ବୟାନବାଜିକୁ ନିୟନ୍ତ୍ରଣ କରୁନଥିବାରୁ ମୁଖ୍ୟମନ୍ତ୍ରୀମାନଙ୍କ ଉପରେ କୋର୍ଟ ଅସନ୍ତୋଷ ଜାହିର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସରକାରୀ ତଥା ଉଚ୍ଚ ପଦପଦବୀରେ ଥିବା ବ୍ୟକ୍ତିବିଶେଷଙ୍କୁ ଏହି ପ୍ରସଙ୍ଗରେ ବିବାଦୀୟ ବୟାନ ନଦେବାକୁ ମଧ୍ୟ ପରାମର୍ଶ ଦେଇଛନ୍ତି କୋର୍ଟ । କାରଣ ଏହା ସେନସର ବୋର୍ଡ ଉପରେ ମାନସିକ ସ୍ତରରେ ପ୍ରଭାବ ପକାଇବ । ଏହା ସହ ଯେଉଁମାନେ ସିନେମା ନଦେଖି ବୟାନବାଜି କରୁଛନ୍ତି ସେମାନଙ୍କୁ ମଧ୍ୟ ଭର୍ତ୍ସନା କରିଛନ୍ତି ସୁପ୍ରିମକୋର୍ଟ । ସୂଚନାଯୋଗ୍ୟ ସିନେମା ଜରିଆରେ ରାଜପୁତ ଇତିହାସକୁ ବିକୃତ କରାଯାଇଛି, ବୋଲି ବାରମ୍ବାର ଅଭିଯୋଗ ହେଉଛି । ଆଉ ଏଥିପାଇଁ ଜାରି ରହିଛି ବିବାଦ । ତେବେ ଏଇଠି ପ୍ରଶ୍ନ ଉଠୁଛି ସିନେମା ଦେଖିବା ପୂର୍ବରୁ ଏପରି ବୟାନବାଜୀ କେତେ ଦୂର ଠିକ ।