ଖାପ ପଞ୍ଚାୟତ ଉପରେ ସୁପ୍ରିମକୋର୍ଟଙ୍କ କଡ଼ା ନିଷ୍ପତ୍ତି ! କୁପ୍ରଥାକୁ ଅବୈଧ ଘୋଷଣା କଲେ ସର୍ବୋଚ୍ଚ ନ୍ୟାୟାଳୟ
କନକ ବ୍ୟୁରୋ : ଖାପ ପଞ୍ଚାୟତ ନେଇ ସୁପ୍ରିମକୋର୍ଟ ଆଜି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି । ଖାପ ପଞ୍ଚାୟତକୁ ଅବୈଧ ଘୋଷଣା କରିଛନ୍ତି ସର୍ବୋଚ୍ଚ କୋର୍ଟ । ଏହାସହ ଅନର କିଲିଂକୁ ବର୍ବର ତଥା ଲଜ୍ଜାଜନକ ମଧ୍ୟ କହିଛନ୍ତି । ଯଦି କୌଣସି ଯୁବକ-ଯୁବତୀ ବିବାହ କରିବା ପାଇଁ ଚାହାନ୍ତି , ତେବେ ତାଙ୍କୁ କେହି ବି ରୋକି ପାରିବେ ନାହିଁ । ଯଦି ସେମାନେ ବିବାହ କରିବା ପାଇଁ ଚାହାନ୍ତି ସମାଜ, କୌଣସି ବ୍ୟକ୍ତି ତାଙ୍କୁ ପ୍ରଶ୍ନ କରିପାରିବେ ନାହିଁ । ସୁପ୍ରିମକୋର୍ଟ ଏନଜିଓ ଶସକ୍ତିକରଣ ସଂଗଠନ ଉପରେ ଶୁଣାଣି କରୁଛନ୍ତି । ଯେଉଁଠି ଅନର କିଲିଂ ପରି ମାମଲା ଉପରେ ରୋକ ଲଗାଇବା ପାଇଁ ଗାଇଡ଼ଲାଇନ୍ ତିଆରି କରିବା ପାଇଁ ଦାବି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ ବିଚାରପତି ଦୀପକ ମିଶ୍ର ଅଧ୍ୟକ୍ଷତାରେ ବେଂଚ ଏହି ନିଷ୍ପତ୍ତି ଉପରେ କେନ୍ଦ୍ର କିଛି ପଦକ୍ଷେପ ନେବା ଉଚିତ ବୋଲି କହିଛନ୍ତି । ବେଂଚ ଅନୁସାରେ ଏପରି ମାଲା ସମ୍ପୂର୍ଣ୍ଣ ଅବୈଧ । ଏହାକୁ ତତ୍କାଳ ବନ୍ଦ କରିବା ଦରକାର । ବୃଥା ସ୍ୱାଭିମାନ ଦେଖାଇ ଅନେକ ନୀରିହ ଜୀବନ ଯାଇଛି । ପ୍ରକୃତକଥା ହେଲା ଏକ ବର୍ବର ହତ୍ୟା ଅଟେ । ଆଉ ଏପରି କୁପ୍ରଥାକୁ ରୋକିବା ପାଇଁ ପ୍ରଶାସନିକ ଅଧିକାରୀ ଓ ପୁଲିସ ଅଧକାରୀ ଅଧିକ ସଚେତନ ହେବା ଜରୁରୀ । ଏହି ନିଷ୍ପତ୍ତିକୁ ସବୁ ରାଜ୍ୟ ଓ କେନ୍ଦ୍ର ଶାସିତ ଅଂଚଳର ଗୃହ ସଚିବ ଓ ଅଡ଼୍ୟ ବଡ଼ ଅଧିକାରୀଙ୍କୁ ପଠାଇବା ଜରୁରୀ ।
ସୂଚନାଯୋଗ୍ୟ ୧୫୦୦ ବର୍ଷ ପୁରୁଣା ଅଟେ ଏହି ଖାପ ପଂଚାୟତ । ବିଶେଷତଃ ହରିୟାନଣାରେ ଏହି ପ୍ରଥା ଅଧିକ ସକ୍ରିୟ । ଖାପ ପଂଚାୟତ ଯୋଗୁଁ ଅନର କିଲିଂ, ନିଅାଁପଣି ବନ୍ଦ ଓ ଗାଁରୁ ବାସନ୍ଦ ଆଦି ଆଦେଶ ଦିଆଯାଏ । ଏପରି ଅମାନବୀୟ କାର୍ଯ୍ୟକୁ ବିରୋଧ କରି ସୁପ୍ରିକକୋର୍ଟ ଏହାକୁ ଅବୈଧ ଘୋଷଣା କରିଛନ୍ତି ।