ସିବିଆଇକୁ ଖାତିର କଲେ ନାହିଁ ପିଏନବି ମହାଘୋଟାଲାର ମହାଠକ ନିରଭ ମୋଦି ! କହିଲେ, ବ୍ୟସ୍ତ ଅଛି, ଏବେ ଭାରତ ଯାଇପାରିବି ନାହିଁ
କନକ ବ୍ୟୁରୋ : ପିଏନବି ମହାଘୋଟାଲାର ମହାଠକ ନିରଭ ମୋଦି ଏବେ ଖୁବ ବ୍ୟସ୍ତ । ଭାରତ ଆସିବାକୁ ତାଙ୍କ ପାଖରେ ସମୟ ନାହିଁ । ଏଭଳି କଥା ଖୋଦ ନିରଭ କହିଛନ୍ତି । ଭାରତୀୟ ଲୋକମାନଙ୍କ କଷ୍ଟଲବ୍ଧ ଅର୍ଥକୁ ଠକିନେବା ପରେ ଏବେ ଭାରତର ଆଇନକୁ ଚ୍ୟାଲେଞ୍ଜ କରିଛି ମହାଠକ ନିରଭ ମୋଦି । ବାରମ୍ବାର ସମନ ସତ୍ତ୍ୱେ ସିବିଆଇ ଆଗରେ ହାଜର ହେବାକୁ ମନା କରିଦେଇଛି । ତାହାର ଇମେଲ ଆଇଡିକୁ ସିବିଆଇ ପକ୍ଷରୁ ପଠାଯାଇଥିବା ସମନକୁ ମାନିନାହିଁ । ସିବିଆଇର ଜଣେ ଅଧିକାରୀ କହିଛନ୍ତି ଯେ ନିରଭ ମୋଦିଙ୍କ ଇମେଲ୍ ଆଇଡିକୁ ଏକ ମେଲ୍ ପଠାଯାଇ ତାଙ୍କୁ ତଦନ୍ତ ପାଇଁ ହାଜିର ହେବାକୁ କୁହାଯାଇଥିଲା । କିନ୍ତୁ ବିଦେଶରେ ବ୍ୟବସାୟିକ କାମ ଅଛି କହି ସେ ଆସିବାକୁ ମନାକରିଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଜବାବ ଆସିବା ପରେ ସିବିଆଇ ପକ୍ଷରୁ ତାକୁ ଆଉ ଏକ ମେଲ୍ ଲେଖାଯାଇ ଯଥାଶୀଘ୍ର ନିକଟସ୍ଥ ଭାରତୀୟ ଦୂତାବାସରେ ରିପୋର୍ଟ କରିବାକୁ କୁହାଯାଇଛି । ଏହା ଦ୍ୱାରା ଭାରତ ଫେରିବା ପାଇଁ ବନ୍ଦୋବସ୍ତ କରାଯାଇପାରିବ ।
ସୂଚନାଯୋଗ୍ୟ ଯେ ନିରବ ମୋଦି ଓ ତାଙ୍କ ମାମୁଁ ବହୁ କୋଟି ଟଙ୍କାର ପିଏନବି ଠକେଇ ମାମଲା ଏବେ ୧୨ ହଜାର କୋଟି ଟଙ୍କା ଟପିଯାଇଛି । ପୂର୍ବରୁ ଏହି ଠକେଇ ପରିମାଣ ୧୧,୪୦୦ କୋଟି ଟଙ୍କାର ଥିବାବେଳେ ପିଏନବି ସ୍ୱୀକାର କରିଛି ଯେ ମୋଦି ଓ ତାଙ୍କ ମାମୁଁ ମେହୁଲ ଚୋକସୀ ଆଉ କେତେକ ଲେଟର ଅଫ ଅଣ୍ଡରଟେକିଂ (ଏଲଓୟୁ) ମାଧ୍ୟମରେ ଆହୁରି ୧୩ଶହ କୋଟି ଟଙ୍କା ଉଠାଣ କରିଛନ୍ତି । ଫଳରେ ଏହି ଠକେଇର ପରିମାଣ ପ୍ରାୟ ୧୨,୭୦୦ କୋଟି ଟଙ୍କା ଟପିଯାଇଛି । ଏହି ମାମଲାରେ ସିବିଆଇ ଏବେ ମାମୁଁ ଓ ଭଣଜାଙ୍କୁ ଖୋଜୁଛି ।