କନକ ବ୍ୟୁରୋ : ଟେଲିକମ ଅଥରିଟି ଅଫ ଇଣ୍ଡିଆ ଲାଗୁ କରିବାକୁ ଯାଉଥିବା ନୂଆ ନିୟମ ଅନୁଯାୟୀ କେବୁଲ ଟିଭର ମାସିକ ଦେୟ କମିବ । ଏମଆରପି ବେସ୍ ମଡେଲ ହୋଇଥିବାରୁ ଏହି ଦେୟ କମିବ ବୋଲି ଟ୍ରାଇ ମୁଖ୍ୟ କହିଛନ୍ତି । ଏହା ସହିତ ସେ କହିଛନ୍ତି ପ୍ରଥମ ଫେଜରେ ଗ୍ରାହକମାନେ ଏହି ନିୟମ ଅର୍ନ୍ତଭୁକ୍ତ ହୋଇ ନପାରିଲେ ସେମାନଙ୍କ ଟିଭିକୁ ବ୍ଲାକ୍ ଆଉଟ୍ କରାଯିବ ନାହିଁ । କିଛି ଦିନ ପାଇଁ ବିନା ଶୁଳ୍କର ଚ୍ୟାନେଲ ଗୁଡିକ ଦେଖିପାରିବେ ଗ୍ରାହକ ।
Kanak News is now on WhatsApp
Join and get latest news updates delivered to you via WhatsApp
ତେବେ ଦେୟ ଦେଉଥିବା ଟିଭି ଗ୍ରାହକମାନେ ନିର୍ଦ୍ଧାରିତ ସମୟସୀମା ମଧ୍ୟରେ ନୂଆ ସେଟଅପ୍ ବକ୍ସକୁ ପରିବର୍ତନ କରିବେ ଏବଂ ସର୍ବନିମ୍ନ ତାରିଫର ସୁବିଧା ଉପଭୋଗ କରିବେ ବୋଲି ଆଶା ରଖିଛନ୍ତି ଟ୍ରାଇ କର୍ତ୍ତୃପକ୍ଷ । ଫବୃଆରୀ ପହିଲାରୁ ଟ୍ରାଇର ଏହି ନୂଆ ନିୟମ ଲାଗୁ ହେବାକୁ ଯାଉଛି । ଏହି ନିୟମ ଅନୁଯାୟୀ ଜଣେ ଟିଭି ଗ୍ରାହକ ମାତ୍ର ୧୩୦ଟଙ୍କା ସର୍ବନିମ୍ନ ଟଙ୍କା ଦେଇ ୧୦୦ଟି ନିଶୁଳ୍କ ଚ୍ୟାନେଲକୁ ଦେଖିପାରିବେ ।
ଅଧିକ ଚ୍ୟାନେଲ ଦେଖିବା ପାଇଁ ନିଜ ଇଛା ଅନୁସାରେ ପସନ୍ଦର ଚ୍ୟାନେଲକୁ ଚୟନ କରିବେ । ଏବଂ ଯେତିକି ଚ୍ୟାନେଲ ଚୟନ କରିବେ ସେଥିପାଇଁ ନିଦ୍ଧାରିତ ଦେୟ ଦେବେ । ତେବେ କୌଣସି ଚ୍ୟାନେଲ ୧୯ଟଙ୍କାରୁ ଅଧିକ ଦେୟ ଲାଗୁ କରିପାରିବେନି ବୋଲି ନିର୍ଦ୍ଦେଶ ଦେଇଛନ୍ତି ଟ୍ରାଇ । ଏବେ ଅନିଛାକୃତ ଭାବେ ପ୍ୟାକେଜରେ ଥିବା ସମସ୍ତ ଚ୍ୟାନେଲ ପାଇଁ ଗ୍ରାହକଙ୍କୁ ମାସିକ ୨୦୦ରୁ ୩୦୦ଟଙ୍କା ବା ଅଧିକ ଦେୟ ଦେବାକୁ ପଡୁଛି ।