ଓଡିଶା ପୁଲିସ୍ କବଜାରେ ବିଦେଶୀ ଲୁଟେରା! ଡାକ୍ତରଙ୍କୁ ୧୮ ଲକ୍ଷ ଟଙ୍କାର ଚୂନ ଲଗାଇ ଖସି ପଳାଉଥିବା ବେଳେ ନାଇଜେରିଆ ଠକକୁ ଧରିଲା ଅନୁଗୁଳ ପୁଲିସ
କନକ ବ୍ୟୁରୋ: ନାଇଜେରିଆ ଠକକୁ ଗିରଫ କଲା ଅନୁଗୁଳ ପୋଲିସ । ନାଇଜେରିଆର ଏହି ଠକର ନାଁ ହେଉଛି ନିକୋଲାସ । କଟକ ଶିଶୁ ଭବନର ଡାକ୍ତର ମଙ୍ଗଳ ମୁର୍ମୁଙ୍କୁ ଡାକ୍ତରୀ ଉପକରଣ ଯୋଗାଇଦେବା ନାଁରେ ଅର୍ଥ ହଡପ କରିବା ଅଭିଯୋଗରେ ତାଙ୍କୁ ଗିରଫ କରାଯାଇଛି । ଅର୍ଥ ହଡପ ନେଇ ଡାକ୍ତର ମୁର୍ମୁ ଥାନାରେ ଅଭିଯୋଗ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପରେ ପୋଲିସ ଡାକ୍ତରଙ୍କ ଏତଲା ଆଧାରରେ ଅଭିଯୁକ୍ତ ନିକୋଲାସଙ୍କୁ ଗିରିଫ କରିଛି । ତାଙ୍କ ପାଖରୁ ପାସପୋଟ ସହ ୧୮ ଲକ୍ଷ ଟଙ୍କା ଜବତ କରିଛି ପୋଲିସ । ପ୍ରାଥମିକ ପର୍ଯ୍ୟାୟରେ ନିକୋଲାସ କଟକର ବମ୍ବେ ହୋଟେଲରୁ ଡାକ୍ତର ମୁର୍ମୁଙ୍କ ଠାରୁ ନେଇଥିବା ବେଳେ ବୌଦ୍ଧର ବ୍ଲୁ ମୁନ ହୋଟେଲରୁ ଆଉ ୧୫ ଲକ୍ଷ ଟଙ୍କା ନେଇ ଫେରାର ହୋଇ ଯାଇଥିଲା । ତେବେ ସେ ଅନୁଗୁଳ ଷ୍ଟେସନରେ ଥିବା ବେଳେ ତାଙ୍କୁ ଗିରଫ କରାଯାଇଛି ।