ବିନା କୌଣସି ‘କଟ’ରେ ରିଲିଜ୍ ହେବ ପଦ୍ମାବତୀ ! ସିନେମାରେ ହୋଇପାରେ ୫ ପରିବର୍ତ୍ତନ
ଥମୁନି ପଦ୍ମାବତୀ ବିବାଦ । କେତେବେତେ ଗୀତକୁ ନେଇ ତ କେତେବେଳେ ଐତିହାସିକ ସଂପୃକ୍ତିକୁ ନେଇ ଆଉ କେତେବେଳେ ନାମକୁ ନେଇ । ତେବେ ସଦ୍ୟ ସୂଚନା ଅନୁସାରେ ସିନେମାରରେ ନାଁକୁ ପରିବର୍ତ୍ତନ କରି ପଦ୍ମାବତ କରାଯାଇଛି । ତେବେ ଏହା କେତେ ଦୂର ସତ ତାହା ସମୟ ଆସିଲେ ଜଣାପଡ଼ଇବ । ତେବେ ବର୍ତ୍ତମାନ ସମୟରେ ସଞ୍ଜୟ ଲୀଲା ଭନସାଲୀଙ୍କ ସିନେମା ପଦ୍ମାବତୀ ରିଲିଜ ହେବାର ରାସ୍ତା ଧୀରେ ଧୀରେ ପରିସ୍ମାର ହେଉଛି । କାରଣ ସେନସର ବୋର୍ଡ଼ର ଏକ କମିଟି ସିନେମାକୁ ଦେଖିବା ପରେ ନିଷ୍ପତ୍ତି ନେଇଛନ୍ତି, ସିନେମାରେ କିଛି ଜରୁରୀ ପରିବର୍ତ୍ତନ କରିବେ । ଏବେ ପର୍ଯ୍ୟନ୍ତ ସେନସର ବୋର୍ଡ଼ ସିନେମା ପାଇଁ କୌଣସି କଟ୍ ପାଇଁ ନିର୍ଦ୍ଦେଶ ଦେଇନାହାନ୍ତି । ଏହି ସିନେମାରେ ହେବ କେବଳ ୫ଟି ପରିବର୍ତ୍ତନ । ସୂଚନାଯୋଗ୍ୟ ଏହା ପୂର୍ବରୁ ଖବର ଆସିଥିଲା ସେନସର ବୋର୍ଡ଼ ସିନେମାରୁ ୨୬ଟି କଟ୍ ପାଇଁ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ସେନସର ବୋର୍ଡ଼ ଅଧ୍ୟକ୍ଷ ପ୍ରଶୁୁନ ଯୋଶୀଙ୍କ ବୟାନ ପରେ ସ୍ପଷ୍ଟ ହେଉଛି ସିନେମା ବିନା କଟରେ ହିଁ ପାସ୍ ହୋଇଛି । ତେବେ ସୂଚନା ଅନୁସାରେ ସିନେମାରେ ୫ଟି ଜରୁରୀ ପରିବର୍ତ୍ତନ କରାଯିବ । ପ୍ରଥମ ହେଲା ସିନେମାର ନାମକୁ ନେଇ । ଆଉ ସିନେମାର ଡିକ୍ଲାରେସନରେ ଲେଖିବା ପାଇଁ ପାଇଁ ପଡ଼ିବ, ଏହି ସିନେମା କୌଣସି ଐତିହାସିକ ସଂପୃ୍ତିକୁ ଦାବି କରିବ ନାହିଁ । ଏହା ବ୍ୟତୀତ ଘୁମର ଗୀତରେ ମଧ୍ୟ ପରିବର୍ତ୍ତନ ହୋଇପାରେ । ଆଉ କିଛି ଏପରି ପରିବର୍ତ୍ତନ ହୋଇପାରେ । ତେବେ ଆଜିଯାଏ ପଦ୍ମାବତୀ ସିନେମାର ରିଲିଜ ତାରିଖ ଘୋଷଣା ହୋଇନାହିଁ ।