ନିଳାଦ୍ରୀ ବିଜେ ବିଶୃଙ୍ଖଳା ଘଟଣା : ମତ ରଖିଲେ ଉତ୍କଳ ସେବକ ସମାଜର ପ୍ରତିନିଧି ଦଳ
କନକ ବ୍ୟୁରୋ : ଉତ୍କଳ ସେବକ ସମାଜର ଏକ ପ୍ରତିନିଧି ଦଳ ଶ୍ରୀମନ୍ଦିର କମିଶନ ନିକଟରେ ନିଳାଦ୍ରୀ ବିଜେ ବିଶୃଙ୍ଖଳା ଘଟଣାରେ ମତ ରଖିଛି । ଶ୍ରୀ ମନ୍ଦିରରେ କିଭଳି ଏଭଳି ଘଟଣାର ପୁନରାବୃତ୍ତି ନ ହେବ ସେ ନେଇ କିଛି ସୁଚିନ୍ତିତ ମତାମତ ଏକ ମୁଦା ଲଫାପାରେ କମିଶନଙ୍କୁ ଦେଇଛନ୍ତି । ଦର୍ଶନ ବ୍ୟବସ୍ଥା ଶ୍ରୀମନ୍ଦିରରେ ସଂପୁର୍ଣ୍ଣ ଶୃଙ୍ଖଳିତ ହେଉ । ପ୍ରସାଦ ବଂଟନ ବ୍ୟବସ୍ଥା ଉପରେ ସରକାରଙ୍କ ନିୟନ୍ତ୍ରଣ ରହୁ ବୋଲି ପ୍ରତିନିଧି ଦଳ ମତ ରଖିଛି ।
Kanak News is now on WhatsApp
Join and get latest news updates delivered to you via WhatsApp
ମୁଦା ଲଫାପାରେ ଦିଆଯାଇଥିବା ମତାମତ ହେଉଛି, ବଂଶାନୁକ୍ରମିକ ସେବାୟତ ବ୍ୟବସ୍ଥା ଉଚ୍ଛେଦ କରାଯାଇ ସେବାୟତ ମାନଙ୍କୁ ସରକାର ନିୟୋଜିତ କରନ୍ତୁ । ଠାକୁରଙ୍କର କୈାଣସି ବେଶ ବନ୍ଦ୍ କରିବା ସମୟରେ ସାଧାରଣ ଭକ୍ତଙ୍କ ମତାମତ ଲୋଡାଯାଉ । ମନମୁଖୀ ଠାକୁରଙ୍କର ବେଶ ବନ୍ଦ କରିବା ନିଷ୍ପତି ଜଗନ୍ନାଥ ପ୍ରେମୀଙ୍କୁ ପୀଡା ଦେଉଛି । ତେଣୁ କମିଶନ ଏ ଦିଗ ଗୁଡିକ ଉପରେ ଦୃଷ୍ଟି ଦେଇ ପଦକ୍ଷେପ ନେବାକୁ ନିବେଦନ କରିଛି ଉତ୍କଳ ସେବକ ସମାଜ ।