ରାଜଧାନୀରେ ଭାଇରାଲ୍ ଭିଡିଓ ଘଟଣାରେ ନୂଆ ମୋଡ ! ସାମ୍ନାକୁ ଆସିଲା ଚତୁର୍କୋଣୀୟ ପ୍ରେମ କାହାଣୀ
କନକ ବ୍ୟୁରୋ : ଜଣେ ଯୁବକଙ୍କୁ ଦୁଇ ପ୍ରେମିକା ମାଡ଼ ମାରୁଥିବା ଘଟଣାରେ ଭିନ୍ନ ମୋଡ ନେଇଛି । ଆଜି ଆଉ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ହେଲେ ଏଥିରେ ଆଉ ଏକ ଚରିତ୍ର ଧସେଇ ପସିଛନ୍ତି । କୌତୁହଳର ବିଷୟ ହେଉଛି ଏହି ଭିଡିଓରେ ମାଡ ମାରୁଥିବା ଯୁବକ ଜଣକ ମାଡ଼ ଖାଉଥିବା ଯୁବକଙ୍କ ପ୍ରେମିକାଙ୍କ ପ୍ରେମିକ । ଏହି ଭିଡିଓ ସାମ୍ନାକୁ ଆସିବା ପରେ ଚତୁର୍କୋଣୀୟ ପ୍ରେମ କାହାଣୀ ଆହୁରି ଜଟିଳ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
ସୋମବାରଦିନ ରାଜଧାନୀର ଏକ ପାର୍କରେ ଜଣେ ଯୁବକଙ୍କୁ ଦୁଇଜଣ ଯୁବତୀ ମାଡ ମାରିଥିବା ଘଟଣା ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାପରେ ସଂପୃକ୍ତ ଯୁବକ କମଳ ଅଗ୍ରୱାଲ ନ୍ୟାୟ ପାଇଁ ସ୍ଥାନୀୟ ଏସଡିଜେଏମ କୋର୍ଟର ଦ୍ୱାରସ୍ଥ ହୋଇଛନ୍ତି । ଏବେ ଏହି ନୂଆ ଭିଡିଓ ଆସିବା ପରେ ଘଟିଣାଟି ଆହୁରି ରହସ୍ୟ ଘେରକୁ ଚାଲି ଯାଇଛି । ମାଡ଼ ମାରୁଥିବା ଯୁବକଙ୍କ ଏହି କାହାଣୀ ଭିତରେ କି ଭୂମିକା ରହିଛି, ତାହା ମଧ୍ୟ ସଂଦେହ ଘେରକୁ ଆସିଛି ।
ଯୁବକଙ୍କୁ ମାଡ ମାରିବା ସମୟର ସମସ୍ତ ଦୃଶ୍ୟ ଭିଡିଓ ରେକଡିଂ କରାଯାଇଛି ଏବଂ ସେଗୁଡିକୁ ଭାଗ ଭାଗ କରି ସୋସିଆଲ ମିଡିଆରେ ଛଡା ଯାଇଛି । ଏପରି କରିବା ପଛରେ କଣ ରହିଛି ଉଦ୍ଦେଶ୍ୟ, ଏହା ଏବେ ଘଟଣା ଉପରେ ପ୍ରଶ୍ନ ଚିହ୍ନ ଲଗାଇଛି ।
ସେପଟେ ଯୁବକ ଜଣଙ୍କ ଅଭିଯୋଗ କରିଛନ୍ତି ମାଡ ମାରିବା ପରେ ତାଙ୍କ ସୁନା ଚେନ, ମନି ପର୍ସ ଓ କିଛି ଟଙ୍କା ମଧ୍ୟ ନେଇଯାଇଛନ୍ତି ଏବଂ ତାଙ୍କୁ ବ୍ଲାକମେଲିଂ କରାଯାଉଛି । ଭିଡିଓ ଭାଇରାଲ ହେବା ପରେ ଆତ୍ମହତ୍ୟା ପାଇଁ ମଧ୍ୟ ଉଦ୍ୟମ କରିଥିଲେ ସଂପୃକ୍ତ ଯୁବକ । ଏବେ ଯୁବକଙ୍କ ପ୍ରଥମ ପ୍ରେମିକା ଆପୋଷ ବୁଝାମଣା କରିବା ପାଇଁ ଆଗେଇ ଆସିଛନ୍ତି । ତେବେ ବୁଝାମଣା ନହୋଇ ପାରିଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ।