ସହଜରେ ବୁକ୍ କରିପାରିବେ ଟ୍ରେନ୍ ଟିକେଟ ! ଆଇଆରସିଟିସିର ନୂଆ ୱେବସାଇଟରେ ହେଲା ସଂଶୋଧନ
ଆଇଆରସିଟିସି ଇ-ଟିକେଟିଂ ୱେବସାଇଟର ସଂଶୋଧନ କରିଛି । ଏଥିରେ ନୂଆ ୟୁଜର ଇଂଟରଫେସ୍ (ୟୁଆଇ) ଯୋଡ଼ାଯାଇଛି । ଏହି ସୂଚନା ପିଆଇବି ତରଫରୁ ଜାରି ହୋଇଥିବା ପ୍ରେସ୍ ବିଜ୍ଞପ୍ତି ଅନୁସାରେ ସାମ୍ନାକୁ ଆସିଛି । ବିଜ୍ଞପ୍ତି ଅନୁସାରେ କୁହାଯାଇଛି, ୱେବସାଇଟରେ ୟୁଜରଙ୍କ ଅନୁଭବକୁ ସୁଧାରିବା ପାଇଁ ଅନେକ ସୁଧାର କରାଯାଇଛି । ୱେବସାଇଟର ବିଟା ଭର୍ସନ ପାଇଁ ୟୁଜରକୁ ଆମନ୍ତ୍ରିତ କରାଯାଇଛି । ଯଦ୍ୱାରା ୧୫ ଦିନ ପାଇଁ ନୂଆ ଲୁକକୁ ଦେଖିପାରିବେ । ଏହି ସମୟରେ ଭାରତୀୟ ରେଳବାଇ ୱେବସାଇଟରେ ପରିବର୍ତ୍ତନ ଓ ସୁଧାର ପାଇଁ ୟୁଜରଙ୍କ ପରାମର୍ଶ ନେବ । ଏହାପରେ ନୂଆ ଇଂଟରଫେସର ବିଟା ଭର୍ସନ ଆଇଆରସିଟିସିକୁ ଇ-ଟକେଟିଂ ପୋର୍ଟାଲ ପାଇଁ ପୁରୁଣା ଇଂଟରଫେସ୍ ସ୍ଥାନ ନେବ ।
Kanak News is now on WhatsApp
Join and get latest news updates delivered to you via WhatsApp
ଜାଣନ୍ତୁ ଏଥି ସମ୍ମନ୍ଧିତ କିଛି ଜରୁରୀ କଥା –
– ପ୍ରେସ ବିଜ୍ଞପ୍ତି ଅନୁସାରେ ୟୁଜର୍ସ ବିନା ଲଗ୍ ଇନ୍ ଦ୍ୱାରା ଇନକ୍ୱ୍ୟାରି, ଟ୍ରେନ୍ ସର୍ଚ୍ଚ ଓ ସିଟକୁ ଉପଲବ୍ଧତା ବିଷୟରେ ପଚାରି ପାରିବେ ।
– ୟୁଜର୍ସ ଆଇଆରସିଟିସିର ୱେବସାଇଟ୍ରେ ଫଂଟ ସାଇଜରେ ମଧ୍ୟ ପରିବର୍ତ୍ତନ କରିପାରିବେ ।
– ନୂଆ ଲୁକର ଆଧାରରେ, ଟ୍ରେନ ଆଧାରେ, ଗନ୍ତବ୍ୟ ଆଧାରରେ, ଅନ୍ୟ ସଂରକ୍ଷଣ ଆଧାରରେ ଫିଲଟରରେ ସୁଧାର କରାଯାଇଛି ।
– ଟ୍ରେନ୍ ବିଷୟରେ ଯେପରି ଟ୍ରେନ୍ ନମ୍ବର, ଟ୍ରେନ୍ ପହଞ୍ଚିବା ସମୟ, ଗନ୍ତବ୍ୟ ଷ୍ଟେସନ ଓ ଉଭୟଙ୍କ ମଧ୍ୟରେ ଦୂରତା ଆଦି ବ୍ୟବସ୍ଥିତ ହୋଇଯାଇଛି ।
– ମାଇଁ ଟ୍ରାନଜାକ୍ସନ ଅନ୍ତର୍ଗତ ଦିଆଯାଇଥିବା ନୂଆ ଫିଲଟରକୁ ଯୋଡ଼ାଯାଇଛି କାରଣ ୟୁଜର ଯାତ୍ରା ତାରିଖ, ବୁକିଂ କାରିଖ, ଫେରିବା ତାରିଖ ଆଧାରେ ବୁକ ହୋଇଥିବା ଟିକେଟ ଦେଖିପାରିବେ ।
– ଏଥିରେ ୱେଟଲିଷ୍ଟ ପ୍ରେଡ଼ିକ୍ସନ ମଧ୍ୟ ଯୋଡ଼ାଯାଇଛି । ୱେବସାଇଟକୁ ଯାଇ ୟୁଜର ସଂରକ୍ଷଣ ତଥା ୱେଟଲିଷ୍ଟ ବିଷୟରେ ଟିକେଟ୍ କନଫର୍ମ ହେବାର ସମ୍ଭାବନା ବଢ଼ିଯିବ ।