ପୁଲୱାମା ଆକ୍ରମଣ ନେଇ ବଡ ସୁରାକ ! ଛାତିଥରା ବିସ୍ଫୋରଣରେ ବ୍ୟବହୃତ ହୋଇଥିବା କାର ମାଲିକଙ୍କ ମିଳିଲା ପରିଚୟ ।
କନକ ବ୍ୟୁରୋ : ପୁଲୱାମା ଆତଙ୍କବାଦୀ ଆକ୍ରମଣ ନେଇ ସାମ୍ନାକୁ ଆସିଲା ବଡ ସୁରାକ୍ । ଆକ୍ରମଣରେ ବ୍ୟବହାର କରାଯାଇଥିବା କାରଟିକୁ ଚିହ୍ନଟ କରାଯାଇଥିବା ବେଳେ କାରର ମାଲିକଙ୍କ ପରିଚୟ ମିଳିଛି । ହାମଲାରେ ମାରୁତି ଇକୋ କାରର ବ୍ୟବହାର କରାଯାଇଥିଲା । ଘଟଣାର ତଦନ୍ତ କରି ସୁରାକ ପାଇଛି ଏନଆଇଏ । ତେବେ ଏହି କାରର ମାଲିକ ଜୈସ୍-ଇ-ମହମ୍ମଦ କ୍ୟାଡର ସାଜଦ ଭଟ୍ଟ ବୋଲି ଜଣାପଡିଛି । ତେବେ ଘଟଣା ପରଠାରୁ ଫେରାର ଅଛି ଅଭିଯୁକ୍ତ ସାଜଦ ଭଟ୍ଟ । ଆକ୍ରମଣର ୧୦ ଦିନ ପୂର୍ବରୁ କାରଟିକୁ କିଣାଯାଇଥିଲା । ସଜାଦ୍ ଭଟ୍ଟର ଘର ଜାମ୍ମୁ-କଶ୍ମୀରର ଅନନ୍ତନାଗ ଜିଲ୍ଲା ଅନ୍ତର୍ଗତ ବିଜବିହାରା ଅଞ୍ଚଳରେ। ଆଜି ସନ୍ଧ୍ୟାରେ ଏହି ଖୁଲାସା କରିଛି ନ୍ୟାସନାଲ ଇନଭେଷ୍ଟିଗେଟିଭ୍ ଏଜେନ୍ସି (ଏନଆଇଏ)।
Kanak News is now on WhatsApp
Join and get latest news updates delivered to you via WhatsApp
NIA: Sajjad Bhat (owner of vehicle used in #PulwamaAttack) has reportedly joined Jaish-e-Mohammed (JeM). (Pic courtesy: NIA) pic.twitter.com/NGRxTb7Wb7
— ANI (@ANI) February 25, 2019
ପୁଲୱାମାରେ ଆତ୍ମଘାତୀ ବିସ୍ଫୋରଣରେ ବ୍ୟବହୃତ ହୋଇଥିଲା ଏହି କାର । ଫେବୃଆରୀ ୧୪ ତାରିଖରେ ଘଟିଥିଲା ଏହି ଛାତିଥରା ଘଟଣା । ଏହି ଆତଙ୍କୀ ଆକ୍ରମଣରେ ସହିଦ ହୋଇଥିଲେ ୪୦ ଯବାନ । ଏହି ଆକ୍ରମଣ ସାରା ଦେଶକୁ ଦୋହଲାଇ ଦେଇଥିବା ବେଳେ ପ୍ରତିଶୋଧର ନିଆଁରେ ଜଳୁଛି ଭାରତ । ତେବେ ଆକ୍ରମଣ ନେଇ ଏନଆଇଏକୁ ବଡ ସୁରାକ ମିଳିଥିବା ବେଳେ, ଆତଙ୍କୀଙ୍କ ଚେର କେଉଁ ଯାଏଁ ଲମ୍ବିଛି ସେନେଇ ଆଗକୁ ଅଧିକ ତଦନ୍ତ କରାଯିବ । ବିସ୍ଫୋରଣରେ ସଂପୂର୍ଣ୍ଣ ରୂପେ ନଷ୍ଟ ହୋଇ ଯାଇଥିବା ଏହି ଗାଡ଼ିର ଫୋରେନସିକ୍ ଯାଞ୍ଚପରେ ଏହା ଏକ ମାରୁତି ଇକୋ ଗାଡ଼ି ଓ ଏହାର ମାଲିକ ଜେଇଏମର ଅନ୍ୟତମ ଆତଙ୍କବାଦୀ ସଜାଦ୍ ଭଟ୍ଟ ବୋଲି ଏନଆଇଏ ଜାଣିବାକୁ ପାଇଛି।