ଯାତ୍ରୀଙ୍କ ସୁରକ୍ଷାରେ ଚରମ ଅବହେଳା ! ପୁରୀ ମାଳତିପଡାରେ ଗେଟ୍ ନପଡି ହଠାତ୍ ଚାଲିଆସିଲା ତପସ୍ୱିନୀ ଏକ୍ସପ୍ରେସ୍, ଅଳ୍ପକେ ବର୍ତ୍ତିଗଲେ ବୃଦ୍ଧ
କନକ ବ୍ୟୁରୋ : ଫାଟକ ଖୋଲା ରହିଛି ଆଉ ଅତିକ୍ରମ କରୁଛି ଟ୍ରେନ୍ । ଏପରି କିଛି ଘଟିଛି ପୁରୀ ମାଳତିପଡା ଖୋଲା ଫାଟକରେ । ଲୋକଙ୍କ ଜୀବନକୁ ଫୁ କରି ଦେଇ ଅତି ବେପରୁଆ ଭାବେ ରେଳ ଫାଟକଟିକୁ ଖୋଲା ଛାଡି ଦିଆଯାଇଛି । ଅଥଚ ଏହି ସମୟରେ ଅତିକ୍ରମ କରୁଛି ଦ୍ରୁତଗ୍ରାମୀ ଟ୍ରେନ ତପସ୍ୱିନୀ ଏକ୍ସପ୍ରେସ୍ । ଟ୍ରେନ ଆସିବା ପୂର୍ବରୁ ରେଳ ଫାଟକରେ ଥିବା କର୍ମଚାରୀ ସଂକେତ ଦେବା କଥା । ହେଲେ ଏସବୁ ନୀତି ନିୟମକୁ ଉଲଂଘନ କରି ଟ୍ରେନ ଯିବା ସମୟରେ ଗେଟ୍ କିଭଳି ଖୋଲା ଛାଡି ଦିଆଗଲା ତାହା ବଡ ପ୍ରଶ୍ନବାଚୀ ସୃଷ୍ଟି କରିଛି । ସେପଟେ ଫାଟକ ନପଡି ଟ୍ରେନ ଚାଲିବା ଘଟଣାକୁ ଗୁରୁତର ସହ ନେଇଛି ପୂର୍ବତଟ ରେଳ ବାଇ । ଏହି ଘଟଣାରେ ପୁରୀ ଡିଆରଏମଙ୍କୁ କାରଣ ଦର୍ଶାଅ ନୋଟିସ୍ ଜାରି କରିବା ସହ ତଦନ୍ତ ନିର୍ଦ୍ଦେଶ ଦେଇଛି ଇଷ୍ଟକୋଷ୍ଟ ରେଲୱେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ପୁରୀ ମାଳତିପଡାର ଜଗୁଆଳି ଥିଲେ କି ଜଗୁଆଳିବିହୀନ ଫାଟକ ପାଇଁ ଏପର ଘଟଣା ଘଟିଛି ତାହାର ପ୍ରଶ୍ନ ଉଠିଛି । ବିଭିନ୍ନ ସମୟରେ ଜଗୁଆଳିବିହୀନ ଫାଟକ ଦୁର୍ଘଟଣାର ଶିକାର ହେଉଛନ୍ତି ଲୋକେ । ଯାହାଦ୍ୱାରା ବ୍ୟାପକ ଜନଜୀବନ କ୍ଷୟକ୍ଷତି ହେଉଛି । ଗୋଟିଏ ପଟେ ପୂର୍ବତଟ ରେଳପଥ ସମସ୍ତ ଜଗୁଆଳିବିହୀନ ଫାଟକକୁ ଉଚ୍ଛେଦ କରିବା ପାଇଁ ଚେଷ୍ଟା ଜାରି ରଖି ଗତ ବର୍ଷ ବେଶ୍ କିଛି ଜଗୁଆଳି ବିହୀନ ଫାଟକକୁ ବନ୍ଦ କରିଥିଲା । ଯେଉଁ ସବୁ ସ୍ଥାନରେ ମାନବବିହୀନ ଲେବଲ କ୍ରସିଂ ଅଛି, ସେଠାରେ ରାସ୍ତା ପରିବର୍ତ୍ତନର ମାର୍ଗ ଜଗୁଆଳୀ ଓ ମାଟତଳ ବ୍ରିଜର କନ୍ଦୋବସ୍ତ କରାଯାଇଥିଲା । ହେଲେ ସବୁସ୍ଥାନରେ କିନ୍ତୁ ଏସବୁ ସୁବିଧା ହୋଇପାରନାହଁ ।