କନକ ବ୍ୟୁରୋ : ନିଆଳି ମେଣ୍ଢା ମଡକ ପ୍ରସଙ୍ଗରେ ପ୍ରଥମଥର ଲାଗି ପ୍ରଶାସନ ଦେଲା ତଥ୍ୟ । ଜଙ୍ଗଲି ଜନ୍ତୁ ମେଣ୍ଢାଙ୍କୁ ଆକ୍ରମଣ କରୁଥିବା ପ୍ରଶାସନ କହିଛି । ଗଧିଆ କିମ୍ବା ହେଟାବାଘ ଏହି ଆତଙ୍କ ଚଳାଇଥିବା ପ୍ରଶାସନ ସୂଚନା ଦେଇଛି । ଏପ୍ରିଲ ୧ରୁ ଜୁନ ୨୬ ମଧ୍ୟରେ ନିଆଳି ଓ ଏହାର ଆଖାପାଖ ଅଂଚଳରେ ୪୦ ମେଣ୍ଢା ମରିଥିବା କୁହାଯାଇଛି । ଖୁଲିସା ଗାଁ ନିକଟ ଜଙ୍ଗଲେ ଥିବା ଏହି ଜନ୍ତୁ ମେଣ୍ଢାଗୁଡିକୁ ଆକ୍ରମଣ କରୁଥିବା ସନ୍ଦେହ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏହି ଜଙ୍ଗଲି ଜନ୍ତୁଙ୍କୁ ଠାବ କରିବା ପାଇଁ ବିଭିନ୍ନ ସ୍ଥାନରେ ଜନ୍ତା ବସା ଯାଇଥିବାବେଳେ କ୍ୟାମେରା ଲଗାଇବାକୁ ବ୍ୟବସ୍ଥା ହେଉଛି । ସେହିପରି ସ୍ଥାନୀୟ ଲୋକଙ୍କୁ ମେଣ୍ଢାଶାଳକୁ ମଜଭୁତ କରିବା ଓ ରାତି ପାଟ୍ରୋଲିଂ କରିବାକୁ ପରାମର୍ଶ ଦିଆଯାଇଛି । ରାତି ୨ଟାରୁ ୪ଟା ମଧ୍ୟରେ ବିଶେଷ କରି ଜଙ୍ଗଲି ଜନ୍ତୁ ଆକ୍ରମଣ କରୁଥିବାରୁ ଏହି ସମୟରେ ସତର୍କ ରହିବାକୁ କୁହାଯାଇଛି । ରାତି ସମୟରେ ଗୁହାଳରେ ଆଲୋକ ବ୍ୟବସ୍ଥା କରିବାକୁ ମଧ୍ୟ ନିଆଳିବାସୀଙ୍କୁ ପରାମର୍ଶ ଦିଆଯାଇଛି ।