କେରଳରେ ଭୟଙ୍କର ବନ୍ୟା ପରେ ଦୁଇଭାଗ ହେଲା ସମୁଦ୍ର ! ସୃଷ୍ଟି ହେଲା ସ୍ୟାଣ୍ଡ-ବେଡ, ଦେଖିବା ପାଇଁ ପର୍ଯ୍ୟଟକଙ୍କ ଲାଗିଛି ଲମ୍ବା ଲାଇନ ।
କେରଳରେ ଭୟଙ୍କର ବନ୍ୟା ପରେ ଏଠାରେ ଏକ ଅଦ୍ଭୁତ ଦୃଶ୍ୟ ଦେଖିବାକୁ ମିଳିଛି । ବନ୍ୟାର ପ୍ରକୋପ କମିବା ପରେ ମଲପୁରମର ଉତ୍ତରି ଜିଲ୍ଲା ନିକଟବର୍ତ୍ତି ଥିବା ସମୁଦ୍ର ତଟରେ ଏକ ସ୍ୟାଣ୍ଡ-ବେଡ ଦେଖିବାକୁ ମିଳିଛି । ଏହି ସ୍ୟାଣ୍ଡ-ବେଡ ଏବେ ପର୍ଯ୍ୟଟକମାନଙ୍କ ପାଇଁ ଏକ କେନ୍ଦ୍ରବିନ୍ଦୁ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ମିଡିଆ ରିପୋର୍ଟ ଅନୁସାରେ, କେରଳର ପୋନ୍ନତୀ ସମୁଦ୍ର ତଟରେ ପ୍ରକୃତୀର ଏକ ଅଭିନବ କାରୁକାର୍ଯ୍ୟ ଦେଖିବାକୁ ମିଳିଛି । ଯାହାର ଚିତ୍ର ଏବେ ସୋସିଆଲ ମିଡିଆରେ ଖୁବ ଜୋରରେ ବ୍ୟାପିବାରେ ଲାଗିଛି । କେରଳର ଏହି ସମୁଦ୍ର ତଟର ଠିକ ମଧ୍ୟ ଭଆଗରେ ବାଲିର ଏକ ଉଚ୍ଚା ସ୍ଥାନ ନିର୍ମୀତ ହୋଇଛି । ବାଲିରେ ତିଆରି ଏହି ଉଚ୍ଚା ସ୍ଥାନ ପ୍ରାୟ ୧ କିଲୋମିଟ ଯାଏ ବ୍ୟପି ରହିଛି । ଏହି ସ୍ଥାନକୁ ଦେଖିବା ପାଇଁ ଦୁର ଦୁରାନ୍ତରରୁ ଅନେକ ପର୍ଯ୍ୟଟକ ଏଠାରେ ଭିଡ ଜମାଇଛନ୍ତି । କିନ୍ତୁ ଏହି ସ୍ଥାନଟି ସମୁଦ୍ରର ମଧ୍ୟ ଭାଗରେ ହୋଇଥିବାରୁ ଏଠାକୁ ଯିବା ବିପପୂର୍ଣ୍ଣ ହୋଇପଡିଛି । ପର୍ଯ୍ୟଟକ ମାନେ ଏଠାକୁ ଯିବା ପାଇଁ ଭିଡ ଜମାଇଥିବା ବେଳେ ପୋଲିସଙ୍କ ପାଇଁ ଏହା ଏକ ଚିନ୍ତାର ବିଷୟ ପାଲଟିଯାଇଛି । କାରଣ ବାଲିରେ ସୃଷ୍ଟି ହୋଇଥିବା ଏହି ଉଚ୍ଚା ସ୍ଥାନଟି ସମୁଦ୍ରର ମଝିରେ ହୋଇଥିବାରୁ ଏଠାରେ କେତେବେଳେ ସମୁଦ୍ରର ଲହଡି ଅଧିକ ହୋଇଯାଉଛି ତ ଆଉ କେତେବେଳେ କମ ହେଉଛି । ତେଣୁ ଏଭଳି ପରିସ୍ଥିତିରେ ଲୋକମାନେ ସେଠାକୁ ଯିବା ବିପଦପୂର୍ଣ୍ଣ ଅଟେ । ଏହି ସବୁକୁ ଦୃଷ୍ଟିରେ ରଖି ପୋଲିସ ସତର୍ରତା ଅବଲମ୍ବନ କରିବା ସହ ପର୍ଯ୍ୟଟକମାନେ ଏଠାକୁ ନଯିବା ପାଇଁ ପୋଲିସ ବାରଣ କରୁଛି । ତେବେ ପୂର୍ବ ଘଟଣା ଅନୁଯାୟୀ, ୨୦୦୯ରେ ମଧ୍ୟ ବନ୍ୟା ପରେ ଏହିପରି ଏକ ସ୍ୟାଣ୍ଡ-ବେଡ ଦେଖିବାକୁ ମିଳିଥିଲା । ଠିକ ଏହିଭଳି କେତେକ ଲୋକ ଏଠାକୁ ମଜା ମସ୍ତି କରିବା ପାଇଁ ଆସିଥିଲେ । କିନ୍ତୁ ବଡ ଜୁଆର ଆସିବା କାରଣରୁ ସେଠାରେ ଉପସ୍ଥିତ ଥିବା ସମସ୍ତ ଲୋକ ସମୁଦ୍ରରେ ବୁଡି ପ୍ରାଣ ହରାଇଥିଲେ ।