ରାଷ୍ଟ୍ରପତି ଭବନରେ ଆୟୋଜିତ ନୀତି ଆୟୋଗ ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ନ ଦେବା ନେଇ ନବୀନଙ୍କୁ ବିରୋଧୀଙ୍କ ହମଲା । ପିସିିସି ସଭାପତି ନିରଞ୍ଜନ ପଟ୍ଟନାୟକଙ୍କ ଠାରୁ ଆରମ୍ଭ କରି ବିଜେପି ନେତା ତଥା କେନ୍ଦ୍ର ମନ୍ତ୍ରୀ ଜୁଏଲ ଓରାମ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି । ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ଯେ, ବର୍ତ୍ତମାନ ମୁଖ୍ୟମନ୍ତ୍ରୀଙ୍କ ନୀତି ଅସ୍ପଷ୍ଟ ବୋଲି ଜଣାପଡୁଛି । କାରଣ ସଂଘୀୟ ଗଣତନ୍ତ୍ର ବ୍ୟବସ୍ଥାରେ ଯୋଗ ନ ଦେବା କ’ଣ ଠିକ କଲେ ନବୀନ ବୋଲି ପ୍ରଶ୍ନ କରିଛନ୍ତି ନିରଞ୍ଜନ? ଏହାସହ ଓଡିଶାରେ ହେଉଥିବା ସମସ୍ୟାକୁ ଉପସ୍ଥାପନା କରିବା ପାଇଁ ଏହା ଠାରୁ ବଡ ସୁଯୋଗ ମିଳିବ ନାହିଁ ପିସିସି ସଭାପତି ମତ ରଖିଛନ୍ତି । ଗତ ବର୍ଷ ବୈଠକରେ ଯୋଗ ଦେଇଥିଲେ ,ହେଲେ ଏବର୍ଷ କାହିଁକି ଗଲେନି ଏକଥା ଅସ୍ପଷ୍ଟ । ଅନେକ କେନ୍ଦ୍ର ବିରୋଧୀ ମୁଖ୍ୟମନ୍ତ୍ରୀମାନେ ମାନେ ବୈଠକରେ ଯୋଗ ଦେଇଛନ୍ତି । କିନ୍ତୁ ମୁଖ୍ୟମନ୍ତ୍ରୀ ନୀତି ଆୟୋଗର ଏହି ବୈଠକକୁ ଗଲେନି, ଯଦି ବୈଠକୁ ଯାଇଥାନ୍ତେ ତେବେ ଓଡିଶା ପାଇଁ ଲାଭ ହୋଇଥାନ୍ତା ବୋଲି କହିଛନ୍ତି ନିରଞ୍ଜନ ।
Kanak News is now on WhatsApp
Join and get latest news updates delivered to you via WhatsApp
ସେପଟେ କେନ୍ଦ୍ରମନ୍ତ୍ରୀ ଜୁଏଲ ଓରାମ ମଧ୍ୟ ନବୀନଙ୍କୁ ନୀତି ଆୟୋଗର ପାଠ ପଢ଼ାଇ ବୈଠକରେ ଯୋଗ ନଦେବା କାରଣରୁ ନବୀନଙ୍କୁ ସମାଲୋଚନା କରିଛନ୍ତି । ଜୁଏଲ କହିଛନ୍ତି ସମ୍ବିଧାନର ଶପଥ ନେଇଛନ୍ତି ମୁଖ୍ୟମନ୍ତ୍ରୀ, ହେଲେ ସାମ୍ବିଧାନିକ ଦାୟିତ୍ୱ ଭୁଲି ଦଳୀୟ କାର୍ଯ୍ୟରେ ମନ ବଳାଉଛନ୍ତି ବୋଲି ଅଭିଯୋଗ କରିଛନ୍ତି ଜୁଏଲ । ବର୍ତ୍ତମାନ ଓଡିଶା ଅରାଜକତା ମୁହାଁ ହୋଇଛି । ଗାଁରେ ଯେଉଁଭଳି ନକ୍ସଲ ପୋଲିସକୁ ଛାଡୁ ନାହାଁନ୍ତି , ଭୋଟ ବର୍ଜନ କରୁଛନ୍ତି ସେହିଭଳି ନୀତି ଆୟୋଗ ବୈଠକ, ଆୟୁଷ୍ମାନ ଯୋଜନାକୁ ବୟକଟ୍ କରିଛନ୍ତି ମୁଖ୍ୟମନ୍ତ୍ରୀ ବୋଲି ଅଭିଯୋଗ କରିଛନ୍ତି କେନ୍ଦ୍ରମନ୍ତ୍ରୀ ଜୁଏଲ ଓରାମ । ଏବଂ ଏହାକୁ ନେଇ ମୁଖ୍ୟମନ୍ତ୍ରୀ ସ୍ପଷ୍ଟୀକରଣ ରଖନ୍ତୁ ବୋଲି ଜୁଏଲ କହିଛନ୍ତି ।
ତେବେ ବିରୋଧୀଙ୍କ ପ୍ରଶ୍ନବାଣଙ୍କୁ ବିଜେଡି ମଧ୍ୟ କଡା ଜବାବ ମିଳିଛିି । ବିଜେଡି ମୁଖପାତ୍ର ପ୍ରତାପ ଦେବ କହିଛନ୍ତି ଯେ, ଜରୁରୀ କାର୍ଯ୍ୟ ଯୋଗୁଁ ମୁଖ୍ୟମନ୍ତ୍ରୀ ନୀତି ଆୟୋଗ ବୈଠକକୁ ଯାଇ ପାରି ନାହିଁନ୍ତି । ଏନେଇ ଲିଖିତ ଆକାରରେ ଆମ ତରଫରୁ ଜଣାଇ ଦିଆଯାଇଛି ବୋଲି ପ୍ରତାପ ଦେବ ସମ୍ବାଦିକ ସମ୍ମିଳନୀରେ ପ୍ରତିକ୍ରିୟା ରଖିଛନ୍ତି । ଜୁଏଲଙ୍କ ପ୍ରଶ୍ନର ଉତ୍ତର ରଖି ବିଜେଡି ମୁଖପାତ୍ର ପ୍ରତାପ ଦେବ କେନ୍ଦ୍ର ଉପରେ ପାଲଟା ଆକ୍ରମଣ କରିଛନ୍ତି । ପ୍ରତାପ ଦେବ ଆୟୁଷ୍ମାନ ଯୋଜନାକୁ ନେଇ କହିଛନ୍ତି ଯେ, ଓଡ଼ିଶାର ୯ ଲକ୍ଷ ଲୋକଙ୍କୁ ଏହି ଯୋଜନାରୁ ବାଦ ଦିଆଯାଇଛି । ଏଥିପାଇଁ କେନ୍ଦ୍ର ସରକାରଙ୍କୁ ଯୋଜନାରେ ସଂଶୋଧନ ପାଇଁ କୁହାଯାଇଥିବା ସେ କହିଛନ୍ତି । ତେବେ ଅଭିଯୋଗ ପରେ ବି ଯୋଜନାରେ କେନ୍ଦ୍ର ସରକାର ସଂଶୋଧନ ନକରିବାରୁ ଓଡ଼ିଶା ଏଥିରୁ ଓହରି ଆସିଥିବା ପ୍ରତାପ ଦେବ କହିଛନ୍ତି । ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ଏକ ଆସ୍ୟୁରାନ୍ସ ଯୋଜନା ଯାହା ସମୟ ସାପେକ୍ଷ କରାଯାଇଛି । ଏହି ଯୋଜନା ଦ୍ୱାରା ଲୋକଙ୍କୁ ସିଧା ସଳଖ ଅର୍ଥ ସହାୟତା ମିଳିବ । ଏବଂ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସହର ଏବଂ ଗ୍ରାମଞ୍ଚଳ ପାଇଁ ସମାନ ଭାବେ କାର୍ଯ୍ୟ କରିବ । ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା କେନ୍ଦ୍ରର ଆୟୁଷ୍ମାନ ଯୋଜନା ପରି ଇଂସ୍ୟୁରାନ୍ସ ଯୋଜନା ନୁହେଁ ବୋଲି କହିଛନ୍ତି ବିଜେଡି ମୁଖପାତ୍ର ପ୍ରତାପ ଦେବ । ତେବେ ରାଜନୀତି ପାଣି ଏଭଳି ପ୍ରସଙ୍ଗରେ ଗୋଳମାଳିଆ ହେଉଥିବାବେଳେ ପ୍ରକୃତରେ ରାଜ୍ୟବାସୀ କାହା ଦ୍ୱାରା ଉପକୃତ ହେବେ ତାହା ଏବେବି ପ୍ରଶ୍ନ ଘେରରେ ।