ଭୁବନେଶ୍ୱରରେ ଅନୁଭୂତି ବଖାଣିଲେ ଜାଭଲିନ୍ ତାରକା ନୀରଜ ଚୋପ୍ରା ! କହିଲେ ଓଡିଶାରୁ ମିଳିଥିବା ସମର୍ଥନ ଅଧିକ ଉତ୍ସାହିତ କରିଛି ।
କନକ ବ୍ୟୁରୋ : ଭାରତରେ ଜାଭଲିନ୍ ଥ୍ରୋ ଭଳି ଖେଳର ଲୋକପ୍ରିୟତା ନାହିଁ । ନୀରଜ ଚୋପ୍ରାଙ୍କ ସଫଳତା କିନ୍ତୁ ଏହାକୁ ଏକ ନୂଆ ଦିଶା ଦେଇଛି । ରାଜଧାନୀ ଭୁବନେଶ୍ୱରରେ ଆୟୋଜିତ ହୋଇଥିବା ଏକାମ୍ର ସ୍ପୋର୍ଟସ ଲିଟେରାରୀ ଫେଷ୍ଟିଭାଲରେ ଯୋଗ ଦେଇ ନିଜର ଆଗାମୀ ଲକ୍ଷ୍ୟ ବାବଦରେ କହିଛନ୍ତି ଜାଭଲିନ୍ ଷ୍ଟାର ନୀରଜ ଚୋପ୍ରା । ଗତବର୍ଷ ଭୁବନେଶ୍ୱରରେ ଆୟୋଜିତ ହୋଇଥିବା ଏସୀୟ ଦୌଡକୁଦ ସମୟରେ ମିଳିଥିବା ସମର୍ଥନ ତାଙ୍କୁ ଅଧିକ ଉତ୍ସାହିତ କରିଥିବା କହିଛନ୍ତି ନୀରଜ । ଦକ୍ଷିଣ ଆଫ୍ରିକା ଏବଂ ୟୁରୋପ ଗସ୍ତରେ ତାଲିମ ନେଇ ନିଜକୁ ପ୍ରସ୍ତୁତ କରି ଆସନ୍ତା ବର୍ଷ ସୁଦ୍ଧା ୯୦ ମିଟର୍ ଜାଭିଲିନ୍ ଫିଙ୍ଗିବା ଲକ୍ଷ୍ୟ ରଖିଥିବା ସେ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଲକ୍ଷ୍ୟରେ ପହଞ୍ଚିବା ପରେ ଆସନ୍ତା ୨୦୨୦ରେ ହୋବକୁ ଥିବା ଟୋକିଓ ଅଲିମ୍ପିକ୍ସରୁ ପଦକ ଜିତିବା ଆଶା କରିବି ବୋଲି କହିଥିଲେ ନୀରଜ। ତେବେ ଅଲମ୍ପିକ୍ସ ପାଇଁ ସେ ଏବେଠାରୁ ପ୍ରସ୍ତୁତି ଆରମ୍ଭ କରିଦେଇଥିବା କହିଛନ୍ତି । ପୂର୍ବରୁ ଥିବା ନିଜର ସମସ୍ତ ତ୍ରୁଟି ସୁଧାରି କିପରି ପ୍ରସ୍ତୁତ ହେବେ ସେନେଇ ସେ ବିଶେଷ ଗୁରୁତ୍ୱ ଦେଉଛନ୍ତି । ବିଶ୍ୱରେକର୍ଡକୁ ଭାଙ୍ଗିବା କଷ୍ଟସାଧ୍ୟ ହୋଇଥିଲେ ମଧ୍ୟ କଠିନ ପରିଶ୍ରମ ଦ୍ୱାରା କିପରି ଏହା ସମ୍ଭବ କରିହେବ ସେନେଇ ସେ ଚେଷ୍ଟିତ ହେବେ । ବର୍ତ୍ତମାନ ନୀରଜଙ୍କର ରେକର୍ଡ ୮୮ ମିଟର ରହିଥିବା ବେଳେ, ଆଗାମୀ ଅଲମ୍ପିକ୍ସ ସୁଦ୍ଧା ୯୦ ମିଟର ଜାଭଲିନ୍ ଫିଙ୍ଗିବା ଲକ୍ଷ୍ୟ ରଖିଥିବା ନୀରଜ କହିଛନ୍ତି ।