କନକ ଷ୍ଟୁଡିଓରେ ସିନେମା ‘ନିମକି’ ର ସୁଟିଂ! ସୁଟିଂ ସେଟରେ ଓଲିଉଡ୍ କ୍ୱିନ୍ ବର୍ଷାଙ୍କ ସହ ନଜର ଆସିଲେ ବାରବାଟୀ ବିଧାୟକ ।
ଓଲିଉଡରେ ଆରମ୍ଭ ହୋଇଯାଇଛି ‘ନିମକି’ଙ୍କ ଯାତ୍ରା । ମାନେ ଆଗାମୀ ଓଲିଉଡ ପଲିଟିକାଲ ଡ୍ରାମା ଫିଲ୍ମ ‘ନିମକି – ନିମପୁରରୁ ନବୀନ ନିବାସ’ର ଆରମ୍ଭ ହୋଇଯାଇଛି ସୁଟିଂ । ଫିଲ୍ମରେ ମୁଖ୍ୟ ଅଭିନେତ୍ରୀ ତଥା ଓଲିଉଡ୍ କ୍ୱିନ୍ ବର୍ଷା ପ୍ରିୟଦର୍ଶିନୀ ବେଶ୍ ଦମଦାର୍ ଚରିତ୍ରରେ ନଜର ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ଏକ ନାରୀ କୈନ୍ଦ୍ରିକ ଚଳଚ୍ଚିତ୍ର ହୋଇଥିବା ବେଳେ, ଏଥିରେ ମୁଖ୍ୟ ଭୂମିକାରେ ଅଭିନେତ୍ରୀ ବର୍ଷାଙ୍କୁ ଦେଖିବାକୁ ମିଳିବ । ଫିଲ୍ମକୁ ନେଇ ଦର୍ଶକଙ୍କ ଭିତରେ ଅନେକ ଉତ୍କଣ୍ଠା ଦେଖିବାକୁ ମିଳିଛି ।
ତେବେ ଜୋରସୋରରେ ଆଗେଇ ଚାଲିଛି ଫିଲ୍ମ ନିମକି – ନିମପୁରରୁ ନବିନ ନିବାସର ସୁଟିଂ । ଆଉ ପ୍ରତ୍ୟେକ ଦିନ ଫିଲ୍ମର ସୁଟିଂ ସେଟରୁ ବେଶ କିଛି ଖବର ପ୍ରଶଂସକଙ୍କ ସହ ସେୟାର୍ କରୁଛନ୍ତି ନିର୍ଦ୍ଦେଶକ ସୁଶାନ୍ତ ମଣି । ବିଭିନ୍ନ ସ୍ଥାନରେ ଏହାର ସୁଟିଂ କାମ ଆରମ୍ଭ ହୋଇଥିବା ବେଳେ ଆଜି ଅପରାହ୍ନରେ ସୁଟିଂ ଦେଖିବାକୁ ମିଳିଥିଲା କନକ ନ୍ୟୁଜ ସେଟରେ । ଅଭିନେତ୍ରୀ ବର୍ଷାଙ୍କ ସହ ନଜର ଆସିଥିଲେ ବାରବାଟୀ ବିଧାୟକ ଦେବାଶିଷ ସାମନ୍ତାରାୟ ।
ରାଜନୀତି ଉପରେ ଆଧାରିତ ଏହି ଫିଲ୍ମରେ ଅନେକ ରାଜନେତାଙ୍କୁ ମଧ୍ୟ ଦେଖିବାକୁ ମିଳିବ । ତେବେ ଆଗକୁ ଏହି ଫିଲ୍ମରେ କ’ଣ ସବୁ ରୋମାଂଚକର ଦୃଶ୍ୟ ଦେଖିବାକୁ ମିଳିବ ତାହା ବାକି ରହିଲା ।